• Mediada əhatə olunmayan qeyri-ensiklopedik jurnal Nemoralis (müzakirə) 18:34, 22 oktyabr 2023 (UTC)[]
•   Silinsin: qeyd edilən arqumentlərlə razıyam. Grenzsoldat 08:36, 23 oktyabr 2023 (UTC)[]

    Silinsin: yuxarıda göstərilən arqumentlər əsasında. --► Hörmətlə: SolaVirum 13:03, 23 oktyabr 2023 (UTC)[]

    Qalsın:, bu media deyil, elmi jurnaldır. Azərbaycan Milli ELmlər Akademiyası Dilçilik İnstitutunun jurnalıdır. Yəni Azərbaycanda dilçilik sahəsində 1 nömrəli elmi jurnaldır. Məsələn, analoji jurnal rusların Вопросы языкознания (Dilçilik məsələləri) jurnalıdır. Ruslar heç ağıllarından keçirməzlər ki, elmlər akademiyalarının hansısa jurnalı haqqında məqaləni silsinlər, bizdə baxıram 5-6 elmi jurnal haqqında məqalə qalıb azvikidə, qalanları sildirilib.— Sortilegus (müzakirə) 16:08, 23 oktyabr 2023 (UTC)[]

  Anadangəlmə ensiklopediklik deyə birşey yoxdur @Sortilegus. Heç bir məqalə hansı məqalə olmasından asılı olmayaraq ensiklopedik əhəmiyyətlilik kriteriyasından azad deyil. Məqalə bu qədər əhəmiyyətlidirsə onun haqqında etibarlı mənbələrdə əhəmiyyətli məlumatlar olmalıdır. Həmçinin bütün ruviki icmasının adından danışmaq doğru deyil. Kiminsə nəyisə edib-etməyəcəyinə zəmanət verə bilməzsiniz, nə də ki azviki rusların etdikləri və etmədikləri şeylərə baxıb idarə oluna bilməz. Nemoralis (müzakirə) 19:27, 23 oktyabr 2023 (UTC)[]

Nemoralis, etibarlı mənbə siz nəyə deyirsiniz? Gərək CNN, BBC-filan "Dilçilik araşdırmaları" jurnalı haqqında məqalə yazsın? Jurnal AMEA Dilçilik İnstitutunun jurnalıdır, Ali Attestasiya Komissiyasının tövsiyə etdiyi elmi nəşrlər siyahısında adı var, Azərbaycanın ən məşhur dilçiləri bu jurnalda məqalələrini dərc etdirlər, xaricdən müəlliflər məqalə çap etdirirlər, redaksiya heyətində tanınmış akademiklər təmsil olunur. Əgər siz bu jurnalın silinməsini istəyirsinizsə, onda Elmi əsərlər (jurnal, AMEA İqtisadiyyat İnstitutu), Şərq fəlsəfəsi problemləri (jurnal), Türkologiya (jurnal), Neft kimyası və neft emalı prosesləri (jurnal) - bu jurnalların hamısının silinməsini istəməlisiniz. Necə ki, aşağıda AMEA Əlyazmalar İnstitutunun da jurnalının silinməsini istəmisiniz. Bu adlarını qeyd etdiklərim də AMEA-nın müxtəlif institutlarının jurnallarıdır. Hansı kriteriyalara görə onlar qalmalıdır, amma Dilçilik və Əlyazmalar institutlarının jurnalları silinməlidir? Bunların hamısı silinəndən sonra Elm Tarixi (jurnal) kimi beynəlxalq elmi jurnallar ümumiyyətlə dünəndən silinməlidir, çünki şəxslər tərəfindən nəşr etdirilir. Yəni məqsədiniz odur ki, azvikidə Azərbaycanda nəşr olunan 1 elmi jurnal haqqında belə məqalə olmasın? Mən məqsədinizi anlamıram. Ruvikini mən misal olaraq çəkdim, demədim ki, azviki ruviki kimi idarə olunsun. Amma azviki dərəbəylik də olmamalıdır, hər kəs bildiyi mövzulara aid məqalələrin təftişini aparsa, silinməsini müzakirəyə çıxarsa daha yaxşı olar. Siz AAK-ın elmi nəşrlər siyahısı, elmi jurnalların beynəlxalq indeksasiyası, elmi jurnalların ISSN, ISBN nömrələri, elmi jurnalların təmsil olunduqları arama kataloqları və s və i. haqqında çox məlumatlısınız, yoxsa elə Google arama motoruna yazırsız "Dilçilik araşdırmaları", çıxan saytlar xoşunuza gəlməyəndə məqaləni silməyə göndərirsiniz? — Sortilegus (müzakirə) 02:55, 24 oktyabr 2023 (UTC)[]

