Bu məqalədəki və ya bölmədəki məlumatlar köhnədir.
|
Vidadi Aydın oğlu Muradov (5 mart 1956, Bərdə – 4 noyabr 2021, Bakı) — xalçaçı-ekspert, tarix elmləri doktoru, professor, "Azərbaycan xalçaları" elmi-publisistik jurnalının baş redaktoru, YUNESCO-nun Mənəvi ənənələr, mədəni xüsusiyyətlər və Şimali Qafqazda dinlərarası dialoq üzrə komparativ tədqiqatlar Kafedrasının professoru, Beynəlxalq Muzeylər Şurasının (ICOM) üzvü olmuşdur.
Vidadi Muradov | |
---|---|
Vidadi Aydın oğlu Muradov | |
Prezident | İlham Əliyev |
Baş nazir | Əli Əsədov |
Şəxsi məlumatlar | |
Doğum tarixi | 5 mart 1956 |
Doğum yeri | |
Vəfat tarixi | 4 noyabr 2021 (65 yaşında) |
Vəfat yeri | |
Vəfat səbəbi | xərçəng xəstəliyi |
Fəaliyyəti | alim |
Elmi fəaliyyəti | |
Elm sahəsi | tarixşünaslıq |
Elmi dərəcəsi | tarix elmləri doktoru |
Elmi adı | professor |
|
|
Təltifləri |
|
Vikianbarda əlaqəli mediafayllar |
Həyatı
5 mart 1956-cı ildə Azərbaycan Respublikasının Bərdə şəhərində anadan olmuşdur. 1974–1980-ci illərdə Moskva Kooperativ İnstitutunun İqtisadiyyat fakültəsində "İqtisadiyyatın təşkili" ixtisası üzrə təhsil almışdır. 1980-ci ildən etibarən 1994-cü ilədək respublikanın müxtəlif müəssisələrində iqtisadçı kimi fəaliyyət göstərmişdir. 1994-cü ilin oktyabrında məramı unudulmuş çeşnilərin bərpası, yüksək keyfiyyətli xalçaların istehsalı, bir çox şəxsi kolleksiyaları və dünya muzeylərini bəzəyən Azərbaycan xalçalarının təbliği olan "Azər-ilmə" elmi tədqiqat və istehsalat mərkəzini təsis edib.
9 yanvar 2021-ci ildə külli miqdarda mənimsəmə ittihamı ilə həbs olunmusdur. 31 oktyabrda səhhəti ilə əlaqədar həbsdən azad edilmişdir. 4 noyabr 2021'ci ildə xərçəng xəstəliyindən vəfat etmişdir.
Yeni Azərbaycan Partiyasının üzvü idi.
Ailəli idi, üç övladı var.
Elmi yaradıcılıq istiqaməti
Xalçaçılıq sənətinin tarixi köklərinin araşdırılması, qədim ənənələrinin təhlili və müqayisəsi, Azərbaycan xalçaçılığının əhali tarixi aspektində öyrənilməsi, xalça qruplarının təsnifatı prinsiplərinin təkmilləşdirilməsi, dünya muzeylərində və şəxsi kolleksiyalarda saxlanılan milli xalçaların üzə çıxarılması və obyektiv ünvanlandırılması və s.
Filmoqrafiya
- Azərbaycan xalçaları. Qarabağ qrupu.(Azərbaycan, ingilis, rus dillərində) (2013).
- Azərbaycan xalçaları. İrəvan qrupu.(Azərbaycan, ingilis, rus dillərində) (2013).
- Azərbaycan xalçaları. Naxçıvan qrupu.(Azərbaycan, ingilis, rus dillərində) (2013).
- Azərbaycan xalçaları. Qazax-Borçalı qrupu. (Azərbaycan, ingilis, rus dillərində) (2014).
- Azərbaycan xalçaları. Gəncə qrupu.(Azərbaycan, ingilis, rus dillərində) (2014).
- Rənglərin ahəngi.(Azərbaycan, rus, ingilis dillərində) (2015).
- Şuşa Qarabağ xalçaçılığının paytaxtıdır. (2020).
Fəxri adları
- "Naxçıvan Muxtar Respublikasının Əməkdar incəsənət xadimi" (7 noyabr, 2013-cü il)
- "Azərbaycan Respublikasının Əməkdar incəsənət xadimi" (30 may, 2014-cü il)
- "Şöhrət" ordeni (7 mart, 2016-cı il)
- Dağıstan Respublikasının Əməkdar incəsənət xadimi (23 dekabr, 2016-cı il)
- "Azərbaycan Xalq Cümhuriyyətinin 100 illiyi (1918–2018)" yubiley medalı (27 may, 2019-cu il)
İstinadlar
- . 2021-11-05 tarixində . İstifadə tarixi: 2021-11-05.
- . 2015-04-02 tarixində . İstifadə tarixi: 2015-03-04.
- . 2015-04-02 tarixində . İstifadə tarixi: 2015-03-04.
- . 2016-12-31 tarixində arxivləşdirilib. İstifadə tarixi: 2017-01-03.
Xarici keçidlər
- 2015-04-02 at the Wayback Machine
- 2015-10-05 at the Wayback Machine
- 2015-04-02 at the Wayback Machine
- 2015-04-02 at the Wayback Machine
- 2016-02-02 at the Wayback Machine