Vikipediya məqalələrindən

• Yazıçı Rüstəm İbrahimbəyovun "Ad günü" və "Ezamiyyət" hekayələri üzrə ekranlaşdırılmış Ad günü filminə 1980-ci ildə Azərbaycan Dövlət Mükafatı verilmişdir.
• Cakomo Puççininin Karlo Qotsinin eyniadlı pyesi əsasında yazdığı Turandot opera əsərinin orijinal süjeti Azərbaycanın XII əsrdə yaşamış klassik şairi Nizami Gəncəvinin “Yeddi gözəl” əsərindəki slavyan gözəlinin hekayəsindən götürülmüşdür.
• Latın sözlərindən əmələ gələn Citius, Altius, Fortius Olimpiya şüarı 1894-ci ildə Beynəlxalq Olimpiya Komitəsi yaradılanda Pyer de Kuberten tərəfindən təklif olunub.
• Müasir dövrdə Mamont mağara sisteminin labirint kimi bir-biri ilə bağlanan mağaralardan ibarət olduğu və ümumi uzunluğunun 640 km olduğu hesab edilir.
• Harri Potter romanlar seriyasından olan digər əsərlər kimi Harri Potter və Fəlsəfə Daşı romanı da bəzi dini qrupların hücumlarına məruz qalmış, cadugərliyi təbliğ etməsi iddiası ilə bəzi ölkələrdə qadağan olunmuşdur. Lakin, bəzi xristian alimləri romanın özünə inam və özünü inkişaf etdirmə kimi xristian dəyərlərini təbliğ etdiyini bildirmişlər.
• Praqa qəsrinin ərazisində yerləşən Qızıl küçəyə (şəkildə) daxil olan ziyarətçilər həyatın inkişafını əks etdirən unikal ekspozisiya yaradılmış 16 evdən 9-nu tədqiq və ziyarət edə bilərlər.
• Prince of Persia: The Sands of Time oyununda olan saundtreklər rok ilə hind musiqilərinin qarışığını ifa edən, hal-hazırda fəaliyyət göstərməyən Kanadanın "The Tea Party" musiqi qrupunun əsasını qoyanlardan biri Stüart Çetvud tərəfindən hazırlanmışdır.