Salam hörmətli idarəçilər. Bir təklif vermək istəyirəm, baxın görün nə qədər məqsədə uyğundur - ana səhifədə belə bir bölmə yaradaq - təxmini adı "son dəqiqə" (bizim informasiya saytlarında işlənən başlıqdı, amma təxmini yazdım - variantları müzakirə edib başqa ad tapmalıyıq). Bu elə bölmə olsun ki, indiki kimi ana səhifədə daimi qalmasın - "seçkin məqalə" "bilirsinizmi ki", "seçkin şəkil"dən fərqli olaraq. Dünyada, Azərbaycanda nə isə bir vacib hadisə baş verəndə bu hadisə haqqında həmin bölmədə məlumat verək və hadisəyə daxili keçid qoyaq. Tutaq ki, Əlibala Hacızadə dünən vəfat etdi - dərhal bu bölməni ana səhifəyə əlavə edək, yazıçının vəfat etdiyini yazaq və Əlibala Hacızadə məqaləsinə keçid qoyaq. Bunun üçün ana səhifədəki əsas məqaləni dəyişməyə ehtiyac yoxdur. 1-2 gündən sonra əgər digər vacib hadisə yoxdursa bölməni ana səhifədən götürək. Ya tutaq ki, birdən futbol üzrə Azərbaycan yığması ruslara Bakıda qalib gəldi oktyabrın 14-ü (Allah ağzımdan eşitsin) - dərhal həmin bölmə yenidən ana səhifəyə qoyulur və bu məlumat verilir. Əgər vacib hadisə yoxdursa, elə ana səhifənin dizaynı eynən indiki kimi qalır. Mən bilən fikrimi izah edə bildim. Nə deyirsiniz? Məqbuldursa, mən bu istiqamətdə işləyib ideyanı gerçəkləşdirim.--Sortilegus 18:23, 9 Oktyabr 2009 (UTC)

Yaxşı fikirdi. Amma Ana Səhifənin dizaynını pozmasın. Məncə "Portallar"ı bir az aşağı salıb onun üstündə boşalan yerə əlavə etmək olar. Ya da "Kateqoriyalar"dan altda "Kömək səhifələri"nin üstünə. Wertuose 22:13, 9 Oktyabr 2009 (UTC)

Elə mən də təxminən o formada görürəm - Portalları aşağı salıb sağ yuxarı küncdə yerləşdirək. Burda ana səhifənin test variantı var - orda ümumi formanı düzəldəcəm. Baxıb dəyərləndirərik.--Sortilegus 22:26, 10 Oktyabr 2009 (UTC)

"Ana səhifə-test" - belə ana səhifənin dizaynı korlanır. Bəlkə bölməni "Əsas başlıq" şablonunun içinə yerləşdirək? Bölmə əlavə olunan vaxtlarda şablonun mətni ("Vikipediyaya xoş gəlmisiz" hissəsi) sola yığılsın, sağ yuxarı küncdə bu bölmə olsun. --Sortilegus 21:21, 15 Oktyabr 2009 (UTC)

Təkliflərlə razıyam. Amma bölmənin adı "Mühüm" və ya "Mühüm xəbərlər" olsa daha düzgün olar. Bölmənin ana səhifənin yuxarı sağ küncündə olması təklifi uğurludur. --Ira 06:57, 16 Oktyabr 2009 (UTC)

"Ana səhifə-test" səhifəsində bəzi dəyişiklər etdim. Məndə ekranın ölçüləri 1440x900-dür və səhifə demək olar ki, tam proporsional görünür, heç bir kənarlaşma yoxdur, ən azından bundan əvvəlki varianta nəzərən daha yaxşıdır. Amma ola bilsin ki, digər ölçülü ekranlarda fərqli görünsün. Wertuose 12:45, 16 Oktyabr 2009 (UTC)

