Beruçaşvili 1985-ci ildə Moskvanın Rusiya Xalqlar Dostluğu Universitetini bitirib, fizika-riyaziyyat və təbiət elmləri, eləcə də xarici dillər fakültələrində təhsil alıb. Təhsilinə görə - kimyaçı, fransız dilindən tərcüməçidir. 1986-1990-cı illərdə Gürcüstan SSR Elmlər Akademiyasının Farmakologiya İnstitutunda baş laborant işləyib. 1990-1992-ci illərdə Gürcüstanın Elm və Texnologiya Nazirliyində beynəlxalq əməkdaşlıq şöbəsinin baş mütəxəssisi olur. 1992-ci ildə UNESCO Beynəlxalq İdarəetmə Mərkəzini bitirib. 1992-1994-cü illərdə Gürcüstanın Xarici İqtisadi Əlaqələr üzrə Dövlət Komitəsində işləmiş, TACIS proqramının koordinasiya bürosunun inzibatçısı olmuşdur. 1994-1996-cı illərdə Gürcüstanın Elm və Texnologiya Nazirliyində çalışır, TACIS proqramının koordinasiya bürosunda icraçı direktor müavini vəzifəsini tutur.

1996-1998-ci illərdə Beruçaşvili Bloomingtondakı İndiana Universitetində Dövlət İdarəçiliyi üzrə magistr təhsili alır. Bu müddət ərzində Vaşinqtondakı Strateji və Beynəlxalq Araşdırmalar Mərkəzində təcrübə keçir. 1998-ci ilin iyun-avqust aylarında ABŞ-dən qayıtdıqdan sonra Gürcüstanın Ticarət və Xarici İqtisadi Əlaqələr nazirinin müavini, sonra 1998-2000 -ci illərdə Nazir vəzifəsində çalışır. Beruçaşvili 2000 -ci ilin iyunundan 2003-cü ilin dekabrınadək Gürcüstanın Xarici İşlər Nazirinin müavini, 2003-cü ilin dekabrından Gürcüstanın Avropa və Avroatlantik İnteqrasiya üzrə Dövlət Nazirinin müavini, Aİ proqramının milli koordinatoru olur. 2004-cü ilin fevral-dekabr aylarında Avropa və Avroatlantik strukturlarla inteqrasiya üzrə dövlət naziri vəzifəsində çalışmışdır. 2004-cü ilin dekabrından 2011-ci ilin dekabrına qədər - Avropa və Avroatlantik Strukturlarla İnteqrasiya üzrə Dövlət Nazirinin birinci müavini, 2011-2012-ci illərdə Baş nazirin müavini, Avropa və Avroatlantik İnteqrasiya üzrə Dövlət Nazirinin baş müşaviri olmuşdur. 2012-ci ilin noyabrından 2013-cü ilin martınadək yenidən Avropa və Avroatlantik İnteqrasiya üzrə Dövlət nazirinin müavini vəzifəsində çalışmışdır.

25 mart 2013-cü ildə Gürcüstan xarici işlər nazirinin müavini vəzifəsinə təyin edilir.Üstəlik Avroatlantik inteqrasiya məsələlərinə nəzarət edir. 7 noyabr 2014-cü ildə xarici işlər nazirinin birinci müavini vəzifəsini icra edir. 11 noyabr 2014-cü ildə Gürcüstanın Xarici İşlər Naziri təyin edilir və 1 sentyabr 2015-ci ilə qədər bu vəzifəni tutur. 2016-cı ilin martında Gürcüstanın Böyük Britaniyadakı səfiri təyin edilir.

Ailəlidir, iki övladı var.