Vikipediya:Silinməyə namizəd səhifələr/Elxan Bəşirov (3-cü namizədlik)

Mənbə axtar: ( • • • ) •

Bu müzakirə bağlıdır. Xahiş olunur, heç bir dəyişiklik etməyin.
  •   Silinsin: Prembuladakı vəzifələr VP:ŞEƏ-nin kriteriyalarını ödəmir. Fəaliyyəti ilə bağlı hissədə Mətanət A şirkətini təsis etdiyi və orada hal-hazırda tutduğu vəzifə qeyd olunub, hansı ki, nə şirkətin təsisçisi olmaq, nə də tutduğu vəzifə şəxsi tək başına vikidə ensiklopedik etmir. Yazının ardı sadəcə şirkətin fəaliyyəti haqqındadır. Məqalədəki geri qalan faktlar isə təltifləri iə bağlıdır ki, onlardan da nə "əməkdar mühəndis" adı, nə də "tərəqqi" medalı kriteriyaları ödəyə biləcək ensiklopedik yükə malik deyil. Xatırladım ki, daha əvvəl bu məqalədə göstərilmiş "Sokrat mükafatı"nın saxta mükafat olduğu, Oksfordun fəxri professoru olması faktının isə real olmaması ortaya çıxmışdı. Məqalənin müəllifi olan Elşad İmanın özünü "təsdiqli viki mütəxəssis" kimi tanıdaraq Vikipediya üzərində biznes qurduğu, məqalələri "sildirib" yenidən yaradılması, hətta mühafizəsi üçün pul tələb etdiyi faktı artıq hamıya məlumdur. Şəxs hətta bu pozucu fəaliyyəti səbəbi ilə Vikipediyada müddətsiz bloklanmasına rəğmən, ona aid olduğu bəlli olan başqa profillərlə daxil olub əvvəlki müzakirənin gedişatına müdaxilə etmiş və özünün də qaydalara uyğun olmadığını tam dəqiq bildiyi faktları "ensiklopediklik üçün əsas" olaraq qələmə verərək şərhləri ilə icmanın fikirlərini təhrif etmiş, icmanın mövqeyini müzakirədə fərqli cür göstərməyə çalışmışdır. Halbuki özü eyni arqumentlər ilə SNS-də məqalə "sildirirdi". Odur ki, müzakirədəki arqumentlərin VP:ŞEƏ-yə əsaslanmasını ümid edirəm. Onu da qeyd edim ki, mövzunun ensiklopedikliyi bu yaxınlarda envikidə də müzakirə olunub və məqalə silinib. Oradakı arqumentlərlə də tanış ola bilərsiniz.
Məqaləni silinməyə namizəd verməyimin səbəbi şəxsin fəaliyyətini əhəmiyyətsiz görməyim deyil, bu müzakirədə şəxsin fəaliyyəti, kimliyi müzakirə edilmir. Mənim Elxan bəy və onun fəaliyyəti haqqında müsbət fikirdə olmağım məqalənin qaydaları ödəmədiyi reallığını dəyişmir. Ümid edirəm Elşad İman bu məqalənin mühafizəsi üçün də şəxsdən pul almır, və həmçinin ümid edirəm Elşad bu müzakirədə də əvvəlki müzakirədəki kimi özünü xanım kimi təqdim edərək müzakirənin gedişatına müdaxilə etməz. — Sura Shukurlu (müzakirə) 14:33, 17 mart 2024 (UTC)[]
  •   Silinsin: Suranın qeyd elədiyi arqumentlərlə razıyam. Həm məqalə açıq aydın PR məqsədi ilə yaradılıb, həm də ŞEƏ şərtlərini ödəmir. Grenzsoldat 14:34, 17 mart 2024 (UTC)[]
  • Elxan Bəşirovun məqaləsi bərbad haldadır, ya redaktə olunub vikiləşdirilməlidir ya da ki, sürətli silinməlidir. Çünki bu məqalə bu halı ilə çox bərbaddır, adi preambulanı düzəldə bilməyən vikipediyaçının bu vaxtadək bu məqaləni bu halı ilə saxlamasıda bir təcrübəsizlik nümunəsidir. Vikiləşdirilməyəcəksə qoy onda  Sürətli silinsin: xoş vikilər 👽👽👽 20:45, 17 mart 2024 (UTC)[]
