Bueno 4 yaşında rəqs etməyə başlamış, daha sonra Vyana Musiqi Konservatoriyasında musiqi və ifaçılıq sənətini bitirmişdir. Bueno eyni zamanda R&B musiqisinin bəstəkarıdır, aktyorluq, rəqs və mahnı oxumaq üçün xüsusi kurslar keçmişdir. 11 yaşında ikən fortepiano, gitara, zərb alətləri və bas gitarada ifa etməyi bacarırdı. Atası keçmiş vokalist və 1970 adlı yerli qrupun aparıcı gitara ifaçısı idi.

Avstriyanın ORF telekanalının Musical! Die Show musiqili yarışmasına qatılan Vinsent nəticədə 10 iştirakçı arasında Eva Klikoviç və Qudrun İhninqeri məğlub edərək, 50.000 avro və eyni zamanda Bir Ömür Şansı mükafatını qazanmışdır. Vinsent Avstriyada və yaxın ölkələrdə xalq səsverməsinin 67%-ni əldə etmişdir. İkinci yerin sahibi avstriyalı Eva Klikoviç xalq səsverməsinin 37%-ni qazana bilmişdir. Televiziya şousu iştirakçıların teatr və rəqs bacarıqlarını və ya qabiliyyətlərini nəzərə alaraq reallığa əsaslanan istedad yarışmasıdır. Musical! Die Show məharət yarışması Starmania və ya American Idol kimi adi bir musiqi yarışması deyildi. Yarışma iştirakçıların musiqi və aktyorluq qabiliyyətlərini əhatə edirdi.

Vinsentin Filippin televiziyasının ASAP XV-də ilk çıxışı 29 avqust 2010-cu ildə baş tutmuşdur. Televiziya şousunda Bueno ilk dəfə "Pinoy Champ Avstriya müğənnisi" kimi tanıdılmışdır. Bunun ardınca ifaçı Star Records albom şirkəti ilə müqavilə imzalamışdır. Yarım qalan işlərini tamamlamaq üçün Avstriyaya geri dönən Vinsent musiqi karyerasını davam etdirmək üçün 2011-ci ilin yanvar ayında Filippinə qayıtmışdır.

28 oktyabr 2011-ci ildə Vinsent San Xuanda yerləşən Teatrino məkanında "Vincent Bueno ilə Cümə günü" adlı ilk mini-konsertini həyata keçirmişdir.

12 dekabr 2019-cu il tarixində Avstriyanın ORF telekanalı Vinsent Buenonun "Alive" mahnısı ilə AvstriyanıNiderlandın Rotterdam şəhərində keçirilən 2020 Avroviziya Mahnı Müsabiqəsində təmsil edəcəyini açıqlamışdır.

Vinsent alman dili ilə yanaşı ingilis və taqaloq dillərində də sərbəst danışa bilir.