İstifadəçi öz səhifəsinə müxtəlif məlumatlar daxil edə bilər:

1. Xarici dili hansı səviyyədə bilməsi haqqında (bax: {{babel}}).
2. İstifadəçi ilə necə əlaqə yarada bilməsi haqqında.
3. Vikitətildə olduğu üçün və ya hər hansı səbəbə görə Vikipediyada olmadığı haqqında.
4. Yaşadığı və gəzdiyi ölkələr haqqında.
5. Müraciət forması haqqında.
6. Orfoqrafik və qrammatik səhvlərinin düzəlişi ilə bağlı.
7. Yaşı, təhsili, ixtisası və s. haqqında. (həmçinin {{istifadəçi məlumatı}} şablonundan istifadə etməklə)
8. Maraqları, hobbisi və elmi dərəcəsi haqqında.
9. Digər iştirakı haqqında.
10. Vikipediyadakı statusu haqqında (nəzarətçi, inzibatçı, bürokrat və s.).
11. Hansı mövzularla müraciət etmək olar.
12. Vikipediyaya töhfələri haqqında.
13. Vikipediya mükafatları haqqında.
14. Vikipediya ilə əlaqədar ən çox müraciət etdiyi informasiya və səhifələrin siyahısı.
15. Vikipediyanın, Vikimedia Fondunun faydalı məlumatlarına, Vikipediya ilə əməkdaşlıq edən digər saytlara keçidlər.
16. İstifadəçinin digər dillərdəki şəxsi səhifələrinə yönəlmiş intervikilər.

Məlumatların bir çoxu şablonlar şəklində daxil edilir. Bunun üçün kateqoriyasına müraciət etmək mümkündür.

Qeyd: Unutmayaq ki, istifadəçi səhifələri də Vikipediya məqalələri kimi GFDL lisenziyası ilə lisenziyalaşdırılmışdır.

Yuxarda istifadəçi səhifələri üçün nəzərdə tutulan qaydalar alt səhifələrə də aid edilir. Vikipediyaçılar istifadəçi alt səhifələrindən:

1. Başladıqları, yaxud üzərində çalışdıqları və bitirmədikləri məqalə, şablon və səhifələri əlavə etmək üçün,
2. İstifadəçi müzakirəsi səhifəsinin arxivləşdirilməsini aparan zaman,
3. Testlər aparan zaman,
4. İstifadəçi səhifəsinin interfeysində,

istifadə edə bilərlər.

Ümumi olaraq istifadəçi səhifənizdə Vikipediya ilə əlaqəsi olmayan məzmun saxlaya bilməzsiniz. Unutmayın ki, Vikipediya keçidlər, media fayllar və ya şəkillər üçün kolleksiya deyil və istifadəçi səhifəniz şəxsi malınız deyil. Səhifəniz sizin Vikipediya ilə əlaqəli fəaliyyətiniz haqqındadır. Qadağan olunan məlumatlar aşağıdakılardır:

1. Vikipediya xarici fəaliyyətinizlə əlaqəli bloq.
2. Vikipediya əlaqəsi olmayan sıx söhbət və müzakirələr.
3. Özünüz haqqında bir neçə səhifəlik bioqrafik məlumat.
4. Məqalələr üçün nəzərdən tutulan şablonlar və kateqoriyalar.
5. Polemika kimi qəbul edilə biləcək şəxsi fikirlər və sitatlar.
6. Ensiklopedik olmayan materiallar.
7. Layihə ilə əlaqəsi olmayan şəxslərlə əlaqə.
8. İstifadəçi səhifənizdən digər səhifələrə yönləndirmə vermək.
9. İstifadəçi səhifənizin adını dəyişdirmək (istifadəçi səhifənizin adını özünüz dəyişə bilməzsiniz. İstifadəçi adınızı dəyişdirmək üçün "qlobal ad dəyişmə üçün müraciət" səhifəsinə nəzər sala bilərsiniz).
10. Müəllif hüququ ilə qorunan məzmun və fayllar.
11. Reklam xarakterli məlumatlar.

Qeyd: Yuxardakı şərtlər pozulduğu halda istifadəçi səhifəniz inzibatçılar tərəfindən silinəcək. Lütfən istifadəçi səhifənizi müzakirəsiz bərpa etməyin. Əks halda Vikipediya fəaliyyətiniz məhdudlaşdırıla bilər.

İstifadəçi qeydiyyatdan keçmirsə onun fəaliyyəti istifadə etdiyi IP-ünvana görə nəzərə alınır və Vikipediyaya etdiyi töhfələr bu səhifədə siyahılanır. İstifadəçinin IP-ünvanı anonim istifadəçinin şəxsi səhifəsi kimi qəbul olunur və istifadəçiyə müraciətlər (xəbərdarlıqlar da daxil olmaqla) bu səhifəyə yazılır. Lakin bunun mənfi tərəfləri də vardır:

• IP-ünvan göstərilən səhifəyə həmin IP-ünvandan (proksi-serverlərdən) istifadə edən digər anonimlər də sahiblik edə bilərlər;
• İstifadəçi IP-ünvanı dəyişdikdə əvvəlki IP-ünvanda göstərilən töhfələrin ona aid olduğunu sübut etmək çətin olur.

İstifadəçi anonimliyini qorumaq istəyirsə hər hansı uydurma ad altında qeydiyyatdan keçməsi daha doğru yoldur. Belə ki, istifadəçi istifadə etdiyi IP-ünvanını açıq qoymaqla hansı ölkədən, hansı severdən işlədiyi haqqında məlumat vermiş olur. Qeydiyyatdan keçdikdə isə IP-ünvanını yalnız təftişçi görə bilir.

Anonim istifadəçinin müzakirə səhifəsi istifadəçi fəaliyyətini uzun müddət dayandırdıqda və ya onun səhifəsindən digər anonim istifadə etdikdə silinə bilər.

Məqalələrdə yerləşən alətlərdən əlavə olaraq istifadəçi səhifələrində aşağıdakılar yerləşir:

• Xüsusi:Fəaliyyətlər — bu səhifə istifadəçilərin ümumi fəaliyyətini əks etdirir.
• Xüsusi:Email — səhifə istifadəçilərə elektron poçt göndərmək üçün nəzərdə tutulmuşdur.
• Xüsusi:Bloklama qeydləri — səhifədə istifadəçinin bloklama tarixçəsi yerləşir. Burada bloklamanı təyin edən inzibatçının adı və bloklanma tarixi qeyd edilib.

• Vikipediya:Müzakirə səhifəsi
• Vikipediya:Neytral mövqe