Qodar 16 mart 1956-cı ildə Bratislavada anadan olmuşdur. Fortepiano sinfi üzrə musiqi məktəbində təhsil almış, bəstəkarlardan şəxsi dərslər almışdır. 1971-ci ildən 1975-ci ilə qədər Bratislava konservatoriyasında təhsil almış, Yuraya Pospişiladan fortepiano, Mariya Masarikovadan bəstəkarlıq dərsləri almışdır. 1979-cu ildən Opus nəşriyyatında nəşrlərinin redaktoru kimi fəaliyyət göstərir. 1985-ci ildən 1991-ci ilə qədər Bratislavada ifaçılıq sənəti üzrə ali məktəbdə bəstəkarlıq kafedrasında dərs demişdir. 1988–1989-cu illər aralığında Vyana Universitetində musiqi və ifaçılıq sənəti üzrə təhsil almışdır. 1992–1996-cı illər aralığında Slovakiya Elmlər Akademiyasında vaxtı musiqişünaslıq institutunda çalışmışdır. 1993-cü ildə musiqişünaslıq üzrə doktorluq dissertasiyasını qorumuşdur. 1997-ci ildən Bratislavada Komenski Universitetinin fəlsəfə fakültəsində estetika kafedrasında dərs deyir. 2011-ci ildən 2015-ci ilə qədər Qodar Bratislavada ifaçılıq sənəti üzrə ali məktəbdə bəstəkarlıq və dirijorluq kafedrasında müəllim kimi çalışmışdır.

Onun yaradıcılığı Slovakiya xaricində o qədər də tanınmır. Onun musiqilərinin çox hissəsi "Slovart Music" adı altında buraxılmışdır. Onun əsərlərinin arasında Viktor Şklovskinin xatirəsinə həsr edilmiş violonçel üçün böyük sonata da var.

2001-ci ildə Qodar Mənzərə film üçün yazdığı musiqiyə görə Corc Deleryu mükafatınınn sahibi olmuşdur.' 2006-cı ildə musiqi sahəsində milli slovak mükafatını olan Büllur qanad mükafatına layiq görülmüşdür.

•  (ing.) (slovak.)
• — YouTube
• — IMDb səhifəsi