Estoniyanın Təbiəti Qoruma Qanununa görə, milli parkın vəzifəsi onun təbii, landşaft və mədəni irsini qorumaq, öyrənmək və təmsil etməkdir. Vilsand Milli Parkının məqsədi Qərbi Estoniyada bu vəzifəni yerinə yetirməkdir. Mədəni irs ərazinin maddi və intellektual mədəni irsi hesab olunur. Bunlara körpülər, arxlar, yollar, lojalar, daş divarlar və qeyri-maddi mədəni irsdən olan dil, folklor daxildir.

Vislandi adasından başqa milli park ərazisinə yüzlərlə kiçik ada və adacıqlar daxildir. Üstəlik Saaremaa adasının sahil hissəsində yerləşən Kixlekonna və Lyumanda voloslarının ərazisi də daxildir. Milli parın ərazisi 180 km²-dir. Bura daxil olan adaların böyük qismi 500 m uzunluğa və 100 m enə malikdir. Milli parkın özəyini təşkil edən Vilsandi adası isə 8,75 km² əraziyə sahibdir. Ada parkda yeganə yaşayışı olan ərazidir.

Adadakı quşların qorunması Artur Toom tərəfindən başlandı. O, 1906-cı ildə mayak evinin sahibi olmuş və Vilsandi ətrafındakı adaları icarəyə götürmüşdür. O, digər vilsandiyalılar tərəfindən etiraza səbəb olan quş yumurtasının toplanmasının qarşısını almaq istədi. Bununla birlikdə o, bir neçə dəniz kapitanının dəstəyini aldı və nəticədə adalar üçün Rusiya imperiyasında ilk mühafizə zonası təsis etdi. Birinci Dünya müharibəsi və İkinci Dünya müharibəsi qorunan ərazini məhv etdi. Lakin hər iki müharibədən sonra bu ərazi bərpa edildi. 1957-ci ildə qorunan ərazi bərpa edildi və bu dəfə qorunan ərazilərə Vilsand adası da daxil edildi. Estoniya müstəqillik qazandıqdan sonra bu ərazi 7 dekabr 1993-cü ildə rəsmi olaraq milli park kimi qeydiyyata alındı. 2009-cu ildən bəri Estoniya Ətraf Mühit Agentliyi rayon ətraf mühit şurası tərəfindən idarə olunur.

•  (est.)
• 2010-06-23 at the Wayback Machine  (est.)
• 2006-05-14 at the Wayback Machine ( (ing.))
• HEIMBERG, J. (1997):