Tofiq Şahmur oğlu Cahangirov (10 dekabr 1963, Novruzlu, Saatlı rayonu) — kardioloq, tibb elmləri doktoru, professor, Azərbaycan Kardiologiya Cəmiyyətinin sədri (2017-2019), Azərbaycan Kardiologiya jurnalının redaktoru, C.M.Abdullayev adına Elmi-Tədqiqat Kardiologiya İnstitutunun "Arterial Hipertenziya" şöbəsinin rəhbəri, Əziz Əliyev adına Azərbaycan Dövlət Həkimləri Təkmilləşdirmə İnstitutunun Kardiologiya kafedrasının müdiri Professor Tofiq Cahangirov 30 Noyabr 2022-ci ildə Azərbaycan Respublikasının ictimai-siyasi həyatında fəal iştirak edən şəxslərin təltif edilməsi haqqında Azərbaycan Respublikası Prezidentinin Sərəncamı ilə "Tərəqqi" medalı ilə təltif edilmişdir. 

Tofiq Cahangirov
Doğum tarixi 10 dekabr 1963(1963-12-10) (60 yaş)
Doğum yeri
Elm sahəsi kardiologiya
Elmi dərəcəsi tibb elmləri doktoru
Elmi adı professor
İş yerləri Elmi-Tədqiqat Kardiologiya İnstitutunun "Arterial Hipertenziya" şöbəsinin rəhbəri, ADHTİ-nin Kardiologiya kafedrasının professoru
Təhsili Azərbaycan Tibb Universiteti
Moskva Elmi-Tədqiqat Kardiologiya İnstitutu
Moskva Dövlət Tibbi-Stomatoloji Universiteti
Üzvlüyü
  • Azərbaycan Kardiologiya Cəmiyyəti[d]
Mükafatları "Heydər Əliyevin 100 illiyi (1923–2023)" yubiley medalı Tərəqqi medalı

Həyatı

Tofiq Cahangirov 10 dekabr 1963–cu ildə ildə Saatlı rayonunun Novruzlu kəndində anadan olmuşdur. 1981-ci ildə Saatlı rayon Səməd Vurğun adına 1 saylı orta məktəbi bitirmiş və həmin ildə Nəriman Nərimanov adına Azərbaycan Dövlət Tibb İnstitutuna daxil olmuş, 1987-ci ildə həmin institutun müalicə-profilaktika fakültəsini bitirmişdir.

Fəaliyyəti

Elmi fəaliyyəti

1993-cü ildə Rusiya Fedarasiyası A.L Myasnikov adına Elmi-Tədqiqat Kardiologiya İnstitutunda namizədlik dissertasiyasını müdafiə edərək tibb elmləri namizədi olmuşdur. 2006-cı ildə Rusiya Federasiyası Moskva Dövlət Tibbi-Stomatoloji Universitetində doktorluq dissertasiyasını müdafiə edərək tibb elmləri doktoru olmuşdur. 1994-1997-ci illərdə Azərbaycan Elmi-Tədqiqat Kardiologiya İnstitutunun klinikasının baş həkimi olmuşdur. 1997-ci ildən 2019-ci ilə kimi Azərbaycan Elmi-Tədqiqat Kardiologiya İnstitutunun «Ürək Çatışmazlığı» şöbəsində böyük elmi işçi, 2019-cu ildən hal-hazıra kimi «Arterial Hipertenziya» şöbəsinin rəhbəri, 2011-ci ildən Əziz Əliyev adına Azərbaycan Dövlət Həkimləri Təkmilləşdirmə İnstitutunun Kardiologiya kafedrasının professorudur.

Konfranslarda iştirakı

  • 2018-2019-cu illərdə keçirilən ölkə daxili konfranslar ( Bakı, Naxçıvan, Gəncə, Sabirabad, Cəlilabad və s…)
  • Azərbaycan Kardiologiya Cəmiyyətinin 10 illik Yubileyi
  • Bakı Konqres Mərkəzində Keçirilən Azərbaycan Kardiologiya Cəmiyyətinin VII, VIII Beynəlxalq Konqresləri
  • Türk Kardioloji Dərnəyi (konqreslərində çıxışlar, iclaslarda sədrlik)
  • Rusiya Kardiologiya Cəmiyyəti
  • Avropa Ürək Çatışmazlığı Assosiasiyası (birgə ortaq sessiyalar-çıxışlar, iclasa sədrlik)
  • İtaliya Kardiologiya Federasiyası ilə birgə ortaq toplantı (çıxışlar, iclasa sədrlik)

Üzvü olduğu təşkilatlar

  • Rusiyanın «Ürək çatışmazlığı üzrə Mütəxəssislər Cəmiyyəti»nin
  • Rusiyanın «Ultrasəs diaqnostikası üzrə Mütəxəssislər Assosiasiyası»nın
  • «Avropa Ürək Çatışmazlığı Cəmiyyəti»nin
  • «Avropa Kardiologiya Cəmiyyəti»nin həqiqi üzvü
  • Azərbaycan Kardiologiya Cəmiyyətinin İdarə Heyətinin üzvü, “Ürək Çatışmazlığı” işçi qrupunun rəhbəri
  • 1995-ci ildən Yeni Azərbaycan Partiyasının üzvü. 2021-ci il martın 5-də keçirilən YAP-ın VII qurultayında İdarə Heyətinin üzvü seçilmişdir.

Elmi işləri

Kardiologiya sahəsində 100 elmi iş, eyni zamanda monoqrafiyalar, tədris vəsaiti, məqalələr dövrü nəşriyyatda və respublikadan kənar çap olunmuşdur. 3 monoqrafiyanın, 1 klinik protokolun və 1 dərsliyin müəllifidir.

Mükafatları

  • 2019-cu ildə Avropa Kardiologiya Cəmiyyəti nəzdində Avropa Ürək Çatışmazlığı Assosiasiyası (ing. Heart Failure Association of the ESC) tərəfindən qızıl medalla təltif olunmuşdur.

İstinadlar

  1. . anl.az (az.). 2020-02-17 tarixində . İstifadə tarixi: 9 sentyabr 2010.
  2. . akc.az (az.). 2021-09-22 tarixində . İstifadə tarixi: 28 mart 2021.
  3. (). cardiojournal.az (az.). İstifadə tarixi: 28 mart 2021. [ölü keçid]
  4. . 2022-12-02 tarixində . İstifadə tarixi: 2023-04-25.
  5. . akc.az (az.). 2021-05-06 tarixində . İstifadə tarixi: 16 mart 2019.
  6. . oxu.az (az.). İstifadə tarixi: 5 mart 2021.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023