Təklif edirəm məqalənin adı Bürokrat durumu ilə dəyişilsin niyə ki azərbaycan dilində statusun mənası durumdur.burası azərbaycan vikisidir olduqca gərək azərbaycanlaşa.siz nə deyirsiniz?--Turk oğlan 06:32, 20 Mart 2009 (UTC)

Səsvermə neçə gün olacaq?--Emin 09:02, 20 Mart 2009 (UTC)

Səsvermə ən azı 2 həftə (14 gün) çəkməlidir.--Axan.bulut 09:13, 20 Mart 2009 (UTC)

Məqalənin səsverməsi də ən azı 14 gün olacaq?--Emin 09:36, 20 Mart 2009 (UTC)

Sortilegus belə yazıb:

• Mən bilən hələ 3-4 gün kənd meydanında istifadəçilər qaydalara münasibətlərini bildirsələr yaxşıdır.

--Axan.bulut 09:41, 20 Mart 2009 (UTC)

Səsvermənin müddətini səsvermənin keçirilməsini təklif edən istifadəçi - indiki halda İradə xanım müəyyənləşdirəcək. Bizim Vikinin qaninlarına görə səsvermə ya 7, ya 14 gün, ya da 1 ay müddətinə keçirilir və səsvermənin keçirilməsini təklif edən istifadəçi lazım bilərsə onun müddətini 1-ci dəfə keçiriləndən artıq olmamaq şərtiylə 1 dəfə uzada bilər. İradə xanımla belə razılaşdıq ki, səsvermənin keçirilməsini 3-4 gün yubadaq ki, fəal istifadəçilərimiz kənd meydanında qaydalara münasibətlərini bildirsinlər, təkliflərini versinlər. Çünki qaydaların qəbulu çox həssas məsələdir və son 1 ildə Vikimizdəki qayda-qanunlardakı boşluqlardan çox əziyyət çəkmişik. Belə halın təkrarlanmaması üçün sizləri kənd meydanındakı müzakirədə fəal iştirak etməyə dəvət edirəm. Hörmətlə: --Sortilegus 10:05, 20 Mart 2009 (UTC)

Fikrimi bənd-bənd yazım qarışmasın.

-Bürokrat statusu - ən etibarlı, hamının etimadını qazanan və ən azı 6 ay müddətində idarəçi vəzifəsini vicdanla yerinə yetirən istifadəçilərə verilə bilər.

Bu hissədə "ən etibarlı", "hamının etimadını qazanan", daha da əhəmiyyətlisi "vəzifəsini vicdanla yerinə yetirən" kimi izahlara ehtiyac yoxdur. Səbəbləri aşağıda yazacam amma bununla biz bürokrat olmayan və ya seçilə bilməyən idarəçilərin bu xüsusiyyətləri daşımadığını rəsmən elan etmiş oluruq.

Artıq idarəçi olan istifadəçinin Bürokrat seçilməsi üçün tələb olunan əlavə şərtlər bürokratın əlindəki əlavə səlahiyyətlərə uyğun olmalıdır. Bunlara baxdıqda isə, 1-ci vikicəmiyyət tərəfindən artıq seçilmiş istifadəçiləri idarəçi və ya bürokrat etməklə bağlı səlahiyyət, 2-cisi bot səsverməsində artıq seçilmiş və ya namizədliyinə qarşı çıxılmamış botlarla bağlı səlahiyyət və istifadəçinin öz xahişi ilə adının dəyişdirilməsi səlahiyyətləri olduğunu görürük. Bunların da idarəçidə olan bloklama, səhifə mühafizəsi, mühafizəli səhifələri, sistem məlumatlarını dəyişmək kimi ciddi məsuliyyətlərlə müqayisədə elə də böyük olmadığı görsənir. Buna görə də artıq idarəçi olan şəxsin bürokrat olması üçün də tələb olunan şərtlər buna uyğun olmalıdır. Başqa bir tərəfdən isə biz bürokratlıq üçün şərtləri idarəçi olmaq şərtlərindən daha çətin etsək onda faktiki olaraq ortaya belə bir vəziyyət çıxır ki, idarəçilik, bürokratlıq, vikipediyada nə isə bir imtiyazlı status və ya üstünlük göstərir və bunları istifadəçilər tədricən, müəyyən stajla "əldə edə" bilərlər. Bu da düzgün deyil. Ona görə də bürokrat statusunu mümkün qədər texniki bir şey kimi göstərmək lazımdır, tələb olunan şərtləri də azalatmaq. Artıq vikipediyaçıların etimadını qazanmış, bir müddət idarəçi olan və bu vəzifənin öhdəsindən normal gələn istifadəçilərin sadə bir prosedurla bürokrat vəzifələrini də yerinə yetirməsinə imkan yaratmaq lazımdır. Çünki vikidə bürokrat doğurdan da lazımdır, xüsusən də botlarla əlaqədar. Ona görə də yuxarıdakı giriş cümləsindəki təklifimdən əlavə olaraq bu təklifləri də verirəm, münasib bilinərsə qəbul olunar:

