Vikipediyaya yerləşdirilən məzmun sizin etiraz etməyinizə səbəb ola bilər
Azad ensiklopediya olan Vikipediyanın vəzifəsi əhəmiyyətlik bilikləri sənədləşdirməkdir. Buna görə də müxtəlif mövzularda milyonlarla məqalədən ibarətdir. Bu mövzuların nisbətən kiçik bir hissəsi dövlət qurumları, təhsil müəssisələri, işəgötürənlər və valideynlər tərəfindən tez-tez senzura olunur.
- Bəzi Vikipediya məqalələrində oxucular tərəfindən ümumiyyətlə təhqiredici, vulqar və ya bədiman qəbul edilən sözlər və ya ifadələrdən istifadə edilmişdir.
- Vikipediyada çox sayda şəkil mövcuddur. Onlardan bəzilərini təhqiramiz və "tərbiyəsiz" hesab edə bilərsiniz. Məsələn, bəzi məqalələrdə zorakılıq və ya insan anatomiyasının təsvirləri ola bilər.
- Bir çox məqalədə mübahisəli mövzuların açıq müzakirəsi var. Bir sıra ölkələrin qanunvericiliyi bəzi mövzular haqqında məlumat yayımlanmağı və ya hətta materialları araşdırmağı kriminallaşdırır. Digərləri təhlükəli və ya riskli fəaliyyətlər haqqında məlumatları ehtiva edir.
- Vikipediyada spoylerlər var.
- Vikipediyada posttravmatik stress pozuntusu olan insanların vəziyyətini pisləşdirə biləcək qıcıqlandırıcılar ola bilər.
- Qeyd etmək lazımdır ki, Vikipediya hər kəsin töhfəsi üçün açıqdır. Buna görə də Vikipediyada istənilən vaxt "vandalizm" halına rast gələ bilərsiniz.
- Vikipediyada, ümumiyyətlə, mütəxəssislər tərəfindən verilmiş tibbi, hüquqi və digər məlumatları tapa bilərsiniz. Vikipediya peşəkar məsləhət əvəzi deyil. Xahiş edirik, Vikipediyanın hüquqi və ya tibbi məsləhətlər vermədiyini unutmayın.
Eyni zamanda Vikipediya yayımın mövcud Vikipediya siyasətini və ya Vikipediya serverlərinin yerləşdiyi Amerika Birləşmiş Ştatları qanunlarını pozmaması şərtilə istənilən məlumatın yayımlanmasını dəstəkləyir.
Hər halda Vikipediya daim inkişaf prosesindədir. Buna görə də təkmilləşdirilməyə ehtiyacı olan bir çox məqalədə qrammatik və ya faktiki səhvlər buraxıla, qərəzli və ya dublikat məlumatlar verilə bilər. Oxucularımız bu problemlərin öhdəsindən gəlməyimizə kömək etsələr, şad olarıq. Məqalələrin böyük əksəriyyəti, əsasən, bu mövzuda mütəxəssis olmayan və bu sahədə akademik və ya peşəkar dərəcəsi olmayan insanlar tərəfindən yazılır.
Vikipediyada müntəzəm ensiklopediyalara daxil olmayan müəyyən məlumatlar ola bilər. Vikipediyanın əhatə etdiyi təcrübə sahələri müxtəlifdir və könüllü müəlliflərin üstünlüklərindən asılıdır (xüsusən texnoloji bilikli gənclərin maraqlandığı mövzulara daha çox diqqət yetirə bilər, baxmayaraq ki, bu tələb olunmur). Oxucular bir mövzunun Vikipediyada mövcud olduğuna əsaslanaraq bir mövzunun vacibliyini mühakimə etməməli və bir mövzunun sadəcə Vikipediyada əhatə olunduğuna görə vacib olduğunu düşünməməlidirlər.
