Azərbaycan Respublikası Prezidentinin 17 noyabr 2023-cü il tarixli 2356 nömrəli Fərmanına əsasən Azərbaycan Meliorasiya və Su Təsərrüfatı Açıq Səhmdar Cəmiyyətinin “Azdövsutəslayihə” və “Azərsu” Açıq Səhmdar Cəmiyyətinin “” Elmi Tədqiqat və Layihə İnstitutunun çevrilmə formasında yenidən təşkili yolu ilə "Su və Meliorasiya Kompleksinin Layihələndirilməsi İnstitutu" Publik hüquqi şəxs yaradılıb.

“Azdövsutəslayihə” Su Təsərrüfatı Obyektlərinin Layihələndirilməsi üzrə Azərbaycan dövlət institutunun əsası 1930-cu ildə qoyulmuşdur. İnstitutun əsas fəaliyyəti su təsərrüfatı obyektləri üzrə layihə-axtarış işlərinin həyata keçirilməsindən ibarətdir. 

"Sukanal" Elmi-Tədqiqat və Layihə İnstitutu qanunvericilik çərçivəsində 1961-ci ildə yaradılmış keçmiş "VODGEO" Elmi-Tədqiqat İnstitutu və 1990-cı ildə yaradılmış keçmiş "AzərbSETLİ" Elmi-Tədqiqat və Layihə İnstitutunun birləşdirilməsi nəticəsində 6 avqust 1997-ci il tarixdə təşkil olunmuşdur.

Su və Meliorasiya Kompleksinin Layihələndirilməsi İnstitutu su təsərrüfatı və meliorasiya obyektlərinin, su  təchizatı,  tullantı  sularının  emalı  və  axıdılması  sistemlərinin layihələndirilməsini həyata  keçirən publik hüquqi şəxsdir.

Su və Meliorasiya Kompleksinin Layihələndirilməsi İnstitutunun İdarə Heyətinin sədri Elbrus Paşayevir.

İdarə Heyətinin sədr müavinləri: Adil Qafarlı, Vüqar Mirzəyev

Baş mühəndis: Məmməd Əsədov

İnstitutun əsas fəaliyyət istiqamətləri Azərbaycan Dövlət Su Ehtiyatları Ağentliyi (ADSEA) tərəfindən  tabeliyində  olan  qurumların  təsdiq edilmiş  smetaları  və  digər  dövlət  orqanlarının  (qurumlarının),  yerli özünüidarəetmə  orqanlarının,  habelə  hüquqi  və  fiziki  şəxslərin  sifarişləri  əsasında  su  təsərrüfatı  və  meliorasiya  obyektlərinin,  su təchizatı,  tullantı  sularının  emalı  və  axıdılması  sistemlərinin  və bunlarla  əlaqəli  olan  digər  obyektlərin  layihələndirilməsini  həyata keçirməkdən ibarətdir.  

Su və Meliorasiya Kompleksinin Layihələndirilməsi İnstitutunda müxtəlif ixtisaslardan olan mütəxəssislər çalışır ki, bunların da arasında 3 nəfər elmlər doktoru və 8 nəfər fəlsəfə doktoru (elmlər namizədi) vardır. İnstitutda gənc mütəxəssislərin xüsusi çəkisi böyük yer tutur və onların bilik bacarığının artırılmasına xüsusi diqqət yetirilir.

Su təchizatı sahəsində xidmətlərinə görə İnstitutun 1 əməkdaşı 3-cü dərəcəli Əmək ordeni, 4 əməkdaşı Azərbaycan Respublikasının Əməkdar mühəndisi fəxri adı, 4 əməkdaşı isə "Tərəqqi" medalı ilə təltif olunmuşdur.

• Rəhbərlik
• Hüquq və insan resursları sektoru
• Maliyyə, iqtisadiyyat və mühasibat uçotu şöbəsi
• Sənəd dövriyyəsinin təşkili sektoru
• Beynəlxalq əməkdaşlıq, informasiya və innovativ texnologiyaların tətbiqi sektoru
• Texniki təchizat, təsərrüfat, mülkü müdafiə və SƏTƏM şöbəsi
• Strategiya və layihələrin idarə edilməsi şöbəsi
• -Strategiya və layihələrin planlaşdırma sektoru
• -Müqavilələr və satınalmaların təşkili sektoru
• -Layihələrin tərtibi və buraxılışı sektoru
• Mühəndis axtarış işləri şöbəsi
• -Mühəndis geologiyası sektoru
• -Geotexnika və suyun analizi laboratoriyası
• Geodeziya və torpaqayırma şöbəsi
• Ekologiya və hidrologiya şöbəsi
• Suvarma sistemlərinin və meliorativ tədbirlərin layihələndirilməsi şöbəsi
• Tikintinin təşkilinin layihələndirilməsi və smeta şöbəsi
• Qaynaq işləri testi, texniki şərtlərin və təmir-bərpa obyektlərinin təmiri şöbəsi
• -Obyektlərin təmir-bərpa sektoru
• Su təchizatı, kanalizasiya və yağış suları sistemlərinin layihələndirilməsi şöbəsi
• Yerüstü tikili və qurğuların layihələndirilməsi şöbəsi
• Elektrotexnika, mexanika və avtomatika sistemlərinin layihələndirilməsi şöbəsi
• Kitabxana və arxiv sektoru
• Poliqrafiya sektoru