Vikianbar — şəkil, səs, videoçarx və s. multimedia faylların saxlandığı virtual qlobal layihədir. Anbar qlobal olduğundan onun dil prinsipinə əsasən bölünməsi vacib deyildir.

Vikianbarda materialları azad surətdə yaymaq, dəyişmək və istənilən məqsəd üçün (o cümlədən, kommersiya) istifadə etmək olar. Burada saxlanılan faylların ümumi sayı 2013-cü ilin iyuluna olan məlumata görə, 23 milyon ədəd, redaktələrin sayı 100 milyondan çoxdur.

Vikipediya istifadəçilərinə malik olduqları mediafaylları Vikianbara yükləmək məsləhət bilinir. Bu halda, dil bölümündən asılı olmayaraq, bütün istifadəçilər həmin faylları azad istifadə edə bilərlər.

Vikianbara yüklənən bütün fayllar hüquqi cəhətcə azad istifadəyə tam sərbəst olmalıdırlar. Faylların istifadəsində hər hansı məhdudiyyət qoyula bilməz.

Vikianbarda 2006-cı ildən "İlin təsviri" yarışı keçirir. Yarışda il ərzində "seçilmiş" olan bütün təsvirlər iştirak edirlər. Proses iki mərhələdə keçirilir və bütün istifadəçilər iştirak edirlər.

Vikianbar mediafayl toplanması istiqamətində müzeylər, arxivlər və şəxsi kolleksiyaçılaral əməkdaşlıq edir. Verilən materiallar azad istifadəyə verilir və sistemləşdirilir. Bu işdə daha çox alman təşkilatları yardım göstərirlər.

Əməkdaşlığın diqqəti çəkən nümunələri:

• 2005-ci iln apreli — alman saytı Vikianbara 10 min şəkil təqdim etdi;
• 2006-cı iln sentyabrı — İsveçrənin nəhəng saytından sərbəst şəkillərin Vikianbara yüklənməsi başlandı;
• 2007-ci ilin yazı — Pearson Scott Foresman Vikimedia Fonduna 16 qutu təsvir göndərdi;
• 2008-ci iln dekabrı — 80 min təsvir təqdim etdi;
• 2009-cu iln martı— təsviri sənət kitabxanası Vikianbara 250 min nümunə təqdim etdi;
• 2009-cu ilin oktyabrı — İndoneziya mövzusunda 35 min təsvir təqdim etdi.