Trabzonspor 1967-ci ildə yaranmışdır. Həmin ildən Trabzonspor Türkiyə 2-ci Futbol Liqasında (indiki adı 1-ci Liqa) oynadı. İlk ilində 20 komanda arasında bu liqada Boluspordan sonra Liqanı altıncı sırada tamamladı. Növbəti iki il ərzində Liqanı dördüncüsü oldu və sonrakı il Liqada 8-ci oldu. 1974-cü ildən Türkiyə Super Liqasında mübarizə aparır. Klubun ilk prezidenti Əli Osman Ulusoy olmuşdur. Türkiyə Super Liqasında çempion olmuş 6 klubdan biridir.

Trabzonspor 1975–1976 mövsümündə liqada çempion olaraq, növbəti mövsümdə UEFA (UEFA Çempionlar Kuboku) təşkilatında iştirak etmək hüququ qazanmışdı. Avropada ilk qarşılaşmasını İslandiyanın təmsilçisi İB Akraness ilə oynayan və bu komandanı məğlub edən Trabzonsporun Avropa arenasında ilk qolunu vurdu. Trabzonspor ikinci turda Liverpul FK ilə qarşılaşdı. Trabzonspor, Trabzonda ilk matçını 1–0 qazanarkən, Böyük Britaniyada məğlub olmaqdan xilas ola bilmədi; Çempionlar Kubokunun qalibi Liverpul həmin il Avropa matçlarında yeganə məğlubiyyətini Trabzonda aldı. Trabzonsporun Avropa arenasında ən böyük uğuru UEFA Kuboku 3-cü mərhələsidir. Buna baxmayaraq tarixi boyu Olimpik Lion FK və Aston Villa FK kimi əhəmiyyətli Avropa klublarını yarışlardan kənarlaşdırıb. FC Internazionale Milan, Liverpul və FC Barcelona kimi Avropa çempionlarını məğlub etməyə müvəffəq oldu.

Trabzonspor Avropada ən böyük hesablı qələbəsini 2007-ci ildə 6–0 ilə Vllazniya Shkoder qarşı qazanır, 1990–1991 mövsümündə isə FC Barcelonaya qarşı 2–7 nəticəsi ilə ən böyük hesablı məğlubiyyətini aldı.

Trabzonspor Şanlıurfaspor və İrlandiyanın Droeda Yunayted klubu ilə dost klub sayılır.

Trabzonsporun rəngləri tünd qırmızı və mavidir.

Trabzonspor oyunlarını olduqca çox olan azarkeşləri qarşısında oynayır. Trabzonspor Türkiyənin ən çox azarkeşi olan 4. klubudur. Trabzonspor'un yalnız Trabzon şəhərindən olan yox, digər şəhərlərdən olan azarkeşləri də var. Azarkeşlər üçün 61. dəqiqənin xüsusi önəmi var.

• Türkiyə Super Liqası: 47

1974 — hal-hazırda

• Türkiyə 1. liqası: 7

1967–1974

Trabzonda yerləşən və Trabzonsporun 2017-ci ilə qədər oyunlarını oynadığı stadion. 1951-ci ildən 2017-ci ilin yanvar ayına qədər fəaliyyət göstərib.

Trabzonsporun ev oyunlarını keçirdiyi stadion. 2017-ci ildə açılışı olub.

Trabzonsporun oyunlara hazırlaşdığı təsislərdir. 2010-cu ildə yenilənmişdir.

• Türkiyə Super Liqası

  Çempion (7): 1975-1976, 1976–1977, 1978–1979, 1979–1980, 1980–1981, 1983–1984, 2021-2022

  İkinci (9): 1977–1978, 1981–1982, 1982–1983, 1994–1995, 1995–1996, 2003–2004, 2004–2005, 2010–2011, 2019–2020

• Türkiyə Kuboku

  Çempion (9): 1976–1977, 1977–1978, 1983–1984, 1991–1992, 1994–1995, 2002–2003, 2003–2004, 2009–2010, 2019–2020

  İkinci (5): 1974–1975, 1984–1985, 1989–1990, 1996–1997, 2012–2013

• Türkiyə Super Kuboku

  Çempion (10): 1976, 1977, 1978, 1979, 1980, 1983, 1995, 2010, 2020, 2022

  İkinci (3): 1981, 1984, 1992

• Baş nazirlik Kuboku

  Çempion (5): 1975–1976, 1977–1978, 1984–1985, 1993–1994, 1995–1996

  İkinci (6): 1976–1977, 1989–1990, 1990–1991, 1992–1993, 1996–1997, 1997–1998

• Türkiyə İkinci Liqası "Qırmızı qrup"

  Çempion (1): 1973–1974