-Bürokratlığa namizədin Azərbaycan dilindəki Vikipediyada fəaliyyət stajı ən azı 1 il, redaktələrin sayı isə 2000-dən artıq olmalıdır şərti çıxarılsın, 6 ay idarəçi olmaq kifayətdir. Onsuz da idarəçinin də çox güman ki, əvvəlki stajı 6 aydan az deyil, bunu əlavə olaraq bəyan edib rəsmiyyət görünümü yaratmaq lazım deyil.

-İstifadəçilərin səsvermə hüquqları bölməsini ayrıca müəyyən etməyə ehtiyac yoxdur. Səsvermə qaydalarında hansı istifadəçilərin səs verə biləcəyi yazılıb. Mən əlavə şərtlərə ehtiyac görmürəm. Əgər ehtiyac varsa onda bunu əlavə kimi səsvermə qaydalarına daxil edək, çünki eyni məsələ (səs vermək hüququ) ilə əlaqədar iki ayrı yerdə qaydanın qəbul edilməsi qarışıqlıq yaradır, xüsusən də mətnlərdə cüzi bir fərq varsa bu da gələcəkdə sui-istifadəyə imkan yaradır.

-Səsvermənin nəticələrinin hesablanması bölməsini yuxarıda yazdığım səbəblərdən ağır hesab edirəm. 80 % yerinə sadə 50%+1 kifayətdir. Minimum səs şərti qoyulmaya da bilər, bu 5 olaraq da müəyyən oluna bilər, 10 da qala bilər amma səsvermə ərzində 10 nəfərin vecinə almamaq səbəbindən belə olsa səs verməməsi sonra vikipediya üçün lazım olan bürokratın seçilməsinə mane olmasın.

Fikrim hələlik bu qədər. Bayramınız bir də mübarək. --TimBitsتِمبِتس 15:41, 20 Mart 2009 (UTC)

• Birinci bəndlə razıyam və "vəzifəsini vicdanla yerinə yetirən" ifadəsini silirəm. Digər məsələ, bürokratlarda idarəçi və bürokrat təyin etmək kimi səlahiyyətlər olduğuna görə Burokrat statusunu İdrəçi statusundan daha məsuliyyətli (imtiyazlı deyil) hesab edirəm.
• İstifadəçilərin səsvermə hüquqları bölməsini ayrıca göstərmkdə məqsən məqaləni oxuyan şəxsdə tam təsəvvür yaratmaqdır. Məncə qalsa yaxşıdır, amma əgər təkid edirsinizsə özünüz də dəyişdirə bilərsiniz.
• Səsvermənin nəticələrinin hesablanması bölməsindəki şərtlərlə əlaqədar Sizinlə razıyam və səslərin sayını 50%+1 ilə əvəz edirəm.

