State Street Corporation — Baş ofisi Amerika Birləşmiş Ştatlarında yerləşən maliyyə xidmətləri və bank holdinq şirkətidir. Şirkət 25 iyun 1792-ci ildə təsis edilmişdir. Bu şirkət ABŞ-da daimi fəaliyyət göstərən ikinci ən qədim bank hesab olunur. Şirkətin baş ofisi Bostondakı One Lincoln Street-də yerləşir.

State Street Corporation
Ümumi məlumatlar
Tipi	ictimai şirkət
Sənaye	Maliyyə xidmətləri
Məhsulları	Aktivlərin idarə edilməsi
Təsis tarixi	1792
Baş qərargahın yeri	Boston
İqtisadi göstəriciləri
Ümumi kapital	21.219.000.000 $ (31 dekabr 2016)
Ümumi aktivlər	242.698.000.000 $ (31 dekabr 2016)
Ümumi gəliri	12.148.000.000 $ (2022)
Xalis mənfəəti	2.774.000.000 $ (2022)
Struktur
İşçi sayı	33.783 nəf. (31 dekabr 2016)
Vikianbarda əlaqəli mediafayllar

State Street aktivlərinə görə ABŞ-ın ən böyük bankları siyahısında 15-ci yerdə dayanır. Şirkət 2023-cü ildə idarəsi altında olan (türk. Yönetim altındaki; ing. under management) 3,9 trilyon ABŞ dolları və nəzarət və rezerv (türk. saklama ve idare altındaki; ing. under custody and administration ) altında olan 43,3 trilyon ABŞ dolları ilə dünyanın ən böyük aktivlərin idarə edilməsi şirkətlərindən biri hesab olunur. Bu bank qiymətli kağızlar xidmətləri göstərən dünyanın ən böyük kastodial bankıdır və eyni zamanda da Maliyyə sabitliyi şurası tərəfindən sistematik olaraq əhəmiyyətli bir bank kimi tanınmışdır. BlackRock və The Vanguard Group ilə bərabər, State Street korporativ ABŞ-da hakim olan üç əsas indeks fond menecerindən biri hesab olunur.

Şirkət adını XVIII əsrdə Bostonun inkişaf edən dənizçilik paytaxtına çevrilməsi ilə "Dənizə gedən böyük küçə" kimi tanınan Bostondakı State küçəsindən götürmüşdür.