Kateqoriyaları bu formada kiçik şriftlə verəndə proporsional görünür. Amma nəzərə almaq lazımdır ki, "Vacib" bölümü (adının mən də İradə xanımın təklif etdiyi variantda - "Mühüm" olması tərəfdarıyam. Hər halda hələ bir də müzakirə edərik) daim ana səhifədə qalmayacaq. 1 gün, ya uzağı 2 gün. Növbəti vacib xəbər olana qədər ana səhifənin dizaynı indiki kimi olacaq. İndi də bu bölümü götürən kimi "Kömək səhifələri" bölümünün altında boş yer yaranır. --Sortilegus 13:30, 16 Oktyabr 2009 (UTC)

Bəlkə, {{}} şablonu yerləşdiriləndə "VikipediyaKomekSaheleri-test" və "ƏsasKateqoriyalar-test" şablonlarından istifadə edək. Adlarını dəyişərik. "Ana səhifə-test" səhifəsi məhz bu şəkildə hazırlanıb. {{}} şablonu götürüləndə isə hazırda olduğu kimi "VikipediyaKöməkSahələri" və "ƏsasKateqoriyalar" şablonlarını bərpa edək. Düzdür bir az artıq işdir, həm də Ana Səhifənin görüntüsünü qismən dəyişir, amma məncə çıxış yolu kimi məqbuldur.

P.S. {{VikipediyaBacıLayihələr}} və {{Türk Vikipediyaları-a}} şablonlarının yuxarı hissəsindəki Vikimedia Fondunun digər layihələri və Türkdilli Vikipediyaların siyahısı sözləri səhifədə yaxşı görünmür, şablonun içindəki şəkillərə qarışır. Bunu asanlıqla həll etmək olar, etiraz etmirsinizsə düzəldim. Wertuose 19:38, 16 Oktyabr 2009 (UTC)

Əlavəni edəndə mənim də ilk ağlıma sən deyən variant gəldi - amma o bir az mürəkkəb prosedurdur. Sən deyən variant olanda proporsionallıq qorunur, ancaq gərək hər dəfə şablonların adını dəyişək. "test"i əlavə edib götürək. Mən deyən variantı tətbiq etsək necə olar - bir şablona ("Xoş gəlmisiniz"ə) əlavələr edib sonra geri qaytarmaq.

P.S. Vikimedia Fondunun digər layihələri və Türkdilli Vikipediyaların siyahısı mətni məndə şablonların içindəki şəkillərə qarışmır. Hər halda səndə problem varsa onu da test variantına tətbiq elə baxaq görək necə olur--Sortilegus 19:53, 16 Oktyabr 2009 (UTC)

Onda dediyin kimi hazırla, baxaq. Məncə pis olmaz, amma bir qədər yerində olmayacaqmış kimi gəlir mənə. P.S. Qarışmaq deyəndə ki, sadəcə bu yazı ilə onun altındakı simvollar arasında, həmçinin üstündəki xətt arasında heç bir boşluq yoxdur. Yazını həm altdakı simvollardan, həm də üstdəki xətdən bir az məsafəli etmək lazımdır. Wertuose 20:49, 16 Oktyabr 2009 (UTC)

Kənd Meydanı üçün bir uyğun şəkil tapaq gərək. Sağ yuxarı küncə yerləşdirmək üçün. Ya bəlkə şəkili ümumiyyətlə götürək?--Sortilegus 19:36, 20 Oktyabr 2009 (UTC)

Kənd meydanında "Ayın günləri layihəsi" tamamlanıb. Mən layihəyə qoşulan istifadəçilərin layihə çərçivəsində fəaliyyətlərinin təftişini apardım, bunu demək nə qədər utandırıcı olsa da, deməliyəm ki, ən fəal olmayan istifadəçi özüməm:). Cekli829 səhifələrdə ən çox redaktə etmiş istifadəçidir. Başqa 5-6 istifadəçi də fəal olub. Hətta qeydiyyatdan keçməyən də var onların arasında. Amma 1 mükafat verməliyik, ona görə də mən bu mükafatı Cekliyə verməyi təklif edirəm. Hər halda qərarın verilməsində konsensus olsa yaxşıdır. "Layihə çempionu" şablonu üçün ulduz da tapmaq lazımdır. Şablon yaradılmasını da Wertuose sənin ixtiyarına buraxaq:) Gələcəkdə belə layihələrin keçirilməsini ənənə halına çevirsək yaxşı olar. Ən azından bu təcrübə onu göstərdi ki, ideya kimi pis ideya deyil. Bu 2 ay ərzində ilin günləri məqalələri xeyli zənginləşdi. --Sortilegus 21:22, 5 noyabr 2009 (UTC)

