Svetlana Rodina 1958-ci ildə Rusiyanın İvanovo şəhərində anadan olub. Məktəbi bitirdikdən sonra bir müddət İvanovo Pedaqoji İnstitutunun Tarix-filologiya fakültəsində oxumuş, lakin sonra teatr universitetinə daxil olmaq üçün Moskvaya getmişdir.

1975-ci ildə Moskva İncəsənət Teatr Məktəbini (V. Monyukovun kursu) bitirmişdir. 1975-ci ildən Rusiya Federasiyası Teatr Xadimləri İttifaqının üzvüdür.

Tələbə ikən Moskva İncəsənət Teatrında M. Qorkinin "Üç kök kişi" (Tomboy, V. N. Boqomolovun quruluşunda) və "Bizim borclarımız" (Yura, V. Monyukovun quruluşunda) pyeslərində aktrisa kimi kiçik rolları ifa edirdi.

1975–1989-cu illərdə — A. S. Puşkin adına Moskva Dram Teatrının aktrisası olub.

1982-ci ildə "Azərbaycanfilm" Kinostudiyasının dəvəti ilə İşgüzar səfər (film, 1982) filmində Toma obrazını canlandırır.

1990-cı ildə bir isveçli ilə tanış olur və evlənərək İsveçə köçür. Hazırda Stokholmda aktyorluq bacarıqlarını öyrədir. Stokholm Teatr İnstitutunda professordur. Bundan əlavə, Moskva İncəsənət Teatrı Məktəb-Studiyası ilə birlikdə təhsil proqramlarını həyata keçirir. Stokholm Xalq Universitetində Səhnə Məktəbinin bədii rəhbəridir.

2017-ci ildə filmdəki roluna görə o, "Ən yaxşı ikinci plan qadın rolu" nominasiyasında İsveç milli kino mükafatı "Qızıl Böcək"ə namizəd olmuşdur.

1. İşgüzar səfər (film, 1982)
2. Mənim Evim teatrdır (1975)
3. Görüş (1978)
4. Cənnət // Paradiset (İsveç, 2002/ qısametrajlı film)
5. Stokholm / Sthlm (İsveç, 2008/ televiziya seriyası)