əgər nəyi isə nəzərdən qaçırdımsa, xahiş edirəm göstərin. Təşəkkürlər. --Ira 09:26, 25 Mart 2009 (UTC)

Mən bilən qanunu artıq istifadəçilərin səsverməsinə çıxarmaq olar. TimBitsin təkliflərində müəyyən həqiqətlər var. Hətta AzVikidə gələcəkdə bürokrat olmağa namizəd 2 idarəçidən biri kimi mənə "sərf" edən məqamlar da var - söhbət şərtlərin yüngülləşdirilməsindən gedir. Sadəcə mən daha uzaq gələcəyi fikirləşdiyimdən şərtlərin yüngülləşdirilməsinin həmişə əleyhinə olmuşam. İndilik AzViki - 2 aktiv idarəçi, 5-6 aktiv istifadəçi ilə fəaliyyətdədir. 1 il olsun, ya 5 il -burda 10-15 aktiv idarəçi, 100-150 aktiv istifadəçi olacaq və şərtlərin çətinliyi onlar arasında bir idman marağı yaradacaq. Onda həm idarəçi, həm də bürokrat seçkisi qanunları böyük əhəmiyyət kəsb edəcək. Amma hər halda İradə xanımın müəllifi olduğu bu bürokrat qanunu bizim bu günkü gerçəklik nəzərə alınaraq hazırlanıb. Gələcəkdə qanunlara əlavələr ola bilər. Necə ki, keçən il idarəçi seçkiləri qanununa əlavə edildi. Ona görə də 1-2 xırda qeydimi edib bu qanunu səsverməyə (mən bilən 1 həftəlik olsa kifayət edər) şıxarmağı təklif edirəm.

Bürokrat seçiləcək istifadəçinin öz vəzifəsinin öhdəsindən layiqincə gələcəyi tam əminlik doğurmalıdır. Belə ki, bürokrat statusu istifadəçidən daha çox əmək və cavabdehlik tələb edir. Bürokratlar da elə idarəçidirlər, yalnız idarəçilərdən fərqli olaraq bəzi texniki işləri də görməlidirlər:

Bürokrat Azərbaycan dilli Vikipediyanın idarəçiləri arasından seçilir. Bürokrat seçiləcək idarəçinin öz vəzifəsinin öhdəsindən layiqincə gələcəyi tam əminlik doğurmalıdır. Belə ki, bürokrat statusu idarəçidən daha çox əmək və cavabdehlik tələb edir. Bürokrat da idarəçidir. Fərq təkcə bürokratın aşağıdakı bəzi əlavə texniki işləri yerinə yetirməli olmasındadır:

1. Vikipediya istfadəçilərinə idarəçi və ya bürokrat statusu verə bilərlər (lakin, statusları geri ala bilməzlər).

1. Azərbaycan dilli Vikipediyada keçirilən idarəçi seçkisində lazımi qədər səs toplamış istifadəçiyə idarəçi statusu verməlidir (bürokratın bu statusu geri almaq səlahiyyəti yoxdur).

2. Azərbaycan dilli Vikipediyada keçirilən bürokrat seçkisində lazımi qədər səs toplamış idarəçiyə bürokrat statusu verməlidir (bürokratın bu statusu geri almaq səlahiyyəti yoxdur).

Qeyd: Bu halda bürokrat - idarəçi və bürokrat seçkilərinin nəticələrini nəzərə almağa məcbur olur. Və onun burda rolu ancaq texniki proseduru yerinə yetirməkdən ibarətdir.

2. bot statusu verə bilərlər;

3. Azərbaycan dilli Vikipediyada keçirilən bot seçkisində lazımi qədər səs toplamış istifadəçiyə bot statusu verməlidir (bürokrat bu statusu geri ala bilər).

Qeyd: Botlarla bağlı da qanun qəbul edilməlidir. Onu da gecikmədən hazırlamaq lazımdır. Bu da texniki məsələdir. Qanun hazırlanandan sonra məsələn, qeyd edilə bilər (bürokrat bu statusu geri ala bilər) əvəzinə (bürokrat bu statusu 6 ay ərzində fəal olmayan botdan geri almalıdır). Həm də deyək ki, burada ən azı 5 istifadəçi botun fəaliyyət göstərməsinə səs verməlidir və s.

