Yuxarı Kuito gölünün cənub-qərb sahilində, Kostomukşa şəhər magistral yolundan 59 km şimalda yerləşir. Kənd Kostomuksha şəhər dairəsi ərazisində yerləşir və tarixi yaşayış məskəni hesab olunur. Voknavolok Kostomuşka bölgəsində ilk yaşayış məntəqəsi hesab olunur. Ağ dəniz Kareliyası tarixi-coğrafi əyalətinə aid olan bu kəndin əhalisi 90 % kareliyalılardan ibarətdir. Kənd bölgədəki qədim əlyazmaları araşdıran finlandiyalı dilçi və folklor araşdırıcısı Lennrot Eliasla da əlaqəlidir. Məhs Lennrot özünün karel-fin eposu olan "Kalevala"nın son sujetlərini bu kəndlə bağlamışdır. Voknavolok kəndini müxtəlif dövrlərdə fin rəssam Luis Sparre, fotoqraf İnxa, Aksel Qallen və s. ziyarət etmişlər.

1997-ci ildə Voknavolok kəndində taxta kilsə inşa edilmişdir. Kilsə 1939-cu ildə yanmış kilsənin yerində tikilmişdir. Vətəndaş müharibəsi (1918) və Sovet-Fin müharibəsi (1941–1944) zamanı həlak olmuş sovet əsgərləri və partizanlarının kütləvi məzarlığı kəndin cənub-qərb hissəsindədir. 1959-cu ildə məzarın üstünə qranit lövhə quruldu, 1966-cı ildə lövhənin sol tərəfində yaslı bir ananın heykəli ucaldılmışdı. Kəndin ən maraqlı tikilisi tacir Ontisinin evidir. Ev XIX əsrdə inşa edilmiş özündə böyük bir kompleksi birləşdirir.

Voknavolok kəndinin şimal-qərbində Kalevala Dövlət Milli Parkı — xüsusi qorunan təbiət ərazisi yerləşir. Milli parkda yaşlı şam ağacları qorunur.

Kənd əhalisinin sayı 401 nəfərdir (2013). Müasir dövrdə kənddə 200 ev var. Evlərlə yanaşı ərazidə köhnə daxmalar və təsərrüfat anbarları mövcuddur. Kostomuşkodan kəndə avtobus reysi işləyir.

1.  (rus.).
2. . 2015-06-28 tarixində . İstifadə tarixi: 2020-04-27.
3. . 2020-09-21 tarixində arxivləşdirilib. İstifadə tarixi: 2020-04-27.
4. Великая Отечественная война в Карелии: памятники и памятные места. — Петрозаводск, 2015. — 334 с.: ил.
5. . 2020-01-29 tarixində arxivləşdirilib. İstifadə tarixi: 2020-04-27.