Razıyam, yaxşı ideya idi. Bir çox redaktələr idealdan çox uzaq olsa da heç yoxdan yaxşıdır. Həm də bu cür səhvlər ən azından onu düzəltmək üçün adamda stimul da yaradır. Mükafatın Cekliyə verilməsi ilə razıyam. Yaxın günlərdə yaxşı bir mükafat hazırlayaram. Wertuose 14:36, 6 noyabr 2009 (UTC)

"Şablon:Test|Bu şablona" bax gör necədir. Mövzuya uyğun tapa bildiyim ən yaxşı ulduz şəkli budur. Wertuose 10:25, 7 noyabr 2009 (UTC)

Mövzunu sırf "ayın günləri" götürməyək. Yəni bu şablon elə bir şablon olsun ki, gələcəkdə tutaq ki, "futbol həftəsi layihəsi", "şəxslər ayı layihəsi" və s. bu tip layihələr keçiriləndə onların qalibinə də bu ulduz və mükafat verilsin, yeni şablon yaradılmasın. Şablonun da adını qoyaq "Layihə ulduzu". Sadəcə təqdim olunanda içindəki mətn hissəsində istifadəçi hansı layihənin qalibidir onu yazaq. Mən də baxaram görüm ingilis vikisində "project barnstar" və ya bu tip ulduz var ya yoxdur.--Sortilegus 21:24, 7 noyabr 2009 (UTC)

Məncə ümumi ad altında olması yaxşı deyil. Bu keçidə bax [1] - hər layihənin öz ulduzu var. Wertuose 21:53, 7 noyabr 2009 (UTC)

Ayrı-ayrı şablonlar da yaratmaq olar. Mən sadəcə onu nəzərə alıram ki, onsuz da biz ildə uzağı 7-8 layihə gerçəkləşdirə biləcəyik. Lap gələcəkdə olsun 20-30. Hər layihə üçün ayrı mükafat şablonu olsa, onu bir istifadəçiyə təqdim edəcəyik vəssalam. Amma ümumi şablon olsa şablonun "Laureatları" bölməsində onların adlarını qeyd edərik və hansı layihədə qalib olduğunu yazarıq. Ayrı-ayrı onsuz da mükafat şablonları olacaq. Məsələn, kimsə tutaq ki, futbolla bağlı məqalələri zənginləşdirəcəksə "futbol ulduzu" mükafatı alacaq ilin istənilən vaxtı. Amma bunu layihə çərçivəsində edəcəksə bu artıq "layihə ulduzu" olacaq. Fikrimi bilmirəm nə dərəcədə izah edə bildim. --Sortilegus 22:15, 7 noyabr 2009 (UTC)

Aydındır. Bir az düzəliş etdim. "Şablon:Test|Bax gör" indi necədir. --Wertuose 22:45, 7 noyabr 2009 (UTC)

İndi qəşəhdi:) Çərçivənin və yazıların sarı rəngini bəlkə bir az daha "ciddi" rəngə dəyişək?--Sortilegus 22:49, 7 noyabr 2009 (UTC)

Əslində guya qızılı rəng idi. Nə rəng istəsən etmək olar, konkret desən yaxşı olar. İndi bir də bax. Wertuose 22:58, 7 noyabr 2009 (UTC)

Belə yaxşıdır. Sabah ilk laureatına təqdim edərik.--Sortilegus 23:17, 7 noyabr 2009 (UTC)

{{Layihə ulduzu}} mükafat şablonunu yaratdım. Wertuose 21:52, 8 noyabr 2009 (UTC)

