Son günlər bir çox istfadəçi və idarəçinin narazılığına səbəb olan fəaliyyətlə məşğul olan, qərəzli şəkildə 1 gündə 200-dən çox kütləvi silmə əməlləri ilə vandalizm edən idarəçi sefer azerinin idarəçiliyinin geri alınması üçün səsvermənin keçirilməsini təklif edirəm. İradlara rəğmən əsassız şəkildə silinməli olan səhifələr qurması onun vandal əməllərinə davam etməsi niyyətinin olduğunun bariz sübutudur. Xüsusilə Azərbaycan kinosu məqalələrinə qarşı qərəzli münasibətinin olması idarəçilik statusuna yaraşmayan əməl kimi qiymətləndirilməldir. Halbuki,silinməli və bərbad halda olan saysız hesabsız məqalə mövcuddur. Amma idarəçi bu məqalələrə məqsədli şəkildə göz yumur, hətta dəstəkləyir.

Siyahıdan göründüyü kimi artıq tərəfimdən 4 məqalə silinmişdir. Belə bir təftişi ən yaxşı mövzudan başı çıxan etməlidir. Yoxsa siyahıya nəzər salsaq bəhanə yalnız məqalələrinin mənbəyinin olmamasıdır. Qaydalara görə mənbə olmayanda mənbə yoxdur şablonu qoyulmalıdır. Amma idarəçi dərhal silir məqalələri. O ki qaldı mənə qoy məni də idarəçilikdən çıxarsınlar, amma təki bu film məqalələri silinməsin. Məqsədim budur. Hamısının mənbəyi var və qeyd ediləcək.--Vüsal Ağayev (müzakirə) 18:45, 19 fevral 2016 (UTC)

Vusal1981 yez dəfə mənə qarşı qərəzli ifadəsindən istifadə edirsiz, zəhmət olmasa, bircə dəfə özünüzə əziyyət verib nəyə görə məni qərəzli hesab etdiyinizi izah edin. Bəli 90-a yaxın məqaləni silmişdim, indi də həmin məqalələrin silinməli olduğunu düşünürəm. Məqalələri silərkən VP:SSK-nın II bölməsinin VI bəndinə istinad etmişəm ki, burda da deyilir ki, ''"məzmunu mötəbər mənbələrlə əsaslandırılması mümkün olmayan məqalələr" müzakirəsiz silinməlidir. Həmin qaydanı mən yazmamışam və heç vaxt redaktə etməmişəm. Sildiyim məqalələrdə nəinki mötəbər mənbə yoxdur, ümumiyyətlə mənbə və istinad yoxdur. Əgər məni hansısa qaydanı pozmaqda günahlandırırsızda, fikrinizi əsaslandırın qoy hamı başa düşsün mən hansı qaydanı pozmuşam. Əgər heç bir qaydanı pozmamışamsa və məqalələri silərkən yuxarıda qeyd etdiyim qaydaya istinad etməm doğrudursa, o zaman məhz sisin hərəkətiniz qərəzli deyilmi? Nəyə görə mənim silinməli məqalələr səhifəsi yaratmağa əsasım, haqqın və hüququm olmamalıdır? Bunu etmək üçün heç idarəçi statusuna malik olmaq da lazım deyil. Siyahını istifadəçi səhifəmin alt səhifəsi kimi yaradıram, yəni həmin səhifə mənə aiddir və mənim şəxsi işçi səhifəmdir. Hələ ki, məqalələri təftiş etməklə məşğulam. İşimi yekunlaşdırdıqdan sonra (bu bir ay da, beş ay da çəkə bilər) bir-bir həmin siyahıdakı bütün məqalələri tədricən (hamısını birdən yox) silinməyə namizəd səhifələrdə müzakirəyə çıxaracam, hər bir məqalənin hansı qaydaya görə silinməli olduğunu qeyd edəcəm və müzakirə etmək istəsəniz mən həmişə müzakirəyə hazıram. Əgər qeyd elədiyiniz kimi, əlinizdə gözəl mənbələr varsa, bu çox əladır, buyurun məqalələri zənginləşdirin və vikipediya standartlarına uyğunlaşdırın. Əgər hansısa məqalə normal hala salınsa heç silinməsinin müzakirə olunmasına ehtiyac da qalmaz, işimiz də xeyli yüngülləşər. Amma gec-ya tez kimsə bu işi görməlidir. Xahiş edirəm, insafla danışın, mən təkcə Azərbaycan filmləri ilə bağlı yox, ümumiyyətlə azvikidə filmlərlə bağlı bütün məqalələri təftiş edirəm, hər gün kateqoriyalar yaradıram, Film layihəsinin qiymətləndirmə şkalasına əsasən məqalənin vəziyyəti və əhəmiyyətliyini təyin edirəm. Kənd meydanında da qeyd eləmişdim, təftiş işini düzgün həyata keçirmədiyimi düşünürsüzdə, buyurun bir yerdə işləyək, belədə işi daha tez yekunlaşdırarıq. Məqalələrin silinməsinə gəlincə, mübahisənin başladılması və mənim mübahisə tərəflərindən biri kimi çıxış etməmə görə mən artıq heç bir məqaləni silə bilmərəm və belə bir addım atmağı da planlaşdırmıram. Əgər hansısa məqalənin silinməsi lazım olacaqsa, bu yalnız bizim müzakirəmiz nəticəsində baş verəcək və yekun qərarı tərəfsiz idarəçilərdən biri verməli olacaq. O ki, qaldı mənim idarəçilik hüququmun müzakirəyə çıxarılması məsələsinə, indiki halda yuxarısa səsləndirdiyiniz fikirlərin bunun üçün əsas olmadığını izah etdiyimi düşünürəm. Əgər bunu mənə bir təzyiq vasitəsi kimi istifadə etməyi planlaşdırırsızsa bu da alınmayacaq, idarəçi statusumun qalması və ya alınmasından asılı olmayaraq film məqalələri ilə bağlı işi yekunlaşdıracam. Əgər statusumun saxlanmasına qərar verilsə, sonra fəaliyyətimi olduğu kimi davam etdirəcəm, əgər statusumun alınmasına qərar verilsə, yalnız film məqalələri ilə bağlı işin tam yekunlaşdırılmasından sonra azvikidən uzaqlaşacam. Qısacası mənə təzyiq etməyə lüzum yoxdur.--sefer azeri 21:57, 19 fevral 2016 (UTC)

