Star Batterflay Myuni adlı bir kainatdan olan sehrli qabiliyyətlərə malik şahzadədir. O, Batterflay Krallığının kraliçası olmağa hazırlaşır. Onun valideynləri adətə sadiq qalaraq ona 14 yaşı tamam olanda sehrli çubuq verməli olur. Lakin kral ailəsinin üzvləri arasında o, ən enerjili və oynaq olması ilə tanınır. Bir gün o səhvən ailə qəsrini yandırdıqdan sonra valideynləri Kral River və Kraliça Mun, Starı Yer kürəsinə təhsil almağa göndərməyin ən yaxşı seçim olduğuna qərar verirlər. Bu sayədə o, krallığa zərər vermədən sehrini güvənli şəraitdə öyrənə bilərdi. Star Los-Ancelesə çatanda Marko Diaz adlı şagird ilə dostlaşır, o, həm də məktəbdəki təhsilini davam etdirərkən onun ailəsi ilə birlikdə yaşayır. Starın sahib olduğu çubuğun böyük gücə malik olduğunu bilən Ludi, daim bədheybətlərin köməyi ilə onun çubuğunu ələ keçirməyə çalışır. Star və Marko həm çubuğu ondan qorumalı, həm də gündəlik məktəb həyatının çətinlikləri ilə məşğul olmalıdırlar.