•   Silinsin: Kitab haqqnda heç bir mənbədə, heç məqalənin özündə də məlumat yoxdur. Belə olduğu halda mövzu haqqında yalnız orijinal tədqiqat vasitəsilə məlumat almaq mümkündür ki, bu üsulla da məqalə yaratmaq vikinin ümumi məqsədinə uyğun deyil. surə ^m 11:30, 22 oktyabr 2023 (UTC)[]
• Kitabı sırf yazarına görə maraqlı gəldi araşdırdım, kitabın adına Budaqovun fəaliyyəti ilə bağlı yazılarda mühüm işlərindən biri kimi istinad edilib. Amma sırf kitab haqqında məlumat yoxdur. Məqalənin özündə də ancaq şablonda məlumatlar var, onlar da kitabın girişindəki məlumatlardan götürülüb böyük ehtimal. Qeyd etdiyim kimi, bir anlayış haqqında mənbələrdə, fərq etmir, hər hansı bir yazıda belə məlumat yoxdursa, sadəcə şablon doldurmaq və prembulaya bircə cümlə (o da açıqlama) yazmaq üçün məqalənin yaradılması vikipediyanın ilkin mənası və məqsədləri ilə zidlik təşkil edir. Kitabın ensiklopedikliyini, önəmini, kriteriyalara uyğunluğunu, mənbələrin əhəmiyyətini filan araşdırmıram belə, çünki bunun üçün gərək məlumat və mənbə mövcud olsun. Bu arada Budaq Budaqovun məqaləsində belə kitabın siyahı daxilində adı var sadəcə. Müvafiq məqalədə kitabın adına önəmli işlərindən biri kimi istinad edilməsi yetərlidir. .— surə ^m 12:07, 22 oktyabr 2023 (UTC)[]

    Silinsin: Sura xanımın rəyləri əsaslıdır və arqumentlərinə qatılıram. Atakhanli (müzakirə) 20:29, 28 oktyabr 2023 (UTC)[]

•   Silinsin: Suranın qeyd elədiyi arqumentlərlə razıyam. Ümumiyyətlə AMEA bazasının bura daşınmasına ehtiyac yoxdur. Xeyli sayda bu tipdə əhəmiyyətsiz məqalələr üzə çıxır. Grenzsoldat 13:52, 22 oktyabr 2023 (UTC)[]

    Silinsin: yuxarıda göstərilən arqumentlər əsasında. --► Hörmətlə: SolaVirum 13:02, 23 oktyabr 2023 (UTC)[]

   Sürətli qalsın: Heç bir mənbədə kitab haqqında məlumat necə yoxdu? Bu kitab haqqında elektron resurslarda məlumat tapılmaması normaldır. İlkin versiya olaraq 1967-ci ildə çap edilib. Kitab 1988-ci ildə yenidən çap edilib. Kitabxanalarda bu kitab haqqında yetərincə məlumat vardır. Bu kitab ilkin olaraq Azərbaycanın qədim yer adları haqqında bir sərvətdir deyərdim. Məqalənin özünə gəldikdə isə genişləndirmək olar. Akademik Budaq Budaqov uzun illərdir ki, bütün türk dünyasının - o sıradan bütün Azərbaycan toponimlərinin öyrənilməsində ardıcıl elmi araşdırmalar aparıb. Sovet rejiminin bu məsələyə də qadağalar qoyduğu vaxtlarda akademik bu gərəkli sahədə özünəməxsus elmi məktəb yarada bilmişdir. 1948-1953-cü illərdə azərbaycanlıların Ermənistan SSR ərazisindən deportasiya olunması faktı ötən 50 il ərzində lazımınca araşdırılmamış, bu hadisələrə hüquqi-siyasi qiymət verilməmişdir. Ona görə bu kitabın yazılması əsas zərurətdir. 1948-1953-cü illərdə azərbaycanlıların Ermənistan SSR ərazisindəki tarixi-etnik torpaqlarından kütləvi surətdə deportasiyasının hərtərəfli tədqiq edilməsi, Azərbaycan xalqına qarşı dövlət səviyyəsində həyata keçirilmiş bu tarixi cinayətə hüquqi-siyasi qiymət verilməsi və onun beynəlxalq ictimaiyyətə çatdırılması məqsədi ilə kitabın yazılması üçün Dövlət komissiyasının sədri Heydər Əliyev olmaqla dövlət komissiyası yaradılmış və kitab yazılmışdır. Əhalinin deportasiyası ilə əlaqədar olaraq kəndlər, dağlar, dərələr, çaylar, bulaqlar da öz tarixi adlarından məhrum oldular. Bu aydındır: bir yerdə ki, xalq yaşamır, o xalqın dilində coğrafi adlar da yoxdur. 1988-ci ildə Ermənistandan axırıncı Azərbaycan əhalisinin deportasiyası ilə oradakı bütün türk mənşəli adlar, o cümlədən mikrotoponimlər də ölümə məhkum edildi. Bu kitab toponimlərimizin tarixidir. Silinməsi ağır itki olar gələcək nəsillər üçün. — A.Aida88 (müzakirə) 17:55, 23 oktyabr 2023 (UTC)[]

  Bu yazıda dəhşət VP:MİLLİ problemləri var. Kitabxana databazaları ensiklopedikliyi təsdiq edən mənbə deyil axı, minlərlə kitab olur. Sabah kitab yazım, atım kitabxanaya – bum. Özü də Ermənistan ərazisində sadəcə türkmənşəli toponimlər silinməyib, lakin niyəsə buna fokuslanır. Milli dəyərlər Vikipediyanın məzmununa təsir göstərməməlidir. --► Hörmətlə: SolaVirum 05:39, 24 oktyabr 2023 (UTC)[]

•   Şərh: Səhv etmirəmsə, bu əsər SSRİ dövründə Ermənistanda Azərbaycan toponimləri bağlı ilk işdir. Məqalə yenidən tərtib edilsə, qala bilər, məncə. — Toghrul R (m) 08:46, 24 oktyabr 2023 (UTC)[]

  Bəli ilkdir A.Aida88 (müzakirə) 13:29, 24 oktyabr 2023 (UTC)[]

Yekunlaşdırma: Silinməsinə qərar verildi. Nemoralis (müzakirə) 20:32, 28 oktyabr 2023 (UTC)[]