Usta Baba Pirməmməd - Haqqinda Melumat

Usta Baba Pirməmməd
Usta Baba Pirməmməd
Şəxsi məlumatlar
Doğum tarixi	1898
Doğum yeri	Balaxanı, Bakı qəzası, Bakı quberniyası, Rusiya imperiyası;
Vəfat tarixi	26 mart 1957
Vəfat yeri	Bakı, Azərbaycan SSR, SSRİ;
Partiya	Sovet İttifaqı Kommunist Partiyası;
Fəaliyyəti	neftçi
Təltifləri	; ;

Usta Baba Pirməmməd (1898, Balaxanı, Bakı qəzası – 26 mart 1957, Bakı) — Azərbaycan neft və qaz istehsalı qabaqcılı, Sosialist Əməyi Qəhrəmanı (1948), "Stalin" mükafatı laureatı (1950).

Həyatı

Usta Baba Pirməmməd 1898-ci ildə Bakı qəzasının Balaxanı kəndində neftçi fəhlə anadan olmuşdur. Üçsinifli məktəb bitirmiş və 1916-cı ildə qazmaçılar dəstəsində fəhləliyə başlamışdır. 1923-cü ildə qazmaçı, 1928-ci ildə qazma ustası vəzifələrində işləmişdir.

Sonrakı illərdə Usta Baba Pirməmməd quyuların təmiri, izolyasiyası kontorunda və qazma kontorunda bir sıra inzibati-texniki vəzifələrdə işləmiş və Azərbaycan Sənaye İnstitutu yanındakı təsərrüfatçı kurslarında oxumuşdur. Bir müddət "Leninneft" qazma kontorunun katibi, 1938-ci ilin dekabrında isə quyuların əsaslı təmiri kontorunun direktoru vəzifəsinə təyin edilmişdir. O, 1940-cı ildən "Leninneft"in qazma kontorunda, 1945-ci ildən isə "Kirovneft"in qazma kontorunda direktor vəzifəsində çalışmışdır. 1945-ci Buzovnaya göndərilən Usta Baba Pirməmməd "Buzovnaneft" qazma kontorunun rəhbəri olmuşdur. O, yeni Buzovna–Maştağa neft sahəsinin kəşfində fəal iştirak etmişdir.

Usta Baba Pirməmməd 1930-cu ildən ildən Sov.İKP üzvü, 1937-ci ildən Bakı Şəhər Zəhmətkeş Deputatlar Sovetinin, Azərbaycan SSR Ali Sovetinin deputatı (4-cü çağırış) olmuşdur.

Usta Baba Pirməmməd uzun sürən xəstəlikdən sonra 26 mart 1957-ci ildə Bakıda vəfat etmişdir.

Təltif və mükafatları

Sosialist Əməyi Qəhrəmanı — 8 may 1948 ("Lenin" ordeni və "Oraq və Çəkic" medalı təqdim edilməklə)
3 dəfə "Lenin" ordeni — 6 fevral 1942, 8 may 1948, 15 may 1951
"Stalin" mükafatı (3-cü dərəcə) — 1950

İstinadlar

↑ Уста Баба Пирмәммәд // Альбом плакатов-биографий депутатов Верховного Совета Азербайджанской ССР четвертого созыва. 6 марта 1955 года. Бакы. 1956. С. 268.
↑ Уста Баба Пирмәммәд // Коммунист. № 72 (10408). 27 март 1957-ҹи ил. С. 4.
Уста Баба Пирмәммәд // Азәрбајҹан Совет Енсиклопедијасы: [ 10 ҹилддә]. IX ҹилд: Спутник— Фронтон. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1986. С. 467.
Уста Баба Пир Мамед // Нефтегазовая энциклопедия (в 3 томах). Т. 3: Р–Я. Москва. Вед. ред.: Вадецкий Ю. В. 2004. ст. 172.

Xarici keçidlər

(rus). "Герои страны" saytında.

[dep4-2-1] Уста Баба Пирмәммәд // Альбом плакатов-биографий депутатов Верховного Совета Азербайджанской ССР четвертого созыва. 6 марта 1955 года. Бакы. 1956. С. 268.

[kommunist-2] Уста Баба Пирмәммәд // Коммунист. № 72 (10408). 27 март 1957-ҹи ил. С. 4.

[ase-3] Уста Баба Пирмәммәд // Азәрбајҹан Совет Енсиклопедијасы: [ 10 ҹилддә]. IX ҹилд: Спутник— Фронтон. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1986. С. 467.

[neftqaz-4] Уста Баба Пир Мамед // Нефтегазовая энциклопедия (в 3 томах). Т. 3: Р–Я. Москва. Вед. ред.: Вадецкий Ю. В. 2004. ст. 172.