29 avqust 1526-cı ildə baş vermiş Moxaç döyüşündə Osmanlı imperatoru Sultan Süleyman macar ordularını məğlub etdi. Nəticə də macar kralı II Layoş öldürüldü. Habsburq sülaləsinə mənsub olan Ferdinandın macar taxtı üzərində iddiaları Transilvaniya tarixində yeni bir mərhələnin başlanğıcı oldu. Bu ərəfədə Zapolya macar kralı elan edilmişdi. Ferdinand tərəfindən məğlub edilən Zapolya Qanuni Sultan Süleymana öz itaətini bildirmiş və Osmanlının vassalı kimi Macar və Transilvaniyanın kralı elan edilmişdi. Bu hadisə Habsburqların Macarıstandakı nüfuzunun zəifləməsinə səbəb oldu. Yanoş Zapolyanın vəfatından sonra 1540-cı ildə Buda Osmanlılar tərəfindən bəylərbəyiliklərin mərkəzinə çevrildi və Transilvaniya torpaqları Yanoş Ziqmundun idarəsinə verildi. Beləliklə 1541-ci ildə Osmanlılardan vassal asılılığında olan Transilvaniya knyazlığı yaradıldı.

1570-ci ildə imzalanan əsasən Transilvaniya knyazlığının Macarıstan krallığının tərkib hissəsi olması tanındı. Bundan başqa Transilvaniya şahzadəsi elan edildi. 1571-ci ildə II Con Ziqmundun ölümündən sonra Batori Kral ailəsi daha da güclənərək Transilvaniyada hakimiyyəti öz əlinə aldı və nəticə də Transilvaniya knyazlığı 1602-ci ildə qədər osmanlıların vassal aslılığında Batori sülaləsi tərəfindən idarə edildi. Şahzadə I Stefan Batori Transilvaniyanın ən güclü hakimi olmuşdur.