Heç bir təzyiq yoxdur. ''"məzmunu mötəbər mənbələrlə əsaslandırılması mümkün olmayan məqalələr" müzakirəsiz silinməlidir. "Mümkün olmayan" sözünü unutmusuz. Məqalənin müəllifi ilə əlaqə saxlamalı, mümkün olub olmadığını bir-bir müzakirə etməli,ən son olaraq nəticə olmadıqda silinməlidir. Bir idarəçi bu anlayışa göz yumaraq belə addım atmamalıdır. Siz artıq atmısınız və idarəçi olaraq şəxsən mənim sizə etibarım yoxdur. Buna sui-istifadə deyirlər. O ki qaldı siyahıya eyni kriteriyalar bu siyahıya da aid edilir.Deyə bilərsiz niyə indiyə qədər mənbə göstərməmisiz,mən də sual verirəm 98 min məqalənin hamısı mənbəlidirmi? Sizin kino məqalələrinə belə amansız təzyiqiniz göz önündədir. Sizi mən və ya Babək dayandırmadı. Sizi Kənd meydanında hamının sizin bu əməlinizə qarşı olmağı dayandırdı. Əgər belə hal baş verməsəydi bu 90 yox 900 olacaqdı. İstifadəçi olaraq da istədiyiniz məqaləni müzakirəyə çıxara bilərsiz özünüz qeyd etdiniz,o zaman idarəçiliyə nə gərək var? Kütləvi silmək üçün? --Vüsal Ağayev (müzakirə) 22:33, 19 fevral 2016 (UTC)

