Layihə 1995-ci ildə Sidney Universitetinin tələbələri tərəfindən aituriyentlərə Avstraliya ali məktəblərinə qəbul prosesində kömək göstərmək məqsədilə yaradılıb. Layihənin adı «UniPage» «Uni» («university» universitet) və «Page» (ingilis dilində «page» - səhifə) sözlərinin birləşməsi ilə yaranıb. Kompaniyanın Baş qərargahı Sidney şəhərində (Yeni Cənubi Uels ştatı, Avstraliya) yerləşir.

İnternet saytı 2013-cü ilin avqust ayında işə salınıb. Hazırda UniPage portalı, Alexa reytinqinə görə, dünyada 68 754-ci, Rusiyada 4 289-cu yeri tutur.. Yarandığı vaxtdan bəri UniPage xeyli inkişaf etmiş və müstəsna xidmət göstərməyi, məhsuldar xidmət göstəricisi ilə özünü dünyada tanıtmışdır.

Xarıcdə oxumaq istəyən abituriyent onu maraqlandıran, narahat edən bütün suallarına (Ərizəni necə verməli? Xaricdə - müxtəlif ölkələrin müxtəlif universitetlərində təhsil neçəyədir? Xarici universitetlər arasında necə seçim etməli? Xaricdə təhsili nə vaxt planlaşdırmalı? Xaricdə oxumaq istəyirəmsə, nədən başlamalı? Dili yaxşı bilməyən abituriyent xaricə oxumağa gedə bilərmi? Bir və ya bir neçə təhsil proqramına iddia etmək olarmı? və s.) UniPage-ə müraciət etməklə, cavab tapa bilir.

UniPage xidmətlərindən istifadə etməklə, abituriyent və onun valideynləri xarici təhsil müəssisəsinin seçilməsi, sənədlərin hazırlanması, qəbul prosesində ortaya çıxa biləcək bütün problemlərin həlli ilə bağlı məsələləri həll edir.

Bu sahədə əldə edilən təcrübə nəticəsində UniPage dünyanın qabaqcıl, aparıcı məktəb, kollec və universitetləri, qəbul prosesinin bütün incəlikləri barədə məlumatlara malikdir.

Abituriyentlərə və təhsil müəssisələrinə köməkdən əlavə, kompaniya həm də beynəlxalq təhsil haqqında bir növ ensiklopedik məlumat bürosu funksiyasını yerinə yetirir - kompaniya bu sahədə 2 000-dən artıq məqalə hazırlayıb istifadəçilərin ixtiyarına verib , həmin məqalələrin sırasında, eləcə də, xarici ölkələrdə təhsil haqqında özünün apardığı tədqiqatların nəticələri də nəşr olunur :

• Universitet və kolleclərin dünya reytinqi;
• Uzaqdan (Distansion) təhsil proqramları reytinqi;
• Tələbə şəhərlərinin reytinqi;
• Biznes-məktəblərin və biznes-proqramların reytinqi MBA;
• Munisipial kolleclərin reytinqi;
• Ödənişsiz təhsil sistemli universitetlərin reytinqi;
• Dünyada beynəlxalq tələbə komitələrinin statistikası;
• Təhsil agentliklərinin statistikası.

UniPage, universitetlərin klassik reytinq anlayışından fərqli olaraq, daha geniş diapazonlu faktorlar nəzərə alınmaqla çoxölçülü reytinqini yaratmağa nail olmuş, bu yol ilə 23 min təhsil müəssisəsinin fəaliyyətini təhlil edərək, onları ranqlara bölə bilmişdir. Bu sahədə əldə etdiyi nəticələri UniPage geniş istifadəçi auditoriyasına təqdim edir . Bu zaman təhsilin, elm öyrətmənin və elmi-tədqiqat fəaliyyətinin keyfiyyət göstəriciləri əsas götürülür. Qiymətləndirməyə 4 700 Avropa, 8 950 Asiya и 4 937 Şimali Amerika universitetləri daxil edilib, bu da UniPage-in öz reytinqini yüksəldir və onu dünyanın ən yaxşı təhsil müəssisələrinin ən genişmiqyaslı reytinqi kimi tanıdır. Bunun nəticəsidir ki, hər ay UniPage səhifəsindən 320 min istifadəçi yararlanır.

UniPage-n hazırladığı "Ali məktəblərin reqtinqi"nə daxil olan universitetlərin regionlar üzrə bölüşdürülməsi (2015-ci ilin sonuna görə):

(rus). UniPage. 2015-11-19 tarixində arxivləşdirilib. İstifadə tarixi: 2015-11-17.

2016-05-14 at the Wayback Machine