Xülya Cəfərova

Xülya Sabirli və ya Xülya Cəfərova (tam adı: Xülya Rabil qızı Sabirli; 17 fevral 1992, Qəbələ) — Azərbaycanlı yazıçı, jurnalist, pedaqoq və tərcüməçi.

Xülya Sabirli
Doğum tarixi	17 fevral 1992(1992-02-17) (32 yaş)
Doğum yeri	Qəbələ, Qəbələ rayonu, Azərbaycan
Milliyyəti	Azərbaycanlı
Təhsili	Bakı Dövlət Universiteti AMEA Corc Vaşinqton Universiteti Azərbaycan Dövlət Pedaqoji Universiteti
İxtisası	jurnalist
Fəaliyyəti	yazıçı, pedaqoq, tərcüməçi
Əsərlərinin dili	Azərbaycan dili, ingilis dili
Janrlar	fantastika, psixoloji triller
İlk əsəri	Külək: Yel kürəsinin şahzadəsi (roman)

Həyatı

Xülya Sabirli 1992-ci il fevralın 17-də ziyalı ailəsində anadan olmuşdur. İki övladı var.

Təhsili

Orta təhsilini 1998–2009-cu illərdə Bakı şəhərində Qafqaz Özəl Gimnaziyasında almışdır. 2009-cu ildə Bakı Dövlət Universitetinin Jurnalistika fakültəsinə qəbul olmuş, 2013-cü ildə adı çəkilən universiteti bitirmişdir. Elə həmin ildə o, Bakı Dövlət Universitetinin magistraturasına daxil olmuşdur. 2016-cı ildə magistratura pilləsini fərqlənmə ilə bitirmiş və beynəlxalq jurnalistika ixtisası üzrə magistr dərəcəsi almışdır. O, 2017-2020-ci illərdə AMEA Hüquq və İnsan Haqları İnstitutunda doktorantura səviyyəsi üzrə təhsilini davam etdirmişdir. Ardınca Amerikanın Vaşinqton universiteti ilə Azərbaycan Dövlət Pedaqoji universitetinin "Təhsilin idarəedilməsi" ixtisası üzrə magistratura ikili diplom proqramında təhsil almışdır.

Fəaliyyəti

Xülya Sabirli peşəkar əmək fəaliyyətinə 2012-ci ildə Lider televiziyasında jurnalist və teleaparıcı kimi başlayıb. Ardınca, bir sıra qurumlarda jurnalist və tərcüməçi kimi çalışıb. 2014–2024-cü illərdə Heydər Əliyev Fondunun təşəbbüsü ilə təsis edilmiş "Qayğı-Sağlam Nəsil Naminə" İctimai Birliyinin idarə heyətinin üzvü, eyni zamanda ictimaiyyətlə əlaqələr üzrə meneceri kimi fəaliyyət göstərib. Bununla yanaşı, Bakı Dövlət Universitetində, Azərbaycan Universitetində, Azərbaycan Dövlət İqtisad Universitetində və Azərbaycan Dövlət Bədən Tərbiyəsi və İdman Akademiyasında müəllim kimi çalışıb. Hazırda Azərbaycan-Fransız Universitetinin ictimaiyyətlə əlaqələr üzrə meneceri, eyni zamanda ADA universitetinin müəllimi kimi peşəkar fəaliyyətini davam etdirməkdədir.

Müəllif uşaq yaşlarından bədii yaradıcılıqla məşğuldur. 2010-cu ildən etibarən hekayə və esseləri 525-ci qəzetdə müntəzəm olaraq çap olunmağa başlayıb. Ardınca, müxtəlif mətbu orqanlarında da yazılarla çıxış edib. Xülya Sabirli Qanun nəşriyyatının sifarişi ilə Elizabet Gilbertin "Ye, dua et, sev", Suzan Kollinsin "Alov Yanacaq" və "Aclıq Oyunları: Zığ-zığ quşu" əsərlərini İngilis dilindən Azərbaycan dilinə çevirib. Eyni zamanda, Azərbaycan Dövlət Tərcümə Mərkəzinin sifarişi ilə Çində Azərbaycan mədəniyyətinin təbliği üçün nəzərdə tutulmuş "Azərbaycan – Odlar Yurdu" adlı ensiklopedik vəsaiti Azərbaycan dilindən İngilis dilinə tərcümə edib. Xülya Sabirlinin "Külək: Yel Kürəsinin Şahzadəsi" və "Külək – Bozqurdun Sirri" kitabları TEAS Press Nəşriyyat Evi tərəfindən çap edilib.Külək: Yel kürəsinin şahzadəsi (roman) müəllifin ilk kitabıdır. Əsər Azərbaycan ədəbiyyatında ilk milli superqəhrəmanların yer aldığı fentezi romandır və əsər nəşriyyat tərəfindən 2018-ci ilin ən çox satılanları siyahısına daxil edilib, eyni zamanda "BAKUTEL 2018" sərgisi çərçivəsində ölkədə ilk VR Kitab layihə şəklində ictimaiyyətə təqdim edilib. Əsər Azərbaycan ədəbiyyatında ilk milli superqəhrəmanların yer aldığı fentezi romandır.

