•   Silinsin: Məqalədə məlumat olaraq şəxsin 3 qurumda tutduğu vəzifələr var sadəcə (bir də Türk Döyüş Sənəti Federasiyasında ilkin vəzifələri var). Beynəlxalq Turan Oyunları Komitəsinin prezidenti, Dünya Alpaqut Federasiyasının İdarə Heyətinin üzvü və Azərbaycan Döyüş Federasiyaları Assosiyasiyasının vitse-prezidenti vəzifələrindən heç biri şəxsi tək başına mütləq olaraq ensiklopedik etmir. Şəxsin fəaliyyətinin (vəzifələrinin) kriteriyaları ödəmədiyi aydındır, hətta sözügedən qurumların özünün də ensiklopedik əhəmiyyəti sual altındadır. Amma ensiklopediklik bir kənara, məqalədəki müvafiq faktların özü də şübhə altındadır, çünki göstərilmiş istinadların çoxu əsassız yerləşdirilib, faktlar ilə uyuşmurlar. Misal üçün "2015-ci ilin...DAF-ın fəxri prezidenti təyin olunmuşdur." faktı üçün göstərilmiş 5 nömrəli istinadda sadəcə "Sonra məni Fəxri Prezident seçdilər" yazısı var, 4 nömrəli istinadda isə ümumiyyətlə göstərilən fakt yoxdur. Və ya sonrakı paraqrafdakı fakt üçün göstərilmiş keçidlərdə sadəcə şəxsin adına "prezident" olaraq istinad edilib, nə vaxt təyin edildiyi filan yoxdur. Növbəti paraqrafdakı istinadda isə şəxsin adı elə-belə çəkilib, qeyd edilən fakt ümumiyyətlə mövcud deyil. Başqa təzadlı nüanslar da qarşıma çıxdı, məsələn, şəxs üçün ORCİD hesabı açılıb, hansı ki, bu hesab elmi fəaliyyəti olanlar üçündür, şəxsin isə elmi fəaliyyəti yoxdur. Eyni şey ISNI üçün də keçərlidir. Hər ikisi vikiverilənlərdə qeyd edilib ki, xarici keçidlərdə görünsün. (ISNI hesabına düzgün keçid də verilməyib heç) Bunlar şəxsi ensiklopedik etmir əlbəttə, bu hesabı başı çıxan hər kəs aça bilər, məncə sadəcə olaraq xarici keçidlərdə göstərilməsi şəxsi ensiklopedik kimi göstərər düşüncəsi ilə edilib.
  Bir də bu məqalə ilə bağlı belə bir mövzu var ki, şəxs haqqında məqalə envikidə də mövcud olub, amma müzakirə ilə silinib. Müzakirədə qalmasına israr edən hesablar fikrimcə viki-cəmiyyətə tanışdır, Elşad İmanın kuklaları. Elşad bəy məqalə silindikdən sonra bərpası üçün də müraciətlər edib, amma qəbul edilməyib. Amma mənə daha maraqlı gələn o oldu ki, məqalə daha əvvəl azvikidə 3 dəfə SNS-də olub və bunlardan ikisi 2019-cu ildə Gunel.Doctor adlı istifadəçi tərəfindən irəli sürülüb.(1, 2) Qeyd edim ki, sözügedən istifadəçi Elşad İmanın kukla hesabı kimi daha əvvəl bloklanıb, sonra bildirib ki, eyni evdə yaşayan fərqli şəxslərdirlər. Bu, adi halda normal görünür, amma bilirik ki, Elşad İmanın müddətsiz bloklanma səbəbi müəyyən şəxslərin məqalələrinin SNS-də müxtəlif hesablarla silinməsinə nail olub, daha sonra həmin şəxslərə pul müqabilində "sildirdiyi" məqalənin bərpası (yaradılması) və hətta mühafizəsini təklif etməsi olmuşdur. surə ^m 18:45, 11 noyabr 2023 (UTC)[]

Gunel.Doctor bacımdır demişdi səhv etmirəmsə. Bəlkə o da kukla profillərindən biri idi. Çünki o istifadəçinin fəaliyyəti də ancaq SNS idi. Nemoralis (müzakirə) 19:02, 11 noyabr 2023 (UTC)[]

•   Silinsin: Suranın qeyd elədiyi arqumentlərə sonuna qədər qatılıram. Əlavə nəsə deyə bilmərəm. Məqalə ŞEƏ şərtlərini ödəmir zatən. Bunu bundan əvvəl də bir neçə dəfə demişdim. Ümumiyyətlə bu "Qarapapaq" mövzülü QHT-lər, nə bilim onların sözdə "orden və medalları" barədə olan məqalələr illər əvvəl silinmişdi. Sağolsun əməyi olan istifadəçilər. Amma bəzi məqalələr hələ də qalıb. Bu da onlardan biridir. Grenzsoldat 19:46, 11 noyabr 2023 (UTC)[]

  Salam.

  Sizinlə razıyıq, lakin nəzərə alın ki, haqqında danışdığımız orden sadəcə QHT tərəfindən hazırlanmış sadə medal deyil. Bu orden, Professor Kərəm Məmmədova və bir sıra Ukrayna yüksək dövlət məmurları və beynəlxalq İctimai Xadimlərə təqdim olunub. Ukrayna dərbxanasında rəsmi qeydiyyatda olan və seriya ilə xüsusi təqdim olunan ordendir. Bu ordenin sahibi QHT deyil, Ukrayna dövlətidir.

  Təşəkkürlər. 5.191.110.54 21:39, 14 noyabr 2023 (UTC)[]

Salam. Səhifənin təkmilləşdirilməsi naminə əlavələr edildi, bəzi beynəlxalq dərəcəli keçidlər də yerləşdirildi. Anlayışınız üçün təşəkkür edirik. 5.191.110.54 21:33, 14 noyabr 2023 (UTC)[]

•   Silinsin: həqiqətən də ingilis dilində böyük müzakirə olub və silinib. Bizdə də nəticə eyni olmalıdır. Məqalədəki şəxsin rəhbərlik etdiyi qurumun adında "beynəlxalq" sözü olsa da bu istiqamətdə fəaliyyətini görmədim. Yəqin ki ictimai birlikdir --Leila1717 (müzakirə) 03:38, 16 noyabr 2023 (UTC)[]

  Doğru vurğulamısınız sürətli silinməlidir. Atakhanli (müzakirə) 20:41, 16 noyabr 2023 (UTC)[]

Yekunlaşdırma: Silinməsinə qərar verildi. Nemoralis (müzakirə) 19:29, 30 noyabr 2023 (UTC)[]