Hal-hazırda AzVikidə bu cür istiqamətdə müzakirə getməsi şəxsən mənim üçün çox xoşagəlməz haldır. Mənə elə gəlir ki, artıq Kənd meydanındakı müzakirələrdə bir çox məsələlərə aydınlıq gətirildi. Bir çox istifadəçilər öz fikirlərini bildirdi. Orada Sefer azerinin bu kütləvi məqalə silmə işini heç kəs dəstəkləmədi. Səfər bəy, vikipediya üçün xeyli iş görmüsünüz. İşinizi-gücünüzü atıb əlavə vaxt sərf edərək, istifadəçilərə kifayət qədər lazımlı olan məqalələrin silinməsi üçün siyahı hazırlamaq nəyə gərəkdir? Bir idarəçi olaraq, həmin məqalələrin zənginləşdirilməsi məsələsi sizi narahat edirsə, bunu özünüz də edə bilərsiniz. Əgər məlum istiqamətdə işləmək sizi maraqlandırmırsa, bununla digər istifadəçilər məşğul ola bilərlər. Və bütün bunlar bir günün, bir həftənin işi deyil. Lakin sizin dediyiniz kimi təftiş etdikdən sonra məqaləni silmək bir saniyənin işidir. Bunu etməyə lüzum yoxdur. Güman edirəm ki, gələcəkdə məqalələri silmək üçün hazırladığınız siyahıya ehtiyac olmadığını anlayırsınız. --Babək Akifoğlu (müzakirə) 22:53, 19 fevral 2016 (UTC)

Vusal1981 mən heç nəyi yaddan çıxarmamışam, mənim yazdığım mətndən sitat kimi verdiyiniz italik yazılı cümlədə də "mümkün olmayan" ifadəsi var. Azərbaycan filmləri haqqında məqalələrin zənginləşdirilməsi üçün xeyli ədəbiyyat toplamışam, bəziləri üzərində artıq işləmişəm. Məsələ burasındadır ki, silinməli olduğunu düşündüyüm məqalələrin heç biri haqqında məlumat yoxdur, heç adları da çəkilmir. Həmin 90 məqaləni silməmişdən əvvəl onların adını bir-bir internetdə də axtarmışam, heç bir normal informasiya yoxdur. Əgər iddia etdiyiniz kimi, həmin filmlər haqqında mənbə göstərmək mümkündürsə, o zaman nəyə görə məqalələrin bərpa olunmasından bir həftədən artıq vaxt keçməsinə baxmayaraq, siz hələ bir dənə də düzəliş etməmisiz? Verdiyiniz suala cavab olaraq deyə bilərəm ki, məni hazırda 98 min məqalə yox, yalnız film məqalələri maraqlandırır. Qoy başqa idarəçilər (və ya təcrübəli istifadəçilər) də başqa sahə ilə bağlı məqalələrin təftişi və zənginləşdirilməsi ilə məşğul olsunlar. Bütün işləri mən görməli deyiləm. Əgər heç bir qaydanı pozmadığım göz önündədirsə, etimad səsverməsinin keçirilməsi nəyə gərəkdir, sizin təzyiq vasitəniz olması üçün? Babək Akifoğlu, xoşagəlməz olsa da hadisələr artıq belə bir istiqamət alıb və siz də bu prosesdə tərəf kimi çıxış edirsiz. Məlum istiqamətdə işləmək məni maraqlandırır, ən azı bu mövzu ilə bağlı bir neçə status almış məqalənin müəllifi olmağım bunu göstərir məncə. Konkret olaraq Azərbaycan filmləri ilə bağlı bütün məqalələrin qaydaya salınması üçün geniş bir iş planı hazırlamışam.)) Lazımsız hesab etdiyim məqalələrin silinməsi (müzakirə nəticəsində) ilə paralel olaraq saxlanılan məqalələrin zənginləşdirilməsi və qaydalara uyğunlaşdırılması ilə də məşğul olacam. Əvvəl də qeyd elədiyim kimi, əgər hansısa məqalə həqiqətən də siz dediyiniz kimi lazımlıdırsa və bunu göstərən mənbələriniz varsa, müzakirə zamanı qeyd edərsiz və məqalənin silinməsinin qarşısını alarsız. İndi məncə bunları müzakirə eləmək üçün tezdir. Çünki, hələ təftiş olunmalı çox məqalə var. Hörmətlə --sefer azeri 05:52, 21 fevral 2016 (UTC)

Boş və məntiqsiz cümlələr. Sildiklərinizin hesabını verməlisiz. Mümkün olub olmadığını Azərbaycan kinosunun 2 mütəxəssisi ilə məsləhətləşməli idiz. Siz bu sahədə hələ oktyabryatsız.)) Başınız çıxan işə girişin. --Vüsal Ağayev (müzakirə) 08:02, 21 fevral 2016 (UTC)