Köln kral salnaməsində (lat. Chronica regia Coloniensis) yazılanlara görə, 21 dekabr 1140-cı ildə Vaynsberqi mühasirəyə alan imperator şəhərin sərt müqavimətindən qəzəblənərək oranın bütün kişi sakinlərinə ölüm hökmü çıxarır və yalnız qadınlara bellərində apara biləcəkləri qədər yüklə şəhəri tərk etməyə icazə verir. Qadınlar isə öz ərlərini bellərinə alaraq şəhəri tərk etməklə onların həyatını xilas edirlər. Kral isə sözünə sadiq qalaraq buna mane olmur. Şəhərin kilsəsində həmin hadisəni təsvir edən 1659-cu ildə çəkilmiş rəsm asılmışdır.

Vaynsberq Fransanın Arden departamentində yerləşən Karinyan və İtaliyanın Asti əyalətindəki Kostilyole-d'Asti şəhərləri ilə rəsmi əlaqələrə malikdir. Şəhər, həmçinin Böyük Britaniyanın Keyvort və ABŞ-nin Minnesota ştatının Leyk-Kristal şəhərləri ilə qeyri-rəsmi əlaqələr yaratmışdır ki, bu da şəhərlər arasındakı tələbə mübadilə proqramları nəticəsində mümkün olmuşdur.

ABŞ-nin Ohayo ştatındakı Vaynsburq (ing. Winesburg) şəhəri XIX əsrin əvvəllərində Vaynsberqin şərəfinə adlandırılmış, 1833-cü ildə isə adı indiki yazılış formasına dəyişdirilmişdir.