Volqa-Xəzər Neft sənayesi və Ticarət Cəmiyyəti — Rusiya imperiyasında 1898-ci ildən fəaliyyət göstərən səhmdar cəmiyyət.

Cəmiyyətin əsasnaməsi 4 iyul 1897-ci ildə qəbul edilir və 23 sentyabr 1897-ci ildə isə dərc edilir.

Cəmiyyət Dembotov qardaşlarının Qara şəhərdə və bakı ətrafında olan neft sənayesi müəssisələnin inkişaf və təmin edilməsi məqsədi ilə təşkil edilmişdir. Cəmiyyətin ümumi kapitalı 1 500 000 rubl təşkil edirdi. 6 000 səhmə bölünmüşdü, hər səhm 250 rubl dəyərində idi.

Cəmiyyəti təşkil edənlər arasında neft sənayeçisi, Çarısında ticarət-sənaye müəssisələri və daşınmaz əmlakları olan Qriqori Dembot və tacir İosif Dembot vardı.

Cəmiyyət 10 mart 1898-ci ildən fəaliyyətə başlamışdır. Cəmiyyətin qərargah mənzili Sankt-Peterburqda yerləşirdi: ilk əvvəllər Qalernaya küçəsi, ev № 20, sonradan Böyük Konyuşnaya küçəsi, ev № 7.

Cəmiyyətin rəhbərliyində Dembotov qardaşlarından başqa ticari işlərdə anlayışı olmayan şəxslərdə olmuşdur. Belə ki, 1898–1905-ci illərdə cəmiyyətin rəhbəri ictimai xadim, baron David Qinsburq, 1903–1905-ci illərdə isə direktorlardan biri həbsxana həkimi və ədəbiyyatçı David Qersrenşteytn olmuşdur.

Sankt-Peterburq dövlət palatası cəmiyyətə və işçilərinə müxtəlif vergilərə və ödənişlərə görə dəfələrlə iddia qaldırmışdır.

1905-ci ildə şirkətin kreditorlarının tələbi ilə onun işləri üçün bir rəhbərlik qurulmuşdur. 1906-cı ildən 1908-ci ilə qədər cəmiyyətin rəhbərliyinin qərargahı Bolşaya Konyuşnaya küç. ev 7 ünvanı göstərilirdi.

Sankt-Peterburqda (Petrograd) Ticarət Məhkəməsində cəmiyyətin ödəmə qabiliyyətsizliyinin tanınması ilə bağlı iş 1909–1916-cı illərdə aparılmışdır.