Neqreyev Vsevolod Fyodoroviç (22 iyun 1903, Ukrayna, Kerç - 1967) — kimya elmləri doktoru (1951), professor (1953), AMEA-nın müxbir üzvü (1959), Lenin mükafatı laureatı.
| Vsevolod Neqreyev | |
|---|---|
| Neqreyev Vsevolod Fyodoroviç | |
.jpg) | |
| Doğum tarixi | |
| Doğum yeri | Ukrayna, Kerç |
| Vəfat tarixi | |
| Dəfn yeri | Fəxri xiyaban |
| Elmi dərəcəsi | kimya elmləri doktoru (1951) |
| Elmi adı | professor (1953) |
| Təhsili | Azərbaycan Dövlət Neft və Sənaye Universiteti |
| Üzvlüyü | AMEA (1959) |
Həyatı
Neqreyev Vsevolod Fyodoroviç 1903-cü il iyunun 22-də Ukraynanın Kerç şəhərində anadan olub. Ali təhsilini 1930-cu ildə Azərbaycan Dövlət Neft və Sənaye Universitetinin Kimya-texnologiyası fakültəsində alıb.
Əmək fəaliyyəti
Vsevolod Neqreyev 1930-1959-cu illərdə Azərbaycan Elmi Tədqiqat Neft Emalı İnstitutunda laboratoriya müdiri, 1959-1960-cı illərdə "Dənizneft" Dövlət Layihə İnstitutunda şöbə müdiri, 1961-ci ildən ömrünün sonuna qədər Azərbaycan SSR EA Qeyri-üzvi və Fiziki Kimya İnstitutunda laboratoriya müdiri işləyib.
Elmi fəaliyyəti
Əsas elmi nailiyyətləri
Vsevolod Neqreyevin əsas elmi fəaliyyəti metalların aqressiv mühit şəraitində korroziyadan mühafizə texnologiyasının işlənib hazırlanması və onun sənaye miqyasında tətbiq edilməsi istiqamətinə yönəlmişdir. Alim dəniz neft-mədən, kimya zavodları, yeraltı neft və qaz kəmərləri metal avadanlıqlarının kimyəvi və elektrokimyəvi korroziyadan qorunması üçün əməli tədbirlər hazırlamış və tətbiq üçün tövsiyə etmişdir. Onun təklifi ilə hazırda dəniz neft-mədənlərindəki polad dirəklər sink örtüyü vasitəsilə müvəffəqiyyətlə mühafizə olunur. Alimin işləyib hazırladığı metalların inhibitor vasitəsilə mühafizə üsulu 1960-1970-ci illərdə Krasnodar vilayətinin qaz mədənlərində geniş tətbiq edilmişdir.
Vsevolod Neqreyevin 1938-ci ildə dissertasiya müdafiə etmədən kimya üzrə fəlsəfə doktoru və 1951-ci ildə kimya üzrə elmlər doktoru elmi dərəcəsini, 1953-cü ildə isə professor elmi adını alıb. 1959-cu ildə Azərbaycan SSR EA-nın müxbir üzvü seçilib. V. Neqreyevin işləyib hazırladığı metalların inhibitor vasitəsilə mühafizə üsulu 1960–1970-ci illərdə Krasnodar vilayətinin qaz mədənlərində geniş tətbiq edilib..
Elmi əsərləri
Vsevolod Neqreyevin 250 elmi əsəri mövcuddur. Onlardan bəziləri :"Коррозия оборудования нефтяных промыслов", "Защита от коррозии морских нефтепромысловых сооружений", "Борьба с коррозией промыслового оборудования", "Neft sənayesində korroziya ilə mübarizədə inqibitorların tətbiqi".
Müəllif şəhadətnamələri və patentləri
30
Monoqrafiyaları
20
Yetirmələri
Vsevolod Neqreyevin rəhbərliyi ilə 6 elmlər doktoru və 50 fəlsəfə doktoru yetişdirilib.
Təltif və mükafatlar
Neqreyev bir sıra müəlliflərlə birgə "Metal və neft-mədən avadanlığının korroziyadan mühafizəsi" işinə görə Lenin mükafatına layiq görülüb. Azərbaycan SSR-nin "Əməkdar Elm və Texnika Xadimi " adını alıb, "Lenin", "Qıırmızi Əmək Bayrağı", "Şərəf nişanı" ordenləri ilə təltif olunub.
Vəfatı
Vsevolod Neqreyev 1967-ci ildə vəfat edib və Fəxri xiyabanda dəfn edilib.
İstinadlar
- ↑ (Azərbaycan). science.gov.az. 21-09-2021 tarixində .
- . kqkiamea.az. 2024-03-15 tarixində . İstifadə tarixi: 2024-04-04.
- . 2013-07-27 tarixində . İstifadə tarixi: 2017-05-24.
- . Yeni Azərbaycan (ingilis). 2019-11-05 tarixində . İstifadə tarixi: 2024-04-04.
- . azerbaijan.az. 2023-12-09 tarixində . İstifadə tarixi: 2024-04-04.