3.istifadəçilərin user adını onların xahişi ilə və ya məcburi dəyişə bilərlər.

4.Qeydiyyatdan keçmiş istifadəçinin adını istifadəçinin öz xahişi ilə (İstifadəçi adı dəyişdirmək qanununa uyğun olaraq) və ya məcburi (İstifadəçi adında söyüş, təhqir, nalayiq söz olduğu təqdirdə) dəyişə bilər.

Qeyd: Vikipediya:İstifadəçi adı dəyişdirmək - bu məqalə işlənib hazırlanmalıdır.

Hörmətlə:--Sortilegus 22:45, 25 Mart 2009 (UTC)

Yuxarıdakı hər iki istifadəçinin də fikirləri ilə əsasən razıyam. İstifadəçilərin səsvermə hüquqları bölməsinin yekun variantda da saxlanmasında problem görmürəm. Sadəcə əlavə mətn yazmaq həm lüzumsuzdur həm də gələcəkdə problematik ola bilər. Bu qismdə lazımi dəyişikliyi mətnin özündə edəcəm. İradı olan xahiş olunur bildirsin. Lazımi səsi toplamış idarəçi və bot namizədlərinə statusun verilməsi bölməsi vikipediya ilə çox tanış olmayan istifadəçilər üçün məlumat məqsədi ilə saxlana bilər. Ancaq onu bilmək lazımdır ki, bu bəndlərin əlavə qeyd olunmaması bürokratın bu məsuliyyəti daşımadığını göstərmir. Yəni texniki olaraq qaydada bu izaha ehtiyac yoxdur. Çünki bürokrat statusu və səlahiyyətləri Vikimedia tərəfindən müəyyən olunur, alt layihələr tərəfindən deyil. Vəzifəsini yerinə yetirməyən bürokrat və idarəçi metaya müraciət etməklə də bu vəzifəsindən uzaqlaşdırıla bilər. Yəni ki, bütün vəzifələr spesifik olaraq mütləq göstərilməli deyil amma məlumat cəhətdən qalmasında problem yoxdur. Bir də istifadəçi adının məcburi dəyişdirilməsi məsələsi. Müəyyən adların istifadə edilməsinə icazə verilməyə bilər. Amma belə halla qarşılaşdıqda hazırki təklifə görə bürokrat istifadəçinin istəyinə zidd olaraq başqa bir ad seçməlidir. Bunu isə düzgün hesab etmirəm. İstifadəçi adları istifafəçilərin özləri tərəfindən seçilməlidir. Ad dəyişdirməyə məcbur qalan bürokratı istifadəçi üçün ad seçməyə məcbur etmək düz deyil. Belə halla qarşılaşdıqda bürokrat istifadəçiyə xəbərdarlıq edər, istifadəçinin adını onun özünün seçdiyi yeni adla əvəzləyər. İstifadəçi bununla razılaşmadıqda isə həmin istifadəçi adına qeyri-müəyyən müddətə blok qoyular. Beləcə də fəaliyyət göstərmək istəyən istifadəçi başqa ad seçməyə özü məcbur olar. Sadəcə bu hal üçün qeyd etmək lazımdır ki, bu cür bloklar istifadəçi adına qoyulur, istifadəçinin özü digər qeyri-müəyyən bloklardan fərqli olaraq yeni istifadəçi adı ilə fəaliyyər göstərə bilər. Fikirlərim bu qədər. Bir də bu qəbul etdiyimiz prinsiplərə qayda, prinsip və s. deyək, qanun deməyək. Durduğumuz yerdə bir də hüquqi problem yaratmaq lazım deyil. --TimBitsتِمبِتس 06:48, 26 Mart 2009 (UTC)

