Vrşiç (sloven. prelaz Vršič, it. passo della Moistrocca, alm. Werschetzpass) – Sloveniyanın şimal-qərbində yerləşən dağ aşırımı. Hündürlüyü 1611 metr olan aşırım Yuli Alplarında yerləşir. Aşırım həm Sloveniyanın, həm də Yuli Alplarının ən hündür aşırımıdır. Aşırım Yuxarı Karniolanı Trenta vadisi vasitəsilə Sloveniya Primoresini birləşdirir. Aşırımdan keçən tarixən Rus yolu kimi tanınır (Ruska cesta). Məhs bu yolun çəkilişində rus əsrlərindən istifadə edilmişdir. Hərbi məqsədlə çəkilən bu yol sonradan ticarət məqsədilə istifadə olundu. Hal-hazırda aşırım daha çox turist marşrutu kimi populyardır.
| Vrşiç | |
|---|---|
| sloven. Vršič | |
 | |
| Ümumi məlumatlar | |
| Mütləq hündürlüyü | 1.611 m |
| Yerləşməsi | |
| 46°26′09″ şm. e. 13°44′41″ ş. u. | |
| Ölkə |
 Sloveniya
|
|
|
|
 Vikianbarda əlaqəli mediafayllar | |
Etimologiyası
Aşırımın adı sloven dilində vršič — "kiçik zirvə" və qısaldılmış formada vrh "zirvə" deməkdir. Ad ilk öncə Vrşiç zirvəsinə aid edilirdi (1738 m). Zirvə aşırımdan 200 metr şərqdə yerləşir.
Turizm
Vrşiç aşırımından ətrafda olan zirvələrə bir çox yol mövcuddur: Moystrovka (2322 m), Böyük Moystrovka (2366 m), Planyu (2453 m), Stna Glav (2087 m) və s. Aşırımda bir neçə dağ evi yerləşir: Erjavčeva koča (1515 m), Tičarjev dom (1620 m), Poštarska koča (1725 m) və s. Qış aylarında aşırımdan keçən yolun yuxarı hissələri bağlı olur. Yol oktyabrın sonundan may ayının əvvəlinə kimi bağlı qala bilir.
Aşırımdan keçən yolun yaxınlığında rus provslav kilsəsi var. Kilsə yol çəkilişində həlak olmuş əsirlərin xatirəsini yad etmək üçün inşa edilmiş. 1916-cı ilin mart ayında qar uçqunu zamanı 400 nəfər rus əsiri həlak olmuşdur. Yol kənarında həm də tanınmış alpinist və yazıçı Yulius Kudjinin heykəli ucaldılıb.
İstinadlar
- Garwood, Duncan. . Lonely Planet. 2009. səh. 724. ISBN 978-1-74104-856-8. 2017-02-16 tarixində . İstifadə tarixi: 2020-05-02.
- ↑ . 2020-03-28 tarixində . İstifadə tarixi: 2020-05-02.