Vəlisurki — İrəvan quberniyasının İrəvan qəzasında qışlaq adı. Azərbaycan dilində beli (dağın beli) və türk dillərində soruq — "şoran", "duzlaq", "dağlarda şor göl" sözlərindən ibarətdir. Soruq (suruq) sözü Azərbaycanda Türyançay dərəsi ilə Göyçay dərəsi arasında Surxay xan dağının zirvəsində, Ərəb-Kükəl kəndindən şimalda Şiştəpədə yerləşən Surxab (soruq və qədim türkcə ep "dayanacaq" - 147, 1, 513-514 - sözlərindən) qalasının (Musa Kalankatlının "Alban tarixi"ndə ermənicə təhrif forması Sirxarn) və Qafan rayonunda Sirkə-Tas kənd adı ilə mə'naca eynidir.