Ümumiyyətlə kolloid hər hansı maddənin yüksək dərəcədə kiçik hissələrə parçalanmış (və ya disperslik) halı adlanır. Hər bir bərk cismi xırdalamaq yolu ilə kolloid halına salmaq olar. Təbii halda torpağın kolloid hissəcikləri kəltənlər və aqreqatlar şəklində birləşmiş olurlar. Onları yenidən kolloid hissəciklərə ayırmaq üçün torpaq natrium ionları ilə doydurulur.

Kolloid hissəciklər yarandıqları mühitdə asılı halda olur. Kolloidlərin bu halına zol deyilir. Kənar təsir nəticəsində kolloidlər zol halını itirib çökməyə başladıqda bu hadisə koaqulyasiya (pıxtalaşma) adlanır. Kolloidlərin yükünü itirmiş və iriləşmiş yumşaq çöküntülərinə gel deyilir. Torpaq kolloidləri mineral, üzvi və üzvi-mineral olmaqla üç qrupa bölünür. Torpağın mineral kolloidlərinə SiO₂, H₂O, Fe₂O₃ nH₂O daxildir. Üzvi kolloidlər isə torpaq çöküntüsü və turşularından (humin, ulmin, kren) ibarətdir.

• 2017-08-20 at the Wayback Machine

• Torpaq
• Torpaqəmələgətirən süxurlar

1. Quliyev İ.Ə. Torpaqşünaslıq. Bakı