Bunu YAŞASIN VİKİPEDİYA yazısı ilə əvəz etmək lazımdır. Bunu hansı səhifədə etmək olar? Wertuose 10:15, 11 noyabr 2009 (UTC)

Vikimedia fondunun səhifəsidir. [2] bunun Azərbaycan dilində variantını, yəni bunu [3] yaratmaq lazımdır orda. redaktə də eynən burdakı kimidir. sadəcə ingilisdən, ya rusdan mətni bizim səhifəyə atıb tərcümə etmək lazımdır.--Sortilegus 10:28, 11 noyabr 2009 (UTC)

Deyəsən başlıq üçün bunu yaratmaq kifayətdir [4]. Necə yaradılmasına burdan baxmaq olar . Amma təəssüf ki, Vikimediada qeydiyyatım yoxdur. Bizim istifadəçilərdən kimin var görəsən? Wertuose 11:15, 11 noyabr 2009 (UTC)

Metadakı mesajı indi tərcümə eləyirəm. Görək onunla düzələcək--Sortilegus 13:46, 11 noyabr 2009 (UTC)

Tərcümə elədim. Baxıb əyər-əskiyini düzəldə bilərsiz.--Sortilegus 15:53, 11 noyabr 2009 (UTC)

Sortilegus, {{Şəxslər}} şablonunda şəxs adlarını böyük hərflərlə yazmağının səbəbi nədir. Bununla bağlı hansısa müzakirə və ya qərar olubmu? Məncə normal qaydada yazılanda daha gözəl görünür. Wertuose 08:51, 16 noyabr 2009 (UTC)

Müzakirə və ya qərar olmayıb, amma bu artıq oturuşmuş stil idi mən vikipediyada fəaliyyətə başlayanda, mən də bu stili əsas götürmüşəm. Normal qaydada onsuz da səhifənin başında yazılır (səhifənin adlandırılmasına uyğun olaraq). Amma şəxslərlə bağlı yaradılan yeni şablonlarda ("Dövlət xadimi", "musiqiçi", "futbolçu" və s.) kiçiklə yazsaq yaxşıdır. Ümumi şəxs şablonu onsuz da yavaş-yavaş bütün məqalələrdən götürüləcək və şəxsin fəaliyyət sahəsinə, peşəsinə uyğun olaraq müvafiq şablonla əvəz ediləcək. İndilik başlasaq "şəxslər" şablonunda adı kiçiklə yazmağa bu alabəzəklik yaradacaq. Çünki minlərlə məqalədə artıq mövcud stil tətbiq olunur. Bir başqa məsələ ayın tarixi ilə il arasında vergül qoyulmasıdır. Bu stil də indiki şəxslər haqqında məqalələrdə geniş tətbiq olunur. Amma səhvdir. Şəxslərlə bağlı konkret şablonlarda bu səhvi də yavaş-yavaş düzəltmək lazımdır. --Sortilegus 09:04, 16 noyabr 2009 (UTC)

Bloklanmış istifadəçilərin müzakirə səhifəsinə yerləşdirmək üçün {{Blok}} şablonunu hazırlamışam. Təklifləriniz varsa bildirin. Wertuose 20:35, 23 noyabr 2009 (UTC)

  Belə bir şablona ehtiyac vardı. Vikicəmiyyətin qərarı ilə bloklanan istifadəçilərin səhifəsinə yerləşdirilməsi üçün {{blok-vikicəmiyyət}} şablonu da var.--Sortilegus 20:46, 23 noyabr 2009 (UTC)

