Tamara Aleksandrovna Çernova (rus. Чернова Тамара Александровна; d. 2 yanvar 1928, Sverdlovsk, RSFSR) — Sovet kino və teatr aktrisası, RSFSR əməkdar artisti (1966).
| Tamara Çernova | |
|---|---|
| Тамара Чернова | |
| Doğum tarixi | |
| Doğum yeri | Sverdlovsk, RSFSR |
| Vətəndaşlığı | |
| Fəaliyyəti | Aktrisa |
| Fəaliyyət illəri | 1950 — 1991 |
| Mükafatları |
|
| IMDb | |
Həyatı
Tamara Çernova 1928-ci ildə Sverdlovskda (indiki Yekaterinburq) dünyaya gəlmişdir. Atası Aleksandr Çernov partiya işçisi, anası Anastasiya isə maliyyəçi olmuşdur. Ailədə 3 qız uşağından biri olan Tamaranın Viktoriya adlı ekiz bacısı və Klara adlı böyük bacısı olmuşdur.
Böyük Vətən Müharibəsi illərində "Uralmaş" zavodunda çalışmış, həmçinin hospitallarda növbətçi olmuşdur. 1947-ci ildə Kiyevdə rus teatrının teatr studiyasını bitirmiş, daha sonra Leninqrada yollanaraq burada Teatr institutunun aktyorluq fakültəsinə qəbul olunmuş və bir ilə yaxın burada təhsil almışdır.
1950-ci ildə filmlərin çox az çəkildiyi dövrdə ekranlara çıxan "Qoçaq insanlar" ("Смелые люди") filmində debüt edən Tamara dərhal məşhurlaşdı. Həmin il ailə quran aktrisa tezliklə ana olduğu üçün yeni filmlərdə çəkilmək təkliflərinə razı olmurdu. Bu filmin təqdimatından sonra o, Moskva Bədii Akademik Teatrının (Московский художественный академический театр) məktəb-studiyasının ikinci kursuna qəbul olunur. Buranı 1953-cü ildə bitirdikdən sonra Mossovet adına Teatrın truppasında fəaliyyətə başlayır.
1955-ci ildə ""nın çəkdiyi "Bəxtiyar" filmində Saşa rolunu ifa edir və Rəşid Behbudovun tərəf müqabili olur.
1991-ci ildə səhhətindəki problemlərlə əlaqədar teatrdan ayrılan Tamara Çernova hazırda Rusiyada yaşayır.
Filmoqrafiya
- 1950 – "Qoçaq insanlar" "Смелые люди" (Nadya Voronova)
- 1955 – "Bəxtiyar" (Saşa)
- 1956 – "Gəncliyə səyahət" "Путешествие в молодость" (Marina)
- 1958 – "On səkkizinci il" "Восемнадцатый год" (пьяная девица с гитарой)
- 1965 – "İndi sizi necə adlandıraq?" "Как Вас теперь называть?" (epizod)
- 1969 – "Zadəgan yuvası" "Дворянское гнездо" (Mariya Dmitriyevna)
- 1970 – "İki gün möcüzə" "Два дня чудес" (Lukoşkina)
- 1970 – "İki bacı" "Две сестры", tv (rol)
- 1974 – "Böyük qarşıdurma" "Великое противостояние", tv (rol)
- 1974 – "Qəribə missis Sevic" "Странная миссис Сэвидж", tv (miss Vili)
- 1979 – "Dəmir oyunlar" "Железные игры", tv (rol)
- 1979 – "Üç naməlumun məsələsi" "Задача с тремя неизвестными", tv (Şustova)
- 1981 – "Və sizinlə yenidən mənəm" "И с Вами снова я…", tv (N. İ. Qonçarova)
- 1982 – "Qədim detektiv" "Старинный детектив", tv (zadəgan xanım)
- 1988 – "Müdafiəçi Sedov" "Защитник Седов", qm (Mariya Antonovna)
- 1998 – "Zavallı Liza" "Бедная Лиза", ABŞ (yaşlı xanım)
İstinadlar
- . 2021-10-06 tarixində . İstifadə tarixi: 2011-06-09.
- Qurbanlı, R. Rəşid Behbudovun donunu cırdığı rus aktrisa: ["Bəxtiyar" filmində Saşa obrazını yaradan Rusiyanın Əməkdar artisti Tamara Çernova haqqında] //Ədalət.- 2014.- 16 iyul- S.4
- . 2014-01-18 tarixində . İstifadə tarixi: 2011-06-09.