Xülya Sabirli həmçinin 2021-ci ildə BMT-nin Qadınlar Təşkilatının "Nağılları yeni nəsillər üçün yenidən təsəvvür edək!" adlı layihəsində yeganə azərbaycanlı yazar qismində iştirak edib. Silsilə görüşlər formatında baş tutan layihəyə dünyanın müxtəlif ölkələrindən olan onlarla yazıçısı qatılıb. Sonda ən yaxşı 30 hekayə toplu halında dərc edilib. Müəllifin "Şahzadə Ceynin kəşfi" adlı müasir nağılı da topluda yer alıb.

2022-ci ildə Xülya Sabirlinin "Şuşalı Superqəhrəman Qaya" adlı kitabı Azərbaycan Respublikasının Mədəniyyət Nazirliyinin tenderinin qaliblərindən biri kimi çap edilib və Bakı Beynəlxalq Kitab sərgisi çərçivəsində təqdimatı baş tutub. Əsər 44 günlük Vətən müharibəsi zamanı dünyasını dəyişmiş şəhidlərimizin və müharibədə canını ortaya qoymaqdan çəkinməyən qazilərimizin əziz xatirəsinə həsr edilib. 2024-cü ildə müəllifin "Metanoya" adlı psixoloji triller janrındakı romanı çapdan çıxıb. Roman məişət zorakılığı mövzusuna həsr olunub.

DankUFAZMemes haqqında qəza

Dankufazmemes — UFAZ (Azərbaycan-Fransa Universiteti) ilə əlaqəli mübəliğ memlər paylaşan fan səhifəsidir. Səhifə universitetin tələbələri tərəfindən yaradılmış və onların gündəlik hayatında baş verən əyləncəli hadisələri, məzəli vəziyyətləri əks etdirən məzmunları paylaşmaqla populyarlıq qazanmışdır.

Mübahisənin səbəbi

Mübahisə UFAZ-ın PR idarəsinin dankufazmemes səhifəsini hədəf alması ilə başlamışdır. PR idarəsi səhifənin profil şəkilini "uyğunsuz" adlandırar aq səhifənin bağlanmasını tələb etmişdir. Halbuki, səhifədə paylaşlanan məzmun təhqiramiz və ya neqativ xarakterdə olmayıb. Memlər tələbələr arasında populyar idi və onların birliyini möhkəmləndirmək məqsədi daşıyırdı. Buna baxmayaraq, PR idarəsi səhifənin universitetin imicinə xləl gətirdiyini iddia edərək onun bağlanmasını təmin etmk ünn admlar atmqdr.

Nəticə

Bütün bu PR idarəsinin, o cümlədən UFAZ-ın PR şöbəsinin rəhbəri Xülya Cəfərovanın səylərinə baxmayaraq, dankufazmemes səhifəsi daha da populyar olmuş və izləyici sayı 450-dən 500+ izləyiciyə qədər artmış, UFAZ tələbələrinin dəstəyini qazanmışdır.

Əsərləri

Külək trilogiyası

1. "Külək: Yel kürəsinin şahzadəsi"
2. "Külək - Bozqurdun sirri"

Digər romanları

1. Şuşalı superqəhərman Qaya
2. Metanoya

Hekayələr və məqalələr

1. Zülmət qırmızı
2. “Qar”anlıq
3. Həddini bilmə sənəti
4. Qulaqsız canavar
5. Vətənin pıçıltısı
6. Dünyanın sonu
7. İkiüzlü Yanus
8. Günəş qədər yaxın
9. Dünyanın sonu
10. Mənim dahi dostum
11. Başlanğıc və Son: Faktlar yeganə təsəllidir...
12. - The Discovery of Princess Jane
13. Öl Məzəli!
14. Vətənin Pıçıltısı

Fayl:Xülya Sabirli1.jpg

Xarici Keçidlər

Xülya SabirliYoutube kanalı