Bədənin kutikulası incə eninə zolaqlıdır.Basillyar lentlər yaxşı inkişaf etmişdir.Erkək:Bədənin uzunluğu 14,3-15,6 mm, Eni 0,05-0,07 mm-dir. Spikula incə,nazik olub,zəif görsənir. Freytas və Almeydaya (1935) görə uzunluğu 0,8-1,2 mm-ə çatır. Spikular balalıq yolu 0,9 mm uzunluğunda olan nazik tikanlarla örtülür. Spikulyar balalıq yolunun uzunluğu 0,30-0,52 mm-ə çatır. Arxa hissəsi bərk daralmış vəziyyətdədir.Cinsi bursa rudementar,kiçikdir və iki kiçik çıxıntıdan və kutikulyar qatdan ibarətdir. Dişi:Bədənin uzunluğu 28–32 mm-dir. Vulva dairə varidir,çıxıntılar olmur.Arxa hissəsi bərk daralmış vəziyyətdədir. Anus terminal yerləşir. Yumurtanın uzunluğu 0,050-0,055 mm, eni 0,024-0,028 mm-dir. Yumurtaların üst qabığı hamardır və qalındır. Yumurtanın qütbündə olan tıxaclar dar və cuzi çıxıntılıdır..

Geniş yayılan,çox saylıdır. Hind toyuğu,ev ördəyi, qazkimilər,qağayılar,toyuqkimilər,yırtıcı sərçəkimilər quşlarında qida borusunda,ağız boşluğunda,çinadəndə parazit həyat tərzi keçirirlər. Selikli qişanın ifrazatı ilə qidalanırlar. Düşmənləri yoxdur. Erkək,dişi,yumurta vasitəsi ilə çoxalır. Növün Fenologiyasına yumurta,aralıq sahib sürfə,yetkin fərd daxildir. Orta ömrün uzunluğu sahibin orqanizmində 2-2,5 ay, cinsi yetkinliyə çatma müddəti isə 24 gündür. Aralıq sahibi yoxdur.Yumurtanın daxilində 35-40 gün sürfə,invazion mərhələsinə çatır. Reproduktivliyi və xromosom göstəriciləri məlum deyil. Mühafizəyə ehtiyac yoxdur.

Dünyada 52 növ, Azərbaycanda 1 növ qeydə alınıb. Azərbaycanın bütün ərazilərində geniş yayılmışdır.