Tobias Vinsent Maquayr 27 iyun 1975-ci ildə Kaliforniyanın Santa Monika şəhərində Vendi Braun və Vinsent Maquayrın ailəsində dünyaya gəlib. Onun iki yaşı olarkən valideynləri ayrılıb, Maquayr uşaqlığının çox hissəsini digər ailə üzvləri ilə yaşamalı olub.

Maquayr uşaq olarkən aşpaz olmaq fikrində idi, anası 100 dollar verib onu drama təhsili almağına razı salmışdı. Oxuduğu məktəbin mühiti ona pis təsir etmişdi, təhsilini yarıda qoyaraq aktyorluq karyerasına davam etməli oldu.

Hollivud ulduzu Tobey Maguire kinoda debütunu "Bu oğlanın həyatı" dramatik filmi ilə edib. Bu filmdə onun tərəf müqabilləri məşhur aktyorlar Robert de Niro və Ellen Barkin olub. Sonralar bir-birindən maraqlı rolları ilə kino-aləmində tanınan Maquayr "Hörümçək-adam" filmindəki ifasına görə dəfələrlə mükafatlara, nominasiyalara və qran-prilərə layiq görülüb.

Maquayr 1992-ci ildən vegetarian idi, 2009-cu ildə isə vegan olmağa qərar verdi. Maquayr 19 yaşından içki problemləri ilə çətinlik çəkib.

2003-cü ildə o, Universal Studios-da Seabiscuit filminin çəkilişləri zamanı zərgərlik dizayneri Cennifer Meyerlə tanış oldu və onlar 2006-cı ilin aprelində nişanlandılar. Həmin ilin noyabrında onların qızı anadan oldu. Meyerin atası Universal Studios-un rəhbəri Ronald Meyer, Maquayr 2003-cü ildə Hörümçək-adam 2-dən qovulduqdan sonra işini bərpa etməsi üçün ona kömək edib. Maquayr və Meyer 3 sentyabr 2007-ci ildə Havayda ailə həyatı qurdular. ​​2009-cu ilin may ayında onların ikinci övladı, bir oğulu dünyaya gəldi. 18 oktyabr 2016-cı ildə cütlük doqquz illik evlilikdən sonra ayrıldıqlarını elan etdilər. 2020-ci ildə Meyer dörd illik ayrılıqdan sonra boşanmaq üçün ərizə verdi.