Ulusun sahəsi 18,8 min km²-dir. Ulus Yakutskın şimal-şərqində, Bayaqa, Tatta, Amqa, Noxu və Aldan çaylarının vadilərində yerləşir. Ulus cənub-qərbdə Çurapçı ulusu; şimal-qərbdən Ust-Aldan ulusu; şimal-şərqdən Tompo ulusu, cənub-şərqdən isə Ust-May ulusu ilə həmsərhəddir.

Itık-Kyuyoldan Yakutskadək məsafə 256 km-dir.

Yakutsk Vilayəti Administrasiyasının jurnalının 8 dekabr 1912-ci il tarixli 716 nömrəli qərarı ilə Yakutsk vilayəti Botrus ulusunu 1913-cü il 1 yanvar tarixindən iki ulusa bölünməsi qərara alınır: Botrus və Taatta. Taatta ulusuna aşağıdakı yaşayış məntəqələri daxil idi: Aldan, Terasinski, 2-ci Joxsoqonski, 1-ci İqideyski, 1-ci Joxsoqonski, Ust-Amqinski, Juleyski, 1-ci Xayaxsıtski, 4-cü Joxsoqonski, 2-ci İqideyski, 3-cü Joxsoqonski və Kyunyay. Taatta rayonu 25 mart 1930-cu ildə qurulmuşdur. Müasir adını Yakutiya Muxtar Sovet Sosialist Respublikası Ali Şurası Rəyasət Heyətinin 1990-cı il 19 mart tarixli keçmiş Alekseevski mahalının Taatta ulusu adlandırılması haqqında qərarından sonra almışdır. Bu qərar Rusiya Sovet Federativ Sosialist Respublikasının Ali Sovetinin Rəyasət Heyətinin 6 avqust 1990-cı il tarixli №125-I qərarı ilə təsdiq edilmişdir.

Keçmiş adı burada bir keçid edən rus inqilabçısı Peter Alekseevin adı ilə bağlı idi.

Milli tərkib

2002-ci il siyahıyaalmasına görə ulusun etnik tərkibi: saxalar (95,2%), ruslar (2.3%), evenlər (0.2%), evenklər (0.3%) və digər millətlər (1.9%).

Taatta ulusu ərazisinə 14 kənd inzibati vahidliyinə ümumilikdə 15 yaşayış məntəqəsi daxildir. Ulus ərazisinə daxil olan yaşayış məntəqələri: Borobul k., Bulun k., Daya-Amqata k., Dakkı q., Kıyı k., Tomtor q., Tuora-Kyuyol k., Uolba k., Xara Aldan k., Xarbalax k., Çerçyux k., Çımnayi k., Çıçımax k., Itık-Kyuyol k.

Ulusun rəhbəri - Mixail Mixayloviç Sorov

Ulus iqtisadiyyatında aparıcı rolu əkinçilik, ətlik və südlük maldarlıq, ətlik atçılıq tutur. Kartof, tərəvəz, yem bitkiləri becərilir. Kənd təsərrüfatı torpaqlarının sahəsi 86,2 min ha-dır. Ulusun kollektiv müəssisələri, kənd təsərrüfatı firmaları, fermer təsərrüfatları və yerli sənaye müəssisələri vardır.