|
Aşağıda anime və manqa məqalələri ilə işləyərkən istifadə edə biləcəyiniz onlayn mənbələr göstərilmişdir.
- Etibarlı anime və manqa mənbələrində axtarış etmək istəyirsizsə, bu axtarış sistemindən istifadə edin.
- Anime News Network (ing.) — ən etibarlı anime və manqa xəbər saytı hesab olunur. Sayta daim yeni xəbərlər yerləşdirildiyindən tez-tez istifadə olunur. Bundan əlavə, Rebekka Silverman və Teron Martin kimi tənqidçilərin müxtəlif tənqidlərindən məqalələrin "Qəbul" bölməsində istifadə etmək olar. Lakin bu qeyd mütləq nəzərə alınmalıdır: Anime News Network həm də onlayn ensiklopediyaya malikdir, lakin həmin ensiklopediyadan mənbə kimi istifadə etmək olmaz, çünki bu ensiklopediya istifadəçilər verdikləri töhfələr əsasında qurulur və istənilən istifadəçi ensiklopediyanı dəyişdirə bilər (məsələn, ANN ensiklopediyasındakı Sword Art Online məqaləsindəki məlumatlar istinad kimi göstərilə bilməz).
- Crunchyroll (ing.) — onlayn anime yayımlayan ABŞ anime xidmətidir və animanqa haqqında son xəbərləri də çatdırır. Xəbərlər tez-tez yenilənir. Saytda tez-tez müxtəlif anime və manqaların istehsalı ilə bağlı müsahibələrə rast gəlmək mümkündür və bu materiallardan məqalələrin "İstehsal" bölməsində istifadə etmək olar. Bəzən saytda tənqidlərə də rast gəlmək olur.
- Kotaku (ing.) — anime xəbər və tənqid saytıdır. Xəbərləri ANN və Crunchyroll-a nisbətən daha gec yenilənsə də, Eysenbeys kimi tənqidçilərin rəylərindən "Qəbul" bölməsində istifadə etmək olar.
- Tokyo Otaku Mode (ing.) — etibarlı animanqa xəbər saytıdır. Bəzən tənqidlərə də yer verilir.
- Fandom Post (ing.) — anime, manqa, komiks tənqid saytıdır. Bundan əlavə, anime və manqa xəbərləri də yayımlayır. Lakin tənqidlərə daha çox yer ayrılır. "Qəbul" bölməsində tənqidlərindən istifadə etmək olar.
- DVD Talk (ing.) — əsas mövzusu animanqa olmasa da, tez-tez animanqa haqqında tənqidlərə rast gəlmək olar. Məlumatlardan "Qəbul" bölməsində istifadə etmək olar.
- THEM Anime Reviews (ing.) — animanqa tənqid saytıdır.
- Otaku USA Magazine (ing.) — eyniadlı ABŞ otaku jurnalının saytıdır. Animanqa haqqında xəbərlər və tənqidlər paylaşır.
- Japanator (ing.) — əsasən animanqa tənqidləri paylaşan saytdır.
- Sequential Tart (ing.) — qarışıq mövzularda tənqidlər paylaşa da, nadir hallarda anime və manqa tənqidlərinə də yer verilir.
- ActiveAnime (ing.) — animanqa xəbərləri və tənqidləri paylaşan saytdır.
- Otaku Study (ing.) — anime, manqa, vizual roman xəbərləri və tənqidləri paylaşan saytdır.
- Beneath The Tangles (ing.) — xəbər və tənqid yox, əsasən animanqa mövzusundakı müxtəlif məsələlərə toxunan saytdır.
- Screen Anarchy (ing.) — mövzusu animanqa olmasa da, bəzən animanqa tənqidlərinə rast gəlmək olur.
- The New York Times - Best Sellers (ing.) — "The New York Times" qəzeti tərəfindən tərtib olunan və ABŞ-da buraxılmış best-seller manqaları göstərən siyahıdır. Həftəlik yenilənir. Bu saytdan "Qəbul" bölməsində istifadə etmək olar.
- UK Anime Network (ing.) — Böyük Britaniyanın animanqa xəbər və tənqid saytı. Ancaq Böyük Britaniya ilə bağlı animanqa xəbərlərini çatdırdığından əsasən bu saytdakı tənqidlərindən "Qəbul" bölməsində istifadə olunur.
- SoraNews24 (ing.) – animanqa xəbərləri bloqudur.
- Oricon (yap.) — məşhur çart saytıdır. Anime sinqllarının, DVD, CD və BD-lərinin satışlarını və satış reytinqlərini göstərir. "Qəbul" bölməsində bu saytdan istinadlar gətirmək mümkündür.
- Manga-News (fr.) — Fransa manqa xəbər saytıdır.
- J-One (fr.) — Fransa animanqa xəbər saytıdır.
Bəzən animanqalar əsasında video oyunlar istehsal olunduğundan (tərsi də ola bilər) məqalədə video oyunlar haqqında məqalələrdə istinad gətirmək lazım olur.
- Siliconera (ing.) — animanqa ilə bağlı video oyunlar haqqında tez-tez xəbər yayımlayan saytdır.
- Gematsu (ing.) — məşhur Yaponiya video oyun saytıdır. Yaponiya video oyunları haqqında xəbərlər yayımlayır.
- Media Arts (yap.) — anime və manqalar haqqında (eləcə də, oyunlar) məlumat ehtiva edən saytdır. Bu mənbədən animenin yayım tarixləri və s. kimi məlumatlara istinad göstərmək mümkündür.
- Word Gear (yap.) — ranobe yazıçısı Reki Kavaharanın əvvəllər ranobelərini onlayn şəkildə yayımladığı sayt. Yazıçının ranobelərini bu saytda onlayn oxumaq olar. Artıq saytın yeni versiyası fəaliyyət göstərir.
- Sugoi Japan (yap.) — hər il verilən Yaponiya animanqa mükafatıdır.
|