Tofiq Əbdülrəhim oğlu Hüseynov (24 iyun 1949, Bakı – 5 iyul 2020, Bakı) — Azərbaycanın teatr və kino aktyoru, Azərbaycan Respublikasının əməkdar artisti (2009).
| Tofiq Hüseynov | |
|---|---|
| Tofiq Əbdülrəhim oğlu Hüseynov | |
 | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vəfat tarixi | (71 yaşında) |
| Vəfat yeri | |
| Vəfat səbəbi | xərçəng xəstəliyi |
| Vətəndaşlığı |
 SSRİ→ Azərbaycan
|
| Fəaliyyəti | aktyor |
| Teatr | Azərbaycan Dövlət Akademik Milli Dram Teatrı |
| Mükafatları |
|
Həyatı
Tofiq Əbdülrəhim oğlu Hüseynov 1949-cu il iyunun 24-də Bakı şəhərində anadan olmuşdur. 1971-ci ildə M. Əliyev adına Azərbaycan Dövlət İncəsənət İnstitutunun "Dram və kino aktyoru" fakültəsini bitirmişdir. O, bir çox teatrların səhnəsində çalışmış, müxtəlif səpkili obrazlar yaratmışdır. Bunlardan Ü. Hacıbəyovun "O olmasın, bu olsun"unda Rza bəy, F. Aşurovun "Bu meydan, bu şeytan"ında Əzrayıl, Anarın "Adamın adamı"nda Mərd Mazarov, "Qaravəlli"sində Balaqədeş və Əhməd Əhmədov, C. Məmmədquluzadənin "Danabaş kəndinin məktəbi"ndə Hacı Namazalı, T. Mütəlibbovun "Cücələrim"ində Tülkü, N. Vəzirovun "Hacı Qəmbər"ində Cəbi, J. Anuyun "Medeya"sında Şah Kreon, O. Altunbayın "Tomris"ində Vəzir Zəban, kino aləmində "O dünyadan salam"da Əli bəy, "Marş"da Komandir, "Dəvətnamə"də Briqadir, televiziya tamaşalarında isə "Metranpaj"da Kameyev, "Şkafda adam"da Ər və başqa obrazları buna misaldır.
T. Hüseynov 2001-ci ildən Azərbaycan Dövlət Akademik Milli Dram Teatrında çalışır. Öncül sənət ocağının repertuarındakı müxtəlif janrlı tamaşalarda uğurlu rollar oynayıb. Onlardan Komisyonçu (N. Hikmət, "Kəllə"), Knyaz Orbeliani (H. Həsənov, "Brüsseldən məktublar"), Oqtay (B. Vahabzadə, "Rəqabət"), Hacı Kərim (C. Məmmədquluzadə, "Ölülər") kimi obrazlar ona tamaşaçı rəğbəti və məhəbbəti gətirmişdir.
Tofiq Hüseynov 5 iyul 2020-ci ildə Bakıda öz yaşadığı evdə xərçəng xəstəliyindən vəfat etmişdir.
Mükafatları
10 may 2019-cu ildə və 7 may 2020-ci ildə Prezident Mükafatına layiq görülmüşdür.
Teatr səhnəsindəki rolları
- Komisyonçu ("Kəllə", Nazim Hikmət)
- Knyaz Orbeliani ("Brüsseldən məktublar", Həsən Həsənov)
- Oqtay ("Rəqabət", Bəxtiyar Vahabzadə)
- Hacı Kərim ("Ölülər", Cəlil Məmmədquluzadə)
- Laz ("Qanlı Nigar", Sadıq Şəndil)
- Ninkoviç ("Nazirin xanımı", Branislav Nuşiç)
Filmoqrafiya
- Axırıncı dayanacaq (film, 2014)
- Bağdada putyovka var... (film, 2000)
- Biz qayıdacağıq (film, 2007)
- Biz qayıdacağıq (veriliş, 2007)
- Cavid ömrü (film, 2007)
- Dəvətnamə (film, 1989)
- Əlvida, cənub şəhəri (film, 2006)
- Ərazi (film, 2005)
- Kənddən gələn var. II hissə
- Köpək (film, 1994)
- Qız atası (serial, 2014)
- Laplandiyalı qonaq (film, 2009)
- Marş (film, 1982)
- Metranpaj
- Mürafiə vəkillərinin hekayəti (film, 2011)
- O dünyadan salam (film, 1991)
- Şirin bülbül (film, 2000)
İstinadlar
- President.Az. (az.). . 10.05.2019. 2019-05-11 tarixində . İstifadə tarixi: 2019-05-10.
- President.Az. (az.). . 07.05.2020. 2020-09-18 tarixində . İstifadə tarixi: 2020-05-07.