Rejissor Cefri Ceykob Abrams "" (ing. Star Trek Into Darkness) filmini 2013-cü ilin aprelində buraxmağı planlaşdırmışdır. Digər "" filmlərinin adlarından fərqli olaraq, bu filmin ingiliscə adında "Star Trek" sözlərindən sonra iki nöqtədən istifadə olunmamışdı. Filmin rəsmi adında "into" sözü böyük hərflə yazılsa da, ingiliscə vikipediyanın qaydasına görə beş hərfdən az olan bağlayıcılar kiçik hərflə yazılmalı idi.

Məqalənin adındakı "into" sözünü böyük hərflə yoxsa kiçik hərflə yazmaq barədə mübahisə məqalənin müzakirə səhifəsində 1 dekabr 2012-ci ildən 9 yanvar 2013-cü ilə qədər, daha sonra 13 yanvardan 31 yanvar 2013-cü ilə qədər davam etmişdir. Vikipediyanın qaydalarına uyğun hərəkət etmək yaxud istisnaya yol vermək barədə olan bu müzakirə 40.000-dən çox sözü əhatə etmişdir.

Mübahisənin əsas məqamlarından biri filmin ingiliscə adındakı "Into Darkness" sözlərinin olub-olmaması ilə bağlı idi, çünki iki nöqtə yox idi. Əgər altbaşlıq idisə, stil kitabçasının qaydalarına əsasən altbaşlıqdakı ilk söz böyük hərflə yazılmalı idi. Qarşı tərəf isə "Into Darkness" sözlərini altbaşlıq güman etməyin orijinal tədqiqat olduğunu və vikipediyanın qaydalarına zidd olduğunu bildirmişdir. Belə ki, onlara görə filmin adının bu cür verilməsi film istehsalçılarının marketinq strategiyasının bir hissəsi idi: həm cümlə kimi, həm də altbaşlıq kimi oxunması üçün qəsdən seçilib. Əgər "Into Darkness" altbaşlıq deyildisə, stil kitabçasının qaydalarına əsasən "into" dörd hərfli bağlayıcı olduğu üçün kiçik hərflə yazılmalı idi. Bundan əlavə, kiçik hərflə yazmağın tərəfdarları qeyd etmişdirlər ki, rejissor filmin adında iki nöqtəli altbaşlığın olmadığını demişdir.

Böyük hərflə yazmağın tərəfdarları əsas və ikinci dərəcəli mənbələrdə filmin adının böyük hərflə verildiyini bildirmişdirlər. Müzakirə zamanı qeydiyyatdan keçməmiş bir istifadəçi "LƏNƏTƏ GƏLMİŞ RƏSMİ SAYTI OXUYUN, SİZİ ÖZÜNÜBƏYƏNMİŞ AXMAQLAR" sözlərini yazmışdır. Əldə olunmuş konsensus nəticəsində məqalənin adındakı "into" sözünün böyük hərflə yazılmasına qərar verilmişdir.

30 yanvar 2013-cü ildə "" xəbər saytı üçün yazan Kevin Morris qeyd etmişdir ki, "məsələ dünya səviyyəli pedantlıqdan gedirsə, çox az qrup və Ulduz yolu fanatlarının cəsarəti ilə yarışa bilər".

Mübahisə zamanı karikaturaçı 30 yanvar 2013-cü ildə redaktə müharibəsi haqqında komiks stripi yaratmış, mübahisəni həll edən redaktoru başlığı "~*~StAr TrEk InTo DaRkNeSs~*~" dəyişdirərkən təsvir etmişdir.

Müzakirədən bir ay keçməsinə baxmayaraq, film barədə Google axtarışlarında hələ də kiçik hərflə yazılan "into" görünürdü. Morris bu hadisənin vikipediyadakı kiçik qrupların təsirini göstərdiyini qeyd etmişdir.

2016-cı ildə Simon Dedeo "Christian Science Monitor" üçün yazdığı "Siyasi gücün mənbə kodu" adlı məqaləsində bu insidenti vikipediyanın inkişaf edən ideyalar sistemi olduğuna dair bir nümunə kimi qeyd edərək vikipediyanı Talmudla müqayisə etmişdir. O, vikipediyanın getdikcə mürəkkəbləşdiyini, təkmilləşdiyini və bürokratlaşdığını bildirmişdir.

• Məqalənin müzakirə səhifəsi