Təklif edirəm AzVikinin Azərbaycanda yaşayan istifadəçilərinin ilk görüşünü dekabrın 8-də saat 18 00-da keçirək. Hər üç idarəçinin iştirakı arzuolunan olduğuna görə vaxt məsələsini burda razılaşdıraq. Sonra kənd meydanında elan verək. Görüş üçün yer mən danışmışam - İçəri şəhərdə (Qala qapılarının düz arxasında) "Qafqaz Media Tədqiqatları Mərkəzi"nin ofisində toplana bilərik. 2 saatlığa konfrans üçün nəzərdə tutulmuş zallarını bizə verəcəklər. Elə də böyük zal deyil, amma hər halda 15-20 nəfərlik tədbir keçirməyə yarayar. Tədbir keçirmək üçün şərait də yaxşıdır - əlimizin altında kompüterlər də olacaq və Vikipediyanın səhifəsini açıb hansısa problemlərin praktik həllini də axtara biləcəyik. Çay, kofe də ki öz yerində:) Vaxtı dəyişməli olsaq da bunu tez edək ki, mən onlara məlumat verim. Ümumi bir qərara gələk, sonra mən kənd meydanında dəqiq vaxtı, ünvanı, koordinantları yazım. Mənə də bir email yazın. Emaillərinizi də bilim:)--Sortilegus 21:16, 28 noyabr 2009 (UTC)

Həftəsonu olsa pis olmazdı. Tez də görüşə bilərdik. E-mail yazdım. Wertuose 23:28, 28 noyabr 2009 (UTC)

Bazar günü (6 dekabr) saat 16 00 necədir?--Sortilegus 18:36, 29 noyabr 2009 (UTC)

Bazar günü saat 16 00 - pis deyil. Mən razı.--Ira 10:00, 1 dekabr 2009 (UTC)

Onda elanı yazıram. Ana səhifəyə də banner kimi çıxaracam. + poster qaralaması düzəldəcəm bu gün-sabah. Plakat kimi zaldan asmaq üçün. Ona da burda baxıb dəyərləndirərik, sonra böyütdürməyə verərəm.--Sortilegus 15:57, 1 dekabr 2009 (UTC)

Belə poster necədi? Söz, şüar olmasa yaxşıdı. Bəlkə bir az da modernləşdirmək olar:) --Sortilegus 17:51, 1 dekabr 2009 (UTC)

Poster normaldı, amma məncə saytın adını bir şriftlə loqotipin üst hissəsində yerləşdirmək kifayətdir. Həmçinin, "Vikipediya Açıq Ensiklopediya" sözlərinin altında bu sözləri həm də ərəb əlifbası ilə yazdırmaq mümkün olsa yaxşı olardı. Necə fikirləşirsən? Wertuose 18:10, 1 dekabr 2009 (UTC)

Saytın ünvanını loqotipin üstündə vermək olar. Sən deyən formada qoy başqa vikilərdə "eşələnək" görək nə tapırıq.--Sortilegus 20:16, 1 dekabr 2009 (UTC)

Plakatımız belə oldu. Banner şəklində - 2 metr uzunluğu, 1, 40 eni. Bu yəqin ki, sonuncu variant deyil. Gələcəkdə daha da təkmilləşdirərik və ərəb əlifbası ilə yazıları da əlavə edərik. --Sortilegus 00:06, 6 dekabr 2009 (UTC)

Bu şablonda düzəlişlər etmişəm. Onu bütün yazıçı və şairlər haqqındakı məqalələrdə istifadə edə bilərik. Əgər əlavələriniz varsa bildirin. Wertuose 21:55, 17 dekabr 2009 (UTC)

Baxdım düzəlişlərə. Hələ yaxşı-yaxşı təhlil eləyək, əyər-əskiyini düzəldək sonra yerləşdirərik. İndilik ən azı 700-800 məqalədə işlənə biləcək şablondur. Belə şablonları gərək "mikroskop altında" nəzərdən keçirək ki, sonrakı hər hansısa dəyişiklik və əlavə üçün bot fəaliyyətinə ehtiyacımız olmasın.--Sortilegus 19:38, 18 dekabr 2009 (UTC)

Bunu rus və ingilis vikisindəki şablonların əsasında təkmilləşdirmişəm. Əgər bəndlərlə bağlı əlavələr olsa yaxşı olar ki, onu şablonu məqalələrə yerləşdirmədən əvvəl həll edək. Bütün qalan məsələləri sonra nəzərə çarpdıqca da həll etmək mümkündür. Wertuose 22:23, 18 dekabr 2009 (UTC)

