Tension — avstraliyalı müğənni Kayli Minouqun on altıncı studiya albomudur. Albom 22 sentyabr 2023-cü ildə BMG Rights Management və Minogue Darenote şirkəti tərəfindən buraxılmışdır.
| Tension | |
|---|---|
| Kayli Minouq tərəfindən ifa olunmuş studiya albomu | |
| Yayımlanma tarixi | 22 sentyabr 2023 |
| Janr | pop disko elektropop |
| Müddət | 2.151 san. |
| Dil | ingilis dili |
Tarix
Minouqun 2020-ci ildə disko, dans-pop janrlarında Disco adlı albomundan sonra yeni işi olaraq albomun yayımlanacağı 2023-cü ilin may ayında elan edilmişdi. Padam Padam albomun baş sinqldır, albomun adı ilə bağlı olan Tension sinqlı 2023-cü il avqust ayının sonlarında yayımlandı, holland DJ və elektron musiqi prodüseri Oliver Heldensin Minouq ilə olan sinqlı — "10 Out of 10" da albomda yer alır.
Hələ 2022-ci ilin iyununda Vogue jurnalına verdiyi müsahibədə Minouq, yeni material üçün istinad nöqtəsi kimi 2003-cü ildəki "Slow" adlı sinqlının janrında yəni albomun işıq üzü görə biləcəyinə işarə etmişdi. Jurnal həmçinin yeni albom haqqında digər məlumatları qeyd etmişdi. Lakin 2023-cü ilin may ayında Kayli yeni albomu haqqında danışarkən, o, son iki studiya albomu Golden və Disco- dan fərqli olaraq konkret mövzunun olmadığını bildirdi və "Hər mahnının fərdiliyini qeyd etmək və bu azadlığa dalmaq istədiyini" dedi.
O, albom üzərində işləmək üçün əvvəllər çalışdığı əməkdaşlar Riçard Biff Stannard və Dak Blekvela müraciət etmişdi.
Ümumiyyətlə Kayli Minouq bu albomu işləmək üçün Danimarkanın paytaxtı Kopenhagen, İngiltərədə kurort şəhəri Brayton, eləcə də paytaxt London, Xorvatiya və Fransanın paytaxtı Parisə səyahətlər etmişdi.
Albomun tərkibi və yayımlanması
Albom " Padam Padam " adlı mahnı ilə başlayır və onun klipi albom yayımlanmadan bir neçə ay öncə təqdim edilmişdi. Ina Vroldsen və Peter Raykroft tərəfindən yazılmış və "hipnotik elektro " trek kimi təsvir edilmişdir. Mahnı tam formada Lostboy kimi tanınan Raykroft tərəfindən hazırlanmışdır. "Padam Padam" yayımlandığı gündən müxtəlif sosial media platformalarında fenomen oldu və qürur ayı ərzində ardıcıl səslənərək bütün dünyada geylərin himninə çevrildi.
Tension 22 sentyabr 2023-cü ildə planlaşdırıldığı kimi BMG Rights Management tərəfindən və Minouqun Darenote şirkəti vasitəsilə onun on altıncı studiya albomu olaraq buraxıldı. Minouq albomun buraxılmasını təşviq etmək üçün öz veb-saytının səhifələrində müxtəlif formatlar təyin etdi. Standart albom ümumi uzunluğu 35 dəqiqədən çox olan 11 mahnı ilə, lüks buraxılış isə üç əlavə mahnı ilə 45 dəqiqədən çox davam edir: "Love Train", "Just Imagine" və "Somebody to Love".
Tension adlı mahnının klipi, eləcə də albomun digər mahnılarının musiqi nömrələri sentyabr ayı boyunca Kayli Minouqun youtube rəsmi səhifəsində yerləşdirildi. Həm "Padam Padam" video klipi, həm də ikinci "Tension" adlı klip rejissor Sofi Müller tərəfindən çəkilmişdir. Müller ikinci video klipdə neofuturist janrdan istifadə etmişdir. Bu klipi bir çox elmi-fantastik janrda yazılmış futuroloji əsərlərlə müqayisə edirlər.
Canlı performanslar
21 may 2023-cü ildə Minouq debüt olaraq American Idol -da "Padam Padam" mahnısını ifa etdi. Növbəti ay o, mahnını Capital's Summertime Ball 2023-də ifa etdi. Kayli 2023-cü il London Moda Həftəsinin təqdimatı üçün "Padam Padam" və "Tension" ifaları daxil olmaqla digər bəzi albom treklərinin də ilk təqdimatını etdi.
İstinadlar
- Daw, Stephen. . Billboard (ingilis). 2023-08-30. 2023-09-20 tarixində . İstifadə tarixi: 2023-09-23.
- Bell, Keaton. . Vogue. 9 June 2022. 12 May 2023 tarixində . İstifadə tarixi: 12 May 2023.
- McCarthy, Fiona. . standard.co.uk. 2 November 2022. 18 May 2023 tarixində . İstifadə tarixi: 18 May 2023.
- Rolling Stone.
- Garcia, Thania. . Variety.com. 12 May 2023. 15 May 2023 tarixində . İstifadə tarixi: 16 May 2023.
- Nast, Condé. . Vogue (ingilis). 2022-06-09. 2023-05-12 tarixində . İstifadə tarixi: 2023-09-23.
- McCarthy, Fiona. . Evening Standard (ingilis). 2022-11-02. 2023-05-18 tarixində . İstifadə tarixi: 2023-09-23.
- . uk.style.yahoo.com (ingilis). 2022-07-22. İstifadə tarixi: 2023-09-23.
- Geraghty, Hollie. . Rolling Stone UK (ingilis). 2023-05-26. 2023-06-01 tarixində . İstifadə tarixi: 2023-09-23.
- Kupemba, Danai Nesta. . PinkNews. 12 May 2023. 15 May 2023 tarixində . İstifadə tarixi: 16 May 2023.
- . Harper's BAZAAR (ingilis). 2023-06-15. 2023-09-22 tarixində . İstifadə tarixi: 2023-09-23.
- Nast, Condé. . Vogue (ingilis). 2023-06-26. 2023-08-08 tarixində . İstifadə tarixi: 2023-09-23.
- . Kylie Minogue's official website. 6 February 2011 tarixində . İstifadə tarixi: 27 May 2023.
- . 2023-09-05 tarixində . İstifadə tarixi: 2023.09.04.
- Peterson, J. . Mail Online. 2023-09-01. 2023-09-20 tarixində . İstifadə tarixi: 2023-09-23.
- Ellwood-Hughes, Pip. . Entertainment Focus (ingilis). 2023-09-01. 2023-09-02 tarixində . İstifadə tarixi: 2023-09-23.
- Pop, Retro. . RETROPOP (ingilis). 2023-05-22. 2023-05-22 tarixində . İstifadə tarixi: 2023-09-23.
- . Yahoo Sports (ingilis). 2023-06-12. İstifadə tarixi: 2023-09-23.
- Norris, Lucy. . Metro (ingilis). 2023-09-16. 2023-09-16 tarixində . İstifadə tarixi: 2023-09-23.