Uişdiş və ya Umildiş (akkad. Uisdis, ur. Ugisti)— Manna dövlətinin vilayəti. Bu, Assuriya dövründə indiki İranın Şərqi Azərbaycan ostanı, yəni Təbriz ilə Marağa arasında yerləşən ərazi üçün verilən ad hesab edilir.

Urartu padşahı I Rusa (735–713), Manna padşahı Aza, Zikurti kralı Mitatti və bu dövrdə onun vassalları olan və Umildişə (sonuncular şahzadə Baqdatti tərəfindən idarə olunurdu) şahzadələrə qarşı təhrik etmişdi. Aza öz sarayının Assuriya əleyhdarı dəstəsi tərəfindən məğlub edilmiş və devrilmişdir. O, güman edilir ki, bu zaman, yəni e.ə. 717-ci ildə öldürülmüşdür. Ölən padşahın qardaşı Ullusunu taxta oturmuş və qaliblər əsas payı tutan I Rusa üçün 22 şəhər və ya sərhəd rayonları da daxil olmaqla mühüm imtiyazlar əldə etmişdilər. E.ə. 716-cı ildə Assuriya hökmdarı II Sarqon əraziyə getməyə qərar vermişdir. Umildiş şahzadəsi Baqdatti əsir götürülmüş və Azanın öldürüldüyü yerdə diri-diri qaynadılaraq edam olunmuşdur. Ullusunu Sarqona xərac verməli olmuşdur. E.ə. VII əsrdə ölkədə kimmerlər məskunlaşmışdır. Bundan sonra region Qamir adını almışdır.