İdarəçiliyə yeni namizəd haqqında nə fikirdəsən? Məncə, bir "qədim"dən statusu alıb bir yeniyə status verməyi səsverməyə çıxarmaq olar artıq. --Sortilegus 19:27, 28 Oktyabr 2009 (UTC)

Məncə yaxşı təklifdir. Həm yeni idarəçiyə ehtiyac var, həm də Cekli çox fəal istifadəçidir. Sadəcə kiçik bir qeyd edim ki, onun məqalə tərtibatına yanaşması bəzən Vikipediya qaydalarına zidd olur. Konkret məqaləni xatırlamıram, amma bir neçə dəfə onun xəbər saytlarından götürdüyü mətni redaktə etmədən birbaşa məqaləyə daxil etməsini müşahidə etmişəm. Bəzən məqalələrdə şəxsi mövqenin ifadəsinə də yol verir. Məncə bu kimi halları təkrarlamasa daha yaxşı olar. Bu adətən yeni və təcrübəsiz istifadəçilərin yol verdiyi səhvdir. Amma admin kimi fəaliyyətində problem olmayacağını düşünürəm. Wertuose 22:08, 30 Oktyabr 2009 (UTC)

İradə xanım da fikrini bildirsin, sonra istifadəçiyə təklif edərik. Razılaşsa səsvermə keçirərik. Mehrdad da artıq 1 ildən çoxdur ki, aktiv deyil. Onun da həm idarəçi, həm də bürokrat statusunun alınması üçün səsvermə keçirmək lazımdır. Bu praktika AzVikidə var. Hazırda bizə fəal idarəçilər lazımdır. Cekli də idarəçi olsa faktiki AzVikidə sutkanın böyük hissəsində idarəçi nəzarəti olacaq. Dediyin qeydlərlə razıyam. Onları da istifadəçinin nəzərinə çatdıraram. Hörmətlə:--Sortilegus 09:13, 31 Oktyabr 2009 (UTC)

Mən təklif edirəm ki, dekabrın 23-24-də yeni idarəçi seçkilərinə start verək. Məncə, İstifadəçi:Cekli829nin namizədliyinə heç biriniz etiraz etməzsiniz. Hazırda fəal idarəçilərə çox ehtiyacımız var. Paralel olaraq İstifadəçi:Mehrdaddan da həm idarəçi, həm bürokrat statusunun alınmasını səsverməyə çıxarmağı təklif edirəm. Mən bilən istifadəçiyə 1 il 5 ay vaxt vermək kifayət idi. Ümumiyyətlə, idarəçi və bürokrat statusu ilə bağlı prinsipə də bənd əlavə etmək və orada bu statusları olan istifadəçinin tutaq ki, 6 ay müddətində aktiv olmadığı (ən azı 500-600 redaktə etmədiyi) təqdirdə statusunun avtomatik alınacağını yazmaq lazımdır. Bu hər halda gələcəyin işidir. Hazırda isə bu məsələdə də bizdəki qanun və prinsiplərdə boşluq olduğuna görə səsvermə keçirməkdən başqa yolumuz qalmır.--Sortilegus 11:33, 21 dekabr 2009 (UTC)

Təkliflərinə etirazım yoxdur. Bizdə idarəçilərlə bağlı hansısa qaydalar varmı? Wertuose 14:05, 21 dekabr 2009 (UTC)

Ümumi sözlərdən ibarət səhifələr var, konkret qaydalar yoxdur. Onları da tərtib etməliyik. TimBits səhifə silmə kriteriyalarını hazırlayıb, istifadəçilərin bloklanma qaydalarını təkmilləşdirməliyik, başqa 2-3 yarımçıq prinsip də var adminstrativ fəaliyyətlə bağlı - bunları hazırlayıb bütöv prinsip şəklində qəbul etsək idarəçi fəaliyyətini müəyyən qanunlar çərçivəsinə salmış olarıq. --Sortilegus 14:18, 21 dekabr 2009 (UTC)

Yeni idarəçinin seçilməsinə etirazım yoxdur. --Ira 12:56, 22 dekabr 2009 (UTC)