  •   Şərh: məqalədə şəxsin 1 monoqrafiya, 3 kitab, 15 məqalə və 4 patent müəllifi olduğu qeyd edilib. Monoqrafiyanın adı, mənbəsi qeyd edilib, amma ətraflı məlumat qeyd edilməyib. Digərlərinin isə heç adı da qeyd edilməyib. Bu məsələlər ətraflı və etibarlı mənbəli şəkildə öz təsdiqini tapsa, şəxsin sahibkarlıq və ictimai fəaliyyətini də nəzərə alıb ensiklopedik saymaq olar. samral müzakirə15:02, 18 mart 2024 (UTC)[]
  • Məqalə saxlanılsa qalmaqallar bölməsi yaradıb aşağıdakı istinadlardan istifadə edərək məqaləni təkmilləşdirmək olar:
Nemoralis (müzakirə) 19:54, 18 mart 2024 (UTC)[]
@Nemoralis Təkminləşdirildikdə məqalə ensiklopedik olacaq sizcə.? Redivy (müzakirə) 20:08, 18 mart 2024 (UTC)[]
Məncə hə. Şəxsin adı korrupsiyadan tutmuş FETÖyə qədər hər yerdə hallanıb. Nemoralis (müzakirə) 20:09, 18 mart 2024 (UTC)[]
Təkmilləşdirmək olar. Moses :) 09:02, 19 mart 2024 (UTC)[]
Əgər bu keçidlərdəki faktlara görə ensiklopedik olduğu iddia edilirsə, onda həmin faktlar mənbələrdən seçilib istinadlarla birlikdə məqaləyə yerləşdirilsin, elə dəyərləndirək. Çünki müzakirədə iştirak edən və bundan sonra iştirak edəcək şəxslər məqalənin indiki halını görürlər və göstərilən mənbələrdəki məlumatlar da çox xaotik şəkildə yazıldığı üçün ensiklopedikliyini iddia edən faktlar seçilib iştirakçılara kankret olaraq təqdim edilsə, onlarda da müəyyən fikir formalaşar. Sura Shukurlu (müzakirə) 09:18, 21 mart 2024 (UTC)[]
  Qalsın: Şəxs ensiklopedik şəxsdir, bəzi məlumatların mənbələri yerləşdirilməlidir. — eldarado(müzakirə | fəaliyyət | meta səhifəsi) 04:57, 21 mart 2024 (UTC)[]
  Silinsin: biz məqalənin gələcək halını yox, indiki halını müzakirə edirik. indiki halı ilə onu deyə bilərəm ki, məqalə düzgün tərtib olunmayıb. bu müddət ərzində məqaləyə heç bir əlavə, düzəliş edilməyib. bu halı ilə də qalsın deyə bilmirəm təəssüf ki. Atakhanli (müzakirə) 18:39, 24 mart 2024 (UTC)[]
  Şərh: Müzakirədə qeyd olunan detallar əlavə edilərək işlənilsə az.viki üçün mahiyyətlidir   Qalsın: yox əgər işlənilməsə   Silinsin: Redivy (müzakirə) 22:28, 24 mart 2024 (UTC)[]
@Redivy Maraqlı olan, bu mənbələri Vikipediyada birinci ortaya çıxaran elə Elşad olub, (90AA123 adlı istifadəçinin o olduğu hamıya bəllidir). Üstəlik IP ilə də yazıb bu mənbələrin nə qədər əhəmiyyətli mövzuya toxunduğunu sübut etməyə çalışırdı. Mövzu odur ki, bu mənbələr Elşadın (faktiki nümunə) fikrincə olduqca əhəmiyyətli məlumatları təqdim edə bilər, amma ensiklopediklik üçün nə qədər əhəmiyyətli mənbələr olduğu meyarlara əsasən müəyyən edilir və elə buna görə də, envikidə bu keçidlər ensiklopedikliyi sübut etmək üçün əhəmiyyət kəsb etmədi. Sura Shukurlu (müzakirə) 22:53, 24 mart 2024 (UTC)[]
@Sura Shukurlu Fikirlər ilə razıyam amma orada @Nemoralis kimi detallı istinadlar və s müzakirədə olmamışdı həmçinin istinadlarda həqiqətən görünür ki,ya pis ya yaxşı halda az.viki üçün ensklopedikdir lakin işlənilsə əgər. Redivy (müzakirə) 22:56, 24 mart 2024 (UTC)[]

Yekunlaşdırma: Silinməsinə qərar verildi. Eminn (müzakirə) 15:01, 11 aprel 2024 (UTC)[]

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023