Dina adlı balaca qıza irsi olaraq anasından qeyri-adi qabiliyyət keçmişdir. O insanların ürəyinə baxaraq, onları etdikləri pis əməllərə görə xəcalət çəkməyə məcbur edə bilir. Taxtın yeganə varisi olan Nikodim imperator ailəsinin qətlində ittiham olunandan sonra Dinanın anasını aldadaraq qalaya gətirirlər. Onlar qadından öz gücündən istifadə edərək, ittiham olunan şəxsi cinayəti boynuna götürməyə məcbur etmək istəyirlər. Lakin qadın öz imkanlarını pisliyə doğru yönətmək istəmədiyi üçün bu təkliflə razılaşmır və həbs olunur. Dina isə həqiqəti aşkara çıxarmaq üçün öz həyatını belə risk altına alır. Qızı və ailəsini olduqca maraqlı macəralar, ədalətli məqsəd – qanuni varisi taxta geri qaytarmaq gözləyir.

• Rebekka Emiliya Settrup — Dina Toner
• Petra Mariya Skott Nelsen — Roza (Dinanın rəfiqəsi)
• Peter Plauqborq — Drakan (Nikodimin ögey qardaşı)
• Mariya Bonnevi — Melussina Toner rolunda (Dina, Davin və Mellinin anası)
• Süren Mellinq — Ordu komandanı
• Roland Müller — Hannes (Ordu komandanının köməkçisi)
• Yakob Oftebro ("Niko") — Nikodim Revins və ya Nikodemus Voron (valideynlərinin ölümündə şübhəli bilinən taxtın qanuni varisi)
• Stina Ekblad — Xanım Lizeya (Drakanın anası)
• Allan Hayd — Davin (Dinanın qardaşı)
• Laura Bro — Xanım Petri (Ustad Maunusun qardaşı qızı)
• Olaf Yohannessen — Ustad Maunus (Nikodimin müəllimi)
• Yohann G. Yohansson — Dres
• Adam İld Rohveder — Aun
• Peter Hoskinq
• Selma İlyazovski — Melli (Dinanın bacısı)

Saqanın ikinci hissəsi olan Vicdanı oyadan 2: İlanın hədiyyəsi (dan. Skammerens Datter II: Slangens Gave) filminin çəkilişləri 2018-ci ilin axırlarında başa çatdırılmış və filmin premyerası 24 yanvar 2019-cu ildə baş tutmuşdur.