İstifadəçi adının məcburi dəyişdirilməsi məsələsi ilə bağlı demək istəyirəm ki, istifadəçi adı yalnız ad söyüş, təhqir və s. olduqda məcburi dəyişdirilə bilər. Sortilegus bu barədə yazmışdı. Sizin adın dəyişdirilməsi ilə bağlı texniki proses haqqına yazdığınız izahı geniş şəkildə məqalənin özündə yazsanız pis olmaz. Qanun olmasa da hər halda vacib məsələdir. Qanun deyirik ki, istifadəçilər məsuliyyəti hiss etsinlər. Təşəkkürlər. --Ira 07:15, 26 Mart 2009 (UTC)

Hansı hallarda məcburi dəyişmənin nəzərdə tutulduğu aydındır sadəcə mən yuxarıda qeyd etdiyim səbəblərdən bunun bürokratın məsuliyyəti olaraq təsbit olunmasını düzgün görmürəm. Bu hissəyə indiki səsvermədə ehtiyac yoxdur, bunu istifadəçi adı ilə bağlı qaydada göstərmək lazımdır. Ona görə də təklif edirəm ki, səsvermə yekunlaşmamış o bölmənin ikinci hissəsi çıxarılsın. Bu qismin olmaması qəbul edilməz ad seçən istifadəçilərin adını dəyişdirməyə maneə yaratmır. --TimBitsتِمبِتس 17:02, 26 Mart 2009 (UTC)

Səsvermə müddəti sona açatıb ya yox?--Axan.bulut 15:17, 11 Aprel 2009 (UTC)

Xeyirli olsun. Yuxarıdakı hissəni redaktə etmək istəmirəm amma Sortilegusdan xahiş edirəm səsverməni yekunlaşdıran idarəçi kimi yuxarıdakı qanun sözlərini qayda və ya prinsip sözü ilə əvəz etsin. Əvvəlcədən təşəkkürlər. --TimBitsتِمبِتس 23:21, 12 Aprel 2009 (UTC)

Çox sağ ol. --TimBitsتِمبِتس 21:18, 13 Aprel 2009 (UTC)

Salam. Bürokrat statusu ilə bağlı bir neçə kiçik dəyişiklik üçün səsvermə açmağı fikirləşirəm. Səsvermədə hələlik 3 məsələyə toxunmaq nəzərdə tutulur:

1) Artıq bu səsvermə ilə ortaya çıxan yeni şərtlərinin ümumi səsvermə qaydalarına əlavə edilməsi

2)Bürokratlığa namizədliyi irəli sürülmüş istifadəçi (idarəçi) seçkidə iştirak edə və səs verə bilər cümləsinin psinsipin mətnindən çıxarılması- bunun diqqətdən qaçdığını güman edirəm, əslində əvvəlcədən olmamalıydı

3)Daha əvvəl də müzakirə etdiyimiz kimi istifadəçi adının məcburi dəyişilməsi ilə bağlı qismin redaktə olunması- yeni variant bürokrata istifadəçi adı seçmək məsuliyyəti verməyəcək şəkildə hazırlanmalıdır. Başqa fikri olan varsa bildirsin, hamısını biryerdə səsə qoyub həll edək ki, çox uzanmasın. --TimBitsتِمبِتس 21:17, 13 Aprel 2009 (UTC)

Mən bilən tək bürokrat statusu ilə bağlı yox, digər bəzi prinsiplərlə də bağlı düzəlişləri səs verməyə çıxarmaq, çatışmayan prinsipləri də hazırlamaq lazımdır. Sonra hamısına bənd-bənd istifadəçilər münasibət bildirsinlər. Hər dəyişiklik üçün ayrı-ayrılıqda səsvermə keçirsək istifadəçiləri yoracağıq. Həm də indilik bir seçki bizdə, bir seçki Metada keçirilir. Təzə seçki başlasaq aləm qarışacaq bir-birinə. Yuxarıda qeyd etdiyin 3 dəyişikliyin üçü ilə də razıyam. Hörmətlə:--Sortilegus 00:49, 14 Aprel 2009 (UTC)

Sortilegus, səsvermə yuxarıda təşkil olunubmuş. Gadir (müzakirə) 13:13, 20 avqust 2023 (UTC)