Bütün bu dedikləriniz hansı mənbədə qeyd olunub @Sortilegus? Özünüz də yaxşı bilirsiniz ki Vikipediya könüllü layihədir, hər kəs könüllü şəkildə fəaliyyət göstərir. Hansısa jurnalı SNS-ə əlavə etməmişəmsə bu o demək deyil ki bu jurnala qarşı qərəzim var. Bu özünün ya da babasının məqaləsi silinənlərin yazdığı dırnaqarası arqumentlərə oxşayır. Məqsədim azvikidə qaydalara uyğun məzmun olmalıdır. "Google-da var və ya X saytında məlumat var" demək uyğun deyil. Məqalənin məzmununu müzakirə edirik, Google-u yox. Məqalədə hal-hazırda bir dənə xarici keçid (istinad yox ha) var, o da jurnalın öz veb-saytı. Jurnal haqqında ikinci dərəcəli mənbələrdə məlumat var? Varsa buyrun əlavə edin, məqalə saxlanılsın. Mən burda Azərbaycanda nəşr olunan elmi jurnallara qarşı düşmənçilik etmirəm ki. Mənbələr əlavə olunandan sonra niyə etiraz edim ki? Nemoralis (müzakirə) 17:18, 25 oktyabr 2023 (UTC)[]

Nemoralis, mən 3-4 mənbə əlavə etdim. Elmi jurnal haqqında yüzlərlə saytda məlumat olacağını gözləmək lazım deyil. Elmi jurnal özü məlumat mənbəyidir, alimlər orada yazılarını çap edirlər. Həmin yazılar da sonra müxtəlif elmi kataloqlara, elmi məqalə bazalarına (məsələn, academia.edu kimi) yüklənilir. Mənim konkret bu jurnalla heç bir bağlılığım yoxdur, qohum-əqrəbamın da jurnalı deyil. Sadəcə mən bir Azərbaycan dili mütəxəssisi kimi bilirəm ki, bu jurnal bizim ölkədə dilçilik sahəsində 1 nömrəli jurnaldır. AMEA-nın demək olar ki, bütün jurnalları belədir, necə ki, institutları. Ona görə də bu elmi jurnallar haqqında bizim vikipediyada məlumatın olmasını niyə istəməyək ki? Konkret sahələrdə məqalə dərc etmək istəyən mütəxəssislər də məqalələrini dərc etməyi planlaşdırdıqları jurnallar haqqında məlumatı bizim vikipediyadan tapsınlar. Mən özüm xaricdə və ya Rusiyada hansısa elmi jurnalda bir məqalə dərc etmək istəyəndə o elmi jurnal haqında sadəcə onun saytından deyil, vikipediyadan da məlumat alıram. Öz sahələrində tanınmış rusdilli və ingilisdilli əksər elmi jurnallar haqqında həmin dildə olan vikipediyalarda da məlumatlar var. Bizdə amma gediş onu göstərir ki, azərbaycandilli elmi jurnallar haqqında olan məqalələri sıfırlayırıq. Heç olmasa AAK siyahısında olan elmi jurnallarımız haqqında məlumatlar qalsın. Həmin jurnallar hamısı təmsil etdikləri təhsil qurumlarının illərlə nəşr etdirdiyi, redaksiya heyətində tanınmış alimlərin olduğu jurnallardır. İndi kimsə öz vəsaitinə jurnal çıxarırsa, jurnalın heç bir beynəlxalq indeksi yoxdursa, ancaq pul alıb məqalə çap etdirirsə o ayrı məsələ. Elə jurnallar haqqında məqalələr silinsin. Amma AMEA-nın, tanınmış universitetlərin elmi jurnalları qalmalıdır. — Sortilegus (müzakirə) 22:06, 25 oktyabr 2023 (UTC)[]

Söhbət vikipediyada məlumatın olmasını istəyib-istəməməkdən getmir. Yuxarıda da qeyd etmişəm ki mənbə varsa saxlanıla bilər, etirazım yoxdur. Vikipediya özü-özlüyündə mənbə hesab oluna bilməz. Bura nə məlumat bazasıdır, nə də kataloq. Nemoralis (müzakirə) 15:03, 29 oktyabr 2023 (UTC)[]

•   Silinsin: Ensiklopedik əhəmiyyəti yoxdur. Beynəlxalq aləmdə xüsusi ağırlığı yoxdur və tanınmır. Ölkə tədqiqatçılarının məqaləyə müraciət etməsi normal haldır. Elm və təhsil qurumlarında belə bir neçə jurnal var.— surə ^m 21:16, 30 oktyabr 2023 (UTC)[]
•   Şərh: Məqalədə qeyd olunan jurnalın saytı hazırda işləmir. Lakin elmi jurnal olduğu üçün və məqaləni mənbələrlə təkminləşdirilməsi mümkündürsə o zaman qala bilər.Futurolog21 (müzakirə) 01:45, 31 oktyabr 2023 (UTC)[]

Yekunlaşdırma: müzakirə əsasında məqalənin silinməsinə qərar verildi.— Baskervill ☼ - De Gəlsin ! 20:28, 2 noyabr 2023 (UTC)[]