Bürokrat Azərbaycandilli Vikipediyanın inzibatçıları arasından seçilir. Bürokrat seçiləcək inzibatçının bu vəzifənin öhdəsindən layiqincə gələcəyi tam əminlik doğurmalıdır. Belə ki, bürokrat statusu inzibatçıdan daha çox əmək və cavabdehlik tələb edir. Bürokrat da inzibatçıdır. Fərq təkcə bürokratın aşağıdakı bəzi əlavə texniki işləri yerinə yetirməli olmasındadır:

1. Bürokrat Vikipediya istifadəçisinə inzibatçı və ya bürokrat statusu verə bilər (lakin bu statusları geri ala bilməz.

a). Bürokrat Azərbaycandilli Vikipediyada keçirilən inzibatçı seçkisində lazımi qədər səs toplamış istifadəçiyə inzibatçı statusu verməlidir (bürokratın bu statusu geri almaq səlahiyyəti yoxdur).

b). Bürokrat Azərbaycandilli Vikipediyada keçirilən bürokrat seçkisində lazımi qədər səs toplamış inzibatçıya bürokrat statusu verməlidir (bürokratın bu statusu geri almaq səlahiyyəti yoxdur).

2. Bürokrat Vikipediya istifadəçisinə bot statusu verə bilər

a). Bürokrat Azərbaycandilli Vikipediyada keçirilən bot seçkisində lazımi qədər səs toplamış istifadəçiyə bot statusu verməlidir (bürokrat bu statusu geri ala bilər).

3. Bürokrat Vikipediya istifadəçisinə interfeys inzibatçısı statusu verə bilər.

a). Bürokrat Azərbaycandilli Vikipediyada müvafiq interfeys inzibatçıları qaydalarına uyğun olaraq istifadəçiyə interfeys inzibatçısı statusu verməlidir (bürokrat mövcud qaydalara uyğun olaraq bu statusu geri ala bilər).

Bürokrat statusu üçün müraciət bürokrat vəzifəsini öz öhdəsinə götürməyə hazır olan istifadəçinin (inzibatçının) özü tərəfindən və ya digər istifadəçilər tərəfindən edilə bilər. Bürokrat seçkisində lazımi qədər səs toplamış istifadəçiyə (inzibatçıya) bürokrat statusu seçkidən sonra digər bürokrat və ya stüard tərəfindən verilməlidir. Bürokratlığa namizədliyi irəli sürülmüş istifadəçi (inzibatçı) seçkidə iştirak edə və səs verə bilər.

Bürokratların seçilməsi inzibatçıların və bürokratların seçilməsi qaydalarına əsasən həyata keçirilir.

• Vikipediya:Səsvermə
• Vikipediya:Bürokratlar/Arxiv1
• Vikipediya:Bürokratlar
• Vikipediya:Vikipediya əhalisi
• Botlar