Anlayışlar

Çox az şirkətin və təşkilatın Vikipediyada məqaləsi var. Dünyada milyonlarla şirkət var, ancaq 0,1%-dən az hissəsi Vikipediya üçün kifayət qədər əhəmiyyətlidir.

Vikipediya üçün bir şirkət ensiklopedik əhəmiyyətlilik qaydasına cavab verməlidir. Qaydaya əsasən, şirkət qəzetlər, jurnallar, elmi məqalələr, kitablar kimi müstəqil nüfuzlu mənbələr tərəfindən kifayət qədər ətraflı şəkildə işıqlandırılırsa əhəmiyyətli hesab oluna bilər.

Maraqların toqquşması və reklam

Məqaləsini yaratmaq istədiyiniz şirkətlə yaxından əlaqəniz varsa, maraq toqquşması ola bilər və yaxşı, bitərəf və ensiklopedik bir məqalə yazmağınız imkansız olar. Reklamsız üslubda bir məqalə yazmaq sizin üçün çətin olacaq. Qaydalarla reklam çoxdan qadağan edilib. Buna görə də, redaktələriniz reklam kimi görünürsə və ya əhəmiyyət kriteriyalarına uyğun gəlmirsə, çox güman ki, tez bir zamanda silinəcəkdir. Bu vəziyyətdə veriləcək ən yaxşı məsləhət heç bir şey etməməkdir: şirkətiniz ensiklopedikdirsə, gec-tez kimsə bu barədə yazacaq. Bu müddət ərzində başqa bir məqalə yaza bilərsiniz – məsələn, şirkətinizin aid olduğu sənaye haqqında.