Ukraynanın Azərbaycan Respublikasındakı Fəxri Konsulluğu Ukrayna Prezidenti Volodimir Zelenskinin 27 oktyabr 2020-ci il sərəncamına əsasən təsis edilmişdir.

Ukraynanın Azərbaycandakı Fəxri Konsulluğu iki ölkə arasındakı əməkdaşlığın yüksək dinamikasının göstəricisidir və dövlətlərimiz arasında ticari-iqtisadi, mədəni-humanitar və regional əlaqələrin daha da genişlənməsinə uyğun şərtlər yaratmaqdadır. Fəxri Konsulluq öz dairəsində yaşayan Ukrayna vətəndaşlarına lazımi dəstək göstərməklə yanaşı, Azərbaycanda fəaliyyət göstərən Ukraynalı sahibkarlara, eləcə də Ukraynada fəaliyyət göstərən Azərbaycanlı sahibkarlara məlumatlandırma və təşkilati dəstək verməkdədir, eləcə də Azərbaycanda Ukrayna mədəniyyətinin tanıtım tədbirlərini, eləcə də milli bayramlarının qeyd olunmasını təşkil etməkdədir.

Fəxri Konsullar təyin ölkənin Prezidenti tərəfindən seçilir və qəbul edən ölkənin Prezidenti tərəfindən təsdiq edilərək öz fəaliyyətinə başlayır. Vyana Konvensiyasına əsasən Fəxri Konsullar öz fəaliyyətləri haqqında ilin yekununda hesabat hazırlayır və təqdim etdiyi hesabat göndərən ölkənin Xarici İşlər Nazirliyi tərəfindən qəbul edildiyi təqdirdə fəaliyyət müddətinin uzadılması və yaxud dayandırılması haqqında qərar qəbul edilir. Fəxri Konsulların göndərən ölkənin vətəndaşı olması məcbur deyildir. Fəxri Konsul statusu əsasən ictimai xadimlər, iş adamları və müxtəlif ölkələrdə söz sahibi olan şəxslərə verilir. Fəxri Konsulluqlar dövlət hesabına maliyələşmir, təyin olunan Fəxri Konsullar diplomatik missiyanı öz hesablarına maliyələşdirir. Vyana Konvensiyasına əsasən Fəxri Konsullar Diplomatlar ilə ilə eyni statusu daşımaqdadır və diplomatik toxunulmazlıqları vardır.