Taşto Murza və ya Starıe Turdaki (erz. Ташто Мурза) — Mordoviyanın Koçkurovsk rayonunda kənd. Taşto Murza kənd inzibati mərkəzi statusuna malikdir. Əhalisi 691 nəfərdir (2001). Əsasən erzyanlılardı. Kuzım çayının sahilində yerləşir. Rayon mərkəzindən 20 km aralıdır. Simbuxovo dəmiryol stansiyasından isə 3 km aralıda yerləşir. Yaşayış məntəqəsinin adı antroponimdir: xristian dininə qədər istifadə edilmiş Turdak (Turqak) sözündən yaranıb. Starıy sözü həm də izah edir ki, Yeni Turdaki kəndi də var.

Taşto Murza
Ташто Мурза
53°55′12″ şm. e. 45°28′12″ ş. u.
Ölkə	Rusiya
Region	Mordoviya
Rəqəmsal identifikatorlar
Poçt indeksi	431594
Xəritəni göstər/gizlə Taşto Murza

Kəndin əsası XVII əsrdə qoyulub. «Penza quberniyasının yaşayış yerlərinin siyahısında» (1869) Taşto Murzada 242 ev göstərilib. Əhalisi isə 1483 nəfər olub. Kənd Saransk uezdinə daxil olub. Ərazidə bir kilsə, 12 qaymaq fabriki var idi. Ovçuluq, dülgərlik, dərzilik və digər sənətkarlıq inkişaf etmişdir. 1930-cu illərin sonlarında Çapayev adına kolxoz yaradılmışdır. 1997-ci ildən "Norv" ASC-nin tərkibinə qatılıb.

Müasir Taşto Murzada - kitabxana, mədəniyyət evi, poçt şöbəsi, ilk tibbi yardım məntəqəsi, mağaza; Sovet İttifaqı Qəhrəmanı S. I. Polezhaykinin abidəsi, Böyük Vətən Müharibəsi zamanı həlak olan əsgərlərə həsr edilmiş lövhə və s. var. Staro Turdak kənd rəhbərliyinə 16 nəfər daxildir.

Taşto Murza və ya Starıe Turdaki Sosialist Əməyi Qəhrəmanı Q.S.Starkinin, sovet-partiya işçisi İ.S.Sibiryakın, Böyük Vətən müharibəsi illərində belarus ərazisində fəaliyyət göstərmiş partizan A.S.Qrişinin, pedaqoq L.P.Senotovun, dil şünnas V.D.Obedkinin, yüngül atlet H.F.Kabanovanın, Mordoviyanın əməkdar mədəniyyət işçisi, Mordoviyada ilk uşaq qazeti olan "Diaqnol"ın təsisçisi V.S.Batmazovun, əməkdar ixtiraçı V.V.Nesterovun vətənidir.