Gölün sahəsi — 5,8 km², uzunluğu — 7 km, eni isə 1,5 km-dir. Vrana gölü sahəsinə görə Xorvatiyanın altıncı, həcminə görə isə üçüncü böyük təbii gölüdür. Ən dərin yeri — 74 metrdir. Cres adasında olan göllərin içində ən dərin göldür. Göl səthinin dəniz səviyyəsindən hündürlüyü — 16 metr olsa da, mövsümlə əlaqadər yarım metr arasında dəyişə bilir. Forması oval şəkilli olub şimaldan cənuba doğru dartılmış formadadır. Göl çox da hündür olmayan təpəliklərlə əhatələnib. Ən yüksək olanları Elimo (483 m) və Perskradır (429 m).

Vrana gölü geoloji baxımdan ərazidə olan kriptodepressiyanın su ilə dolması nəticəsində meydana gəlmişdir. Gölün ən dərin yeri dəniz səviyyəsindən 58 metr aşağıda yerləşir.

Vrana gölünün faunasında daha çox durna, karp və lil balıqları üstünlük təşkil edir.

Şirin su baxımdan kasıb olan region üçün Vrana gölü çox böyük önəm kəsb edir. 200 milyon m³-lik şirin su ehtiyatına malik olan göldən 1953-cü ildə Cres şəhərinə su xətti çəkilmişdir. On il sonra qonşu adalara da su xətti çəkilmişdir. Göl suyu təmiz olduğu üçün heç bir təmizləmə işləri aparılmır. Ərazinin təmizliyinə ciddi nəzarət edilir, heç bir kənd təsərrüfatı fəaliyyətinə icazə verilmir. Göl ətrafında və göldə istirahət qadağandır.

• . 2011-04-10 tarixində .

1. Kranjc, A. (ingilis). CRC Press. 1997-01-01. ISBN 978-90-5410-875-7. 2024-05-14 tarixində . İstifadə tarixi: 2024-05-14.
2. Ognjen Bonacci: The Vrana Lake hydrology (Island of Cres – Croatia). In: JAWRA Journal of the American Water Resources Association, Jahrgang 29 (1993) Ausgabe 3, S. 407–417
3. (PDF). web.archive.org. Archived from the original on 2019-04-04. İstifadə tarixi: 2024-05-14.
4. CresNet. . Visit Cres Croatia (xorvat). 2024-05-14 tarixində . İstifadə tarixi: 2024-05-14.