Uğursuz dövlət
Uğursuz dövlət — fundamental təhlükəsizlik və inkişaf funksiyalarını yerinə yetirmək qabiliyyətini itirmiş, ərazisi və sərhədləri üzərində effektiv nəzarəti olmayan dövlət. Uğursuz dövlətin ümumi xüsusiyyətlərinə vergi toplamaq, hüquq-mühafizə, təhlükəsizlik təminatı, ərazi nəzarəti, siyasi və ya mülki idarə heyəti və infrastrukturun saxlanması iqtidarında olmayan hökumət daxildir.[1] Bu baş verdiyi halda genişmiqyaslı korrupsiya və cinayətkarlığın, dövlət və qeyri-dövlət subyektlərinin müdaxiləsi, məcburi köçkünlərin meydana çıxması və əhalinin qeyri-ixtiyari yerdəyişməsi, kəskin iqtisadi tənəzzül, həm dövlət daxilində, həm də xaricdən hərbi müdaxilənin gerçəkləşmə ehtimalı daha yüksəkdir.[2]
Dövlətlərin idarəetmə səviyyəsini təsvir etmək üçün müxtəlif ölçülər hazırlanmışdır. Bir dövləti uğursuz hesab etmək üçün lazım olan hökumət nəzarətinin xüsusi səviyyəsi ilə bağlı səlahiyyətlilər arasında əhəmiyyətli fərq var.[3]
- ↑ "The A to Z of international relations". The Economist (ingilis). İstifadə tarixi: 2023-12-20.
- ↑ "Fragile States FAQ Number 6: What Does 'State Fragility' Mean?". the Fund for Peace. 2015-01-04 tarixində orijinalından arxivləşdirilib. İstifadə tarixi: 2015-01-04.
- ↑ Patrick, Stewart. "'Failed' States and Global Security: Empirical Questions and Policy Dilemmas". International Studies Review. 9 (4). 2007: 644–662. doi:10.1111/j.1468-2486.2007.00728.x. Şablon:ISSN link.