Tahir Rza oğlu Cəbrayılov (15 fevral 1937, Birinci Nügədi, Quba rayonu – 28 sentyabr 1986, Birinci Nügədi, Quba rayonu) — Azərbaycan-sovet kənd təsərrüfatı qabaqcılı, Sosialist Əməyi Qəhrəmanı (1973).
| Tahir Cəbrayılov | |
|---|---|
 | |
| Doğum tarixi | 15 fevral 1937 |
| Doğum yeri | |
| Vəfat tarixi | 28 sentyabr 1986 (49 yaşında) |
| Vəfat yeri | |
| Partiyası |
|
| Mükafatları |
    
|
Həyatı
Tahir Rza oğlu Cəbrayılov 15 fevral 1937-ci ildə Quba rayonunun Birinci Nügədi kəndində anadan olmuşdur. Əmək fəaliyyətinə 1956-cı ildə Quba rayonundakı Jdanov adına sovxozda sağıcı kimi başlamış, 1969-cu ildən süd-əmtəə fermasında sağıcı işləmişdir. Həyatının son üç ilində isə süd-əmtəə fermasının briqadiri olmuşdur.
Tahir Cəbrayılov sağıcı kimi işə başladığı ilk günlərdən fərqlənmiş, fəaliyyətinin ilk ilində hər inəkdən 1500 kiloqramdan artıq süd sağmışdır. Növbəti illərdə o, süd sağımını artıraraq səkkizinci beşilliyin (1966–1970) tapşırıqlarını üç il yeddi ayda yerinə yetirmişdir. 1972-ci ildə Şərqiyyə Vəliyeva ilə qoşularaq bəslədiyi 14 inəyin hər birindən 5105 kiloqram, 1973-cü ildə isə 5500 kiloqrama qədər süd əldə etmişdir.
Tahir Cəbrayılov ümumittifaq sosializm yarışında qazandığı böyük müvəffəqiyyətlərə və 1972–1973-cü illərin qış dövründə heyvandarlıq məhsulları istehsalının və tədarükünün artırılmasında göstərdiyi əmək rəşadətinə görə SSRİ Ali Soveti Rəyasət Heyətinin 6 sentyabr 1973-cü il tarixli Fərmanı ilə "Sosialist Əməyi Qəhrəmanı" adına layiq görülmüşdür. Bundan əlavə, iki "Lenin" ordeni, "Xalqlar dostluğu" və "Şərəf nişanı" ordenləri, eləcə də SSRİ medalları ilə təltif edilmişdir.
Tahir Cəbrayılov 1961-ci ildən Sovet İttifaqı Kommunist Partiyasının üzvü olmuş, Sov.İKP XXVI qurultayına, Azərbaycan Kommunist Partiyasının XXX və XXXI qurultaylarına nümayəndə seçilmişdir. O, Azərbaycan KP Quba Rayon Komitəsinin büro üzvü olmuş, Quba Rayon Xalq Deputatları Sovetinin deputatı seçilmişdir.
Tahir Cəbrayılov ağır xəstəlikdən sonra 28 sentyabr 1986-cı ildə doğulduğu Birinci Nüvədi kəndində vəfat etmişdir.
İstinadlar
- ↑ Ҹәбрајылов Таһир Рза оғлу // Азәрбајҹан Совет Енсиклопедијасы: [ 10 ҹилддә]. X ҹилд: Фрост— Шүштәр. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1987. С. 408.
- ↑ Таһир Рза оғлу Ҹәбрајылов // Коммунист. № 227 (20098). 30 сентјабр 1986-ҹы ил. С. 3.
- Һаҹы Һәсәнов. Таһирин һүнәри // Коммунист. № 211 (15426). 8 сентјабр 1973-ҹү ил. С. 1.
- Азәрбајҹан ССР-ин Губа рајонундакы Жданов адына совхозун сағыҹысы Т. Р. Ҹәбрајылов јолдаша Сосиалист Әмәји Гәһрәманы ады верилмәси һаггында ССРИ Али Совети Рәјасәт Һеј'әтинин Фәрманы // Коммунист. № 210 (15425). 7 сентјабр 1